Matthew 5:24 - Chishemanituu Utayimuwin: Kaa Uskaach Testament

²⁴ nakatih an chimiiwewin anit pachishtinicheunaapiskuhch, che nituwaapamat an chiichishaan che miyupayihtaayekw taan kaa ispayekw. Ekw miin kaau che takushiniyin ekw maak yaakw che miyat Chishemanituu aniyuu kaa wii miyat miiwewiniyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᓇᑲᑎᐦ ᐊᓐ ᒋᒦᐌᐎᓐ ᐊᓂᑦ ᐸᒋᔥᑎᓂᒉᐅᓈᐱᔅᑯᐦᒡ, ᒉ ᓂᑐᐙᐸᒪᑦ ᐊᓐ ᒌᒋᔖᓐ ᒉ ᒥᔪᐸᔨᐦᑖᔦᒄ ᑖᓐ ᑳ ᐃᔅᐸᔦᒄ᙮ ᐁᒄ ᒦᓐ ᑳᐤ ᒉ ᑕᑯᔑᓂᔨᓐ ᐁᒄ ᒫᒃ ᔮᒄ ᒉ ᒥᔭᑦ ᒋᔐᒪᓂᑑ ᐊᓂᔫ ᑳ ᐐ ᒥᔭᑦ ᒦᐌᐎᓂᔫ᙮

Matthew 5:24 Iomraidhean Croise

Matthew 23:23

“Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech. Eukw chiyawaau kaa ayimihehkaasiyekw. Naashch yaakwaau chinaanaakachihtaanaawaau e ishi pahkwenamuwekw Chishemanituu nanaahkuu nihtaauchihchikanisha kaa nihtaauchihtaayekw muyaam anihiih minit, til ekw maak kuumin kaa ishinihkaatekwaauh. Miywaau kiipaa uu e ihtuutamekw. Mikw maak namui mitun chitaapateyihtamihiikunaawaau aniyuuh chihchiwe kaa iteyihtaakuhkwaauh chiskutamaachewinh anite wiishuwewinihch kaa aayimuutekwaauh, muyaam kuiskw wiyaaskunichewin, shaweyihchichewin ekw maak taapwehtamuwin. Eukw uyuu niishtam yaaitei chipaa wii ishi nanaakataweyihtamihiikunaawaau chechii ihtuutamekw mikw maak ekaawii chika uhchi wanichischisiituutenaawaau kaye chechii pahkwenamuwekw Chishemanituu.

Matthew 5:23

Ekw maak mwehch wii miyate Chishemanituu miiwewiniyuu pachishtinicheunaapiskuhch, uhchi chischisiyine maak chiichishaan e chii wanituutaask,

Mark 9:50

Miywaapatan siiuhtaakan, mikw maak michihpin ekaa shaapispukuhche taan chechii ihtuutaman miin chechii miywaach. Ekw maak chiyawaau anit e ihtaayekw muyaam e chii siiuhiikuyekw chipaa iteyihtaakusinaawaau kaye chipaa chiyaameyihtaakun anit e ihtaayekw.”

1 Corinthians 11:28

Eshkw maak ekaa muwaate awen uyuu aaihkunaau nesht eshkw ekaa minihkwete anit uhchi aniyuu minihkwaakaniyuu, chipaa maamituneyimisuu taapwe chesteyihtamihiikuukwe aniyuu e ihtit ekw maak yaakw chipaa kuuminiyuu.

1 Timothy 2:8

Nipukuseyimaauch misiwe naapeuch taanite e ati ihtaawaakwenich iskutak e ayimihaatwaau chechii uhpipayihtaatwaau utihchiiwaau mitun tekash e pachishteyimisutwaau Chishemanituu e ihtaayich. Mekwaach maak e ayimihaatwaau namui chipaa uhchi chichishkaakuuch chishuwaasuwiniyuu kaye namui chipaa uhchi ishinaakuniyuu achiyuu e chii chishuwaasiistuwaatwaau aweyuu.

James 5:16

Waawiihtamaatukw maak chimachituutamuwinawaauh kaye ayimiheshtamaatukw chechii uhchi miinuwaatisiyekw. Aniyuu taan e ishi ayimihaat awen e kuiskutaatisiit, naashch taapwe suuhchipayiniyuu taan e ishi ihtuutaachemakaniyich.