Matthew 5:3 - Chishemanituu Utayimuwin: Kaa Uskaach Testament

³ “Shaweyihtaakusuuch anichii kaa chistimaatisiitwaau anite ahchaahkuwinihch, wesh wiyawaau tipiyeusiyuuch kihchikiishikw chisheuchimaawiniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᔕᐌᔨᐦᑖᑯᓲᒡ ᐊᓂᒌ ᑳ ᒋᔅᑎᒫᑎᓰᑣᐤ ᐊᓂᑌ ᐊᐦᒑᐦᑯᐎᓂᐦᒡ, ᐌᔥ ᐎᔭᐙᐤ ᑎᐱᔦᐅᓯᔫᒡ ᑭᐦᒋᑮᔑᒄ ᒋᔐᐅᒋᒫᐎᓂᔫ᙮

Matthew 5:3 Iomraidhean Croise

Matthew 11:25

Ekut maak Jesus kaa ayimihaat e itwet, “Nuuhtaawii, chinanaaskumitin e chii waapahtiitwaau anichii awenichii ekaa uhchi chiskutamuwaakanuutwaau aniyuuh chekwaayuuh kaa kaatuutwaau kaa kachehtaaweyihtahkwaau.

Matthew 11:6

Shaweyihtaakusuu maak an awen ekaa che niyehtaaweyimikwe.” Ekun kaa itaat Jesus aniyuu Johna uchischinuhamuwaakaniyuuh.

Matthew 13:16

“Chiyawaau maak chichii shaweyimikuwaau Chishemanituu wesh chinisituunenaawaau taan e ishi waapahtamekw kaye chinisituhtenaawaau taan e ishi pehtamekw.

Matthew 19:14

Ekw Jesus kaa itaat, “Pachishtinaahkuch awaashach chechii pechi naasitwaau ekaawii uhchi chistahamuwaahkuch, wesh uyuu kaa iteyihtaakusitwaau awenich kihchikiishikw uchimaawinihch ishi tipeyihtaakusuuch.”

Matthew 24:46

Kata shaweyimaakanuu an aapachihaakan miskuwaakanuute kuiskw e ihtuutahk aniyuu utaapatisuwin iskutak takushiniyichen uchimaam.

Matthew 25:34

Ekw che itaat an Chisheuchimaau aniyuu iinuu anite unahiiwinihch kaa ihtaayich, ‘Aashtamukw chiyawaau kaa shaweyimitaakw Nuuhtaawii. Aashtamukw, utinamukw an chisheuchimaawin an kaa ashutamaakuyekw iskutak maauch niishtam kaa usihtaakanuuhch uu aschii.

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 8:11

Chiwiihtamaatinaawaau waapanuutaahch kaye maak paashtaachiiwetinuutaahch chika uhtuhteuch awenichii che wiitapimaatwaau Abraham, Isaac ekw maak Jacob makushaanuyiche kihchikiishikw chisheuchimaawinihch.

Mark 10:14

Iskutak Jesus wiyaapamaat uyuu e ihtiyich aniyuuh chischinuhamuwaakanh namui mitun uhchi naheyihtamihiikuu ekw kaa itaat, “Pachishtinaahkuch awaashach chechii pechi naasitwaau, ekaawii uhchi chistahamuwaahkuch, wesh uyuu kaa iteyihtaakusitwaau awenich Chishemanituu uchisheuchimaawiniihch ishi tipeyihtaakusuuch.

Luke 11:28

Ekw Jesus kaa itaat, “Ehe, taapwe, mikw maak uste shaweyihtaakusuuch anichii kaa pehtahkwaau Chishemanituu utayimuwiniyuu kaye kaa nanihiihtamuwaatwaau.”

Luke 18:14

Chiwiihtamaatinaawaau maak, uu naapeu chii chiiweu taapwe e kuiskunaakusit Chishemanituu e kanawaapamikut. Namui wii an Pharisee. An awen mistahii kaa iteyimisut kata tipihteyihtaakuhiikuu Chishemanituu ekw an kaa tipihteyimitisut awen eukw che chisteyihtaakuhaakanuut.”

Luke 22:29

Nuuhtaawii nichii pachishtinamaakw tipeyihchichewiniyuu anite uchisheuchimaawinihch, ekw maak niya che pachishtinamaatakuch

Luke 22:30

chechii wiichimiichisuumiyekw kaye chechii wiichiminihkwemiyekw nimiichisuunaahtikuhch anite nuuchimaawinihch. Chika apinaawaau kaye chiyawaau chisheuchimaau tehtapuwinh ati che uhchi wiyaaskunekuch kaa niishushaap kaa itiskaanesitwaau Israel iinuuch.”

Luke 4:18

Utipeyihchikeu Utahchaahkwa nipiihchishkaakuyuu, wesh wiya nichii wiyaapamukw chechii wiihtamuukwaau kaa chistimaatisiitwaau miywaachimuwiniyuu. Nichii pechi itishahuukw chechii wiihtamuukwaau kaa maahchikwaapihkaasutwaau chechii aapihkunaakanuutwaau kaye anichii ekaa kaa waapahtahkwaau che waapahtahkwaau. Kaye anichii kaa nanehkaateyimuhaakanuutwaau chechii pachishtinaakanuutwaau.

John 20:29

Jesus kaa itaat, “Chitaapwehten aa mikw e pechi waapamiin. Shaweyihtaakusuuch anichii kaa taapwehtahkwaau aat ekaa uhchi waapamitwaau.”

James 1:10

Ekw an awen kaa weyuutisiit chipaa miyeyihtam e tipihteyihtaakuhiikut Chishemanituu. Wesh kaye wiya kata iskwaapayiniyuu upimaatisiiwin mwehch nihtaauchihchikan e waapikunuuhch e ispayihch.

James 1:12

Shaweyihtaakusuu an awen ekaa kaa shaakuuchihiikut taan e ishi kakwechihaakanuut. Wesh shaapushkahke taan e ishi kakwechihaakanuut chika miikuu Chishemanituuh e weyuuch miyeyihtaakuniyich pimaatisiiwiniyuu, aniyuu kaa itweyich cheshtinaash che miyaayich aniyuu kaa saachihiikut.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.

Revelation 19:9

Ekw kaa pechi iishit enchil, “Masinaha uu, shaweyihtaakusuuch anichii kaa wiishaamaakanuutwaau e makushaanuyich aniyuu Maanishchaanisha uniipuu makushewiniyuu.” Ekw miin kaa ati itwet an enchil, “Eukw uyuu kaa itwet Chishemanituu, taapwemakaniyuu maak.”

Revelation 22:14

Taapwe kata shaweyihtaakusuuch anichii kaa payehchihtaatwaau uchekwaanimuwaau. Eukw uchii che tepicheyihtaakusitwaau chechii piihchetwaau aniyuu ihtaawiniyuu kaye chechii utinamaasutwaau miinishah anite uhchi aniyuuh mistikw anit wehchi ayaayich aweyuuh pimaatisiiwiniyuu.

Revelation 3:17

Chititwenaawaau niweyuuchisiinaan, naashch taapwe nimiyupayinaan kaye shaash misiwe chekwaan nitayaanaan taan e ishi nituweyihtamaahch. Namui aa chichischeyihtenaawaau taan e ishi ekaa chihkaawaateyimuyekw ekaa miyeyimuyekw kaye taan e ishpish pimaameyihtaakusiyekw. Namui chichischeyihtenaawaau taan e ishpish chistimaatisiyekw, e musheshkateyekw, kaye ekaa waapahtemekw.