Matthew 5:23 - Chishemanituu Utayimuwin: Kaa Uskaach Testament

²³ Ekw maak mwehch wii miyate Chishemanituu miiwewiniyuu pachishtinicheunaapiskuhch, uhchi chischisiyine maak chiichishaan e chii wanituutaask,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᐁᒄ ᒫᒃ ᒬᐦᒡ ᐐ ᒥᔭᑌ ᒋᔐᒪᓂᑑ ᒦᐌᐎᓂᔫ ᐸᒋᔥᑎᓂᒉᐅᓈᐱᔅᑯᐦᒡ, ᐅᐦᒋ ᒋᔅᒋᓯᔨᓀ ᒫᒃ ᒌᒋᔖᓐ ᐁ ᒌ ᐗᓂᑑᑖᔅᒃ,

Matthew 5:23 Iomraidhean Croise

Matthew 23:19

Chiyawaau ekaa kaa waapahtamekw kaa ishinaakusiyekw, taan uste chesteyihtaakuhch, an aa miiwewin maak an pachishtinichenaapiskw. Wesh e ashtaakanuuhch miiwewin anit an kaa chii pachishtinamuwaakanuut Chishemanituu chekwaayuu ekut mikw wehchi chisteyihtaakuhch an miiwewin.

Matthew 5:24

nakatih an chimiiwewin anit pachishtinicheunaapiskuhch, che nituwaapamat an chiichishaan che miyupayihtaayekw taan kaa ispayekw. Ekw miin kaau che takushiniyin ekw maak yaakw che miyat Chishemanituu aniyuu kaa wii miyat miiwewiniyuu.”

Matthew 8:4

Ekw Jesus kaa itaat, “Yaaitei, ekaawii mitun wiihtamuu awen paatishkaan chii nituuchischeyimiske ayimiheuchimaau itiske maak shaash e miinuwaatisiyin. Kaye chii pachishtinamane an miiwewin aniyaa Moses kaa itashuwet chechii miiwaanuyich iskutak e miinuwaachihaakanuut awen. Eukw maak uyeyuu uhchi che chischeyimiskwaau awenichii tekash e miinuwaatisiyuut.”

Mark 11:25

Kaye maak tahtwaau niipuuyine e ayimihaayin, wepeyihtamuu an awen kaa wanituutaask, ekw maak Kuuhtaawii kihchikiishikuhch kaa ihtaat kaye wiya che wepeyihtamaask chimachihtwaawinh.

Luke 19:8

Zacchaeus maak chii pisikuu ekw kaa itaat Utipeyihchikeu, “Nituhtuu maa Utipeyihchikeu. Aapihtuu e ishpish ayaayaan nika miyaauch anichii kaa chistimaatisiitwaau. Kaa chimutamuwaauche awen uste newaau nika taapimiyaau.”