Matthew 5:22 - Chishemanituu Utayimuwin: Kaa Uskaach Testament

²² Mikw maak chititinaawaau niya, awen e chishuwaasiistuwaat wiichishaanh chika wiyaaskunaakanuu, kaye awen e aatuweyimaat wiichishaanh chika peshuwaakanuu uhchishkuu aniyuu kaa wiishuwaatamiyich taan che ihtuutawaakanuyich aweyuu, kaye awen kaa itaat wiichishaanh taapwe ekaa chekwaan mitun kaa iteyihtaakusiyin kushpanaateyihtaakuniyuu chechii ishiwepinaakanuut machishkutehch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᒥᒄ ᒫᒃ ᒋᑎᑎᓈᐙᐤ ᓂᔭ, ᐊᐌᓐ ᐁ ᒋᔓᐙᓰᔅᑐᐙᑦ ᐐᒋᔖᓐᐦ ᒋᑲ ᐎᔮᔅᑯᓈᑲᓅ, ᑲᔦ ᐊᐌᓐ ᐁ ᐋᑐᐌᔨᒫᑦ ᐐᒋᔖᓐᐦ ᒋᑲ ᐯᔓᐙᑲᓅ ᐅᐦᒋᔥᑰ ᐊᓂᔫ ᑳ ᐐᔓᐙᑕᒥᔨᒡ ᑖᓐ ᒉ ᐃᐦᑑᑕᐙᑲᓄᔨᒡ ᐊᐌᔫ, ᑲᔦ ᐊᐌᓐ ᑳ ᐃᑖᑦ ᐐᒋᔖᓐᐦ ᑖᐺ ᐁᑳ ᒉᒀᓐ ᒥᑐᓐ ᑳ ᐃᑌᔨᐦᑖᑯᓯᔨᓐ ᑯᔥᐸᓈᑌᔨᐦᑖᑯᓂᔫ ᒉᒌ ᐃᔑᐌᐱᓈᑲᓅᑦ ᒪᒋᔥᑯᑌᐦᒡ᙮

Matthew 5:22 Iomraidhean Croise

Matthew 10:17

Ayaakwaamiikw maak, wesh chika ihtaauch awenichii che maakunitaakuch ekw anite kaa niikaanishkaacheyich e ihtaayich che ituhtahiitaakuch chechii wiyaaskunikuyekw. Kaye maak anite utayimiheukamikuwaahch ekute che papasistehukuyekw.

Matthew 10:28

Ekaawii kushtaahkuch awenichii kaa nipahaatwaau aweyuuh. Chika chii nipaheuch aweyuu kaye chika chii wanaachihtaauch miiyuuyuu mikw maak namui chika chii wanaachiheuch ahchaahkwa. Chishemanituu maak eukw kushpaniishtuwaahkw an chechii wanaachihtaat miiyuuyuu kaye ahchaahkwa chechii wanaachihaat machishkutehch.

Matthew 12:24

Mikw maak iskutak kaa pehtawaatwaau anichii Phariseech aniyuu e itweyich, chii iteuch, “Beelzebul, aniyuu machiahchaahkuch uchimaamuwaauh ekun aniyuu kaa miikut mitewiniyuu chechii wiiwiitishihwaayich machiahchaahkwa.”

Matthew 17:5

Mekwaach maak eshkw e ayimit, kaskawanishkwa naashch e waasusuyich chii pechi akuchiniyuu anit tipiskuuch ishpimihch e ihtaatwaau, anite maak kaskawanishkuhch chii uhchi pehtaweuch aweyuu e itweyich, “Eukw uu Nikus kaa saachihiik, kaye naashch kaa naniheyihtamihiit. Nituhtawaahkw.”

Matthew 18:21

Ekw Peter kaa pechi nituwaapamaat aniyuu Jesus kaa itaat, “Utipeyihchikeu, niichishaan maak wii ekaa puuniite e pechi wanituutuut, taan tahtwaau che wepeyihtamuuk, niishwaashwaau aa.”

Matthew 18:35

Ekw Jesus miin kaa itwet, “Ekun maak mwehch che ihtuutaakuyekw Nuuhtaawii kihchikiishikuhch kaa ihtaat, ekaa wepeyihtamuwekwenich chiichishaanuwaauch chitehiiwaahch uhchi.”

Matthew 23:15

“Chekwaan chika ishi machipayinaawaau chiyawaau wiishuwewin kaa chiskutamaacheyekw ekw maak chiyawaau Phariseech mikw kaa ayimihehkaasuyekw. Misiwe e ispichiskamikaach uu aschii chitituhtenaawaau peyakw awen chechii ihtuutawekw chechii taapwehtaataakw maak chechii ihtuutahk taan e ishi chiskutamaachewekw. Iskutak maak kaa saakutaaskunekw chitihtuutawaawaau uste wii chechii machaatisiit ishpishaat chiyawaau. Niishwaa chitahkuchishtaawaanaawaau taan e iteyihtaakusit chechii uhchi ituhtet machishkutehch.”

Matthew 23:33

“Chiyawaau chinepukuch kaye kaa ukusiitutaataakuch chinepukuch naashch kaa kaschihuuyekw nitamukw e ishi wiyeshimekuch awenichii, taanite chechii uhchi wiihkuchihuyekw ekaa chechii ituhteyekw machishkutehch.”

Matthew 25:41

“Ekw che itaat aniyuu unimihchiiwinihch kaa ihtaayich aniyuu kaa machaatisiyich, ‘Aushikw nete chiyawaau Chishemanituu che waweshihiitaakw anite ishi kaachiche machishkutehch aniyuu kaa ishi ayeskuushtamuwaakanuyich machimanituuh ekw maak utaapachihaakaniyuuh.

Matthew 26:59

Anichii maak kaa niikaanapitwaau ayimiheuchimaauch kaye anichii kaa niikaanishkuwaatwaau Jewa iinuu chii wii naanituu uhtinamuch taan chechii ishi nanatayaachimaatwaau Jesus chechii uhchi nipahaakanuyich.

Matthew 3:17

Ekw kaa pehtawaatwaau aweyuu anite uhchi kihchikiishikuhch e itweyich, “Eukuu Nikus kaa saachihiik kaye naashch taapwe kaa naniheyihtamihiit.”

Matthew 5:34

“Mikw chititinaawaau niya, ekaawii mitun nispitaapwekw. Ekaawii kihchikiishikuhch ishi nispitaapwekw wesh eukw aniyuu Chishemanituu uchisheuchimaau tehtapuun,

Matthew 5:44

Mikw maak chititinaawaau niya, saachihaahkuch anichii kaa uhkaatitaakuch kaye ayimiheshtamuwaahkuch anichii kaa nanehkaachihiitaakuch,

Mark 14:55

Anichii maak kaa niikaaneyihtaakusitwaau ayimiheuchimaauch nesht misiwe aniyuuh kaa maamuupishtahkwaau e wiyeyihtaakanuyich chekwaayuu chii wii naanituu miskamuch chekwaayuu chechii ishi ataameyimaatwaau Jesus ekw maak chechii itashuwetwaau chechii nipahaakanuyich. Mikw maak namui uhchi miskamuweuch chekwaayuu chechii ishi ataameyihtaakusiyich.

Mark 15:1

Wiipach wiyaapaniyich anichii kaa niikaanapitwaau ayimiheuchimaauch chii nishtuuneuch aniyuuh kaa niikaanishkawaayich iinuuh ekw maak aniyuuh wiishuwewiniyuu kaa chiskutamaacheyitwaauh ekw maak misiwe aniyuu kaa maamuupishtamiyich e wiyeyihtaakanuyich chekwaayuu ekw kaa wiyeyihtahkwaau taan che ihtitwaau. Chii maahkupiteuch Jesus ekw anite Pilate e ihtaayich kaa ituhtahaatwaau.

Luke 12:5

Chipechi wiihtamaatinaawaau awen an eukw chipaa kushtaawaau. Chishemanituu eukw e iteyihtaakusit chechii kushtekw wesh wii ayaau tipeyihchichewiniyuu chechii ishiwepinitaakw machishkutehch iskutak nipiyekwe. Ehe, nituhtuukw eukw uu taapwe Chishemanituu chipaa kushtaawaau.”

Luke 22:66

Iskutak maak piyetaapaniyich anichii kaa niikaanishkuwaatwaau iinuuh kaye anichii kaa niikaanapitwaau ayimiheuchimaauch ekw maak anichii kaa chiskutamaachetwaau wiishuwewiniyuu chii nishtuwiyuuch. ekute maak anite kaa ituhtahaakanuut Jesus che nituu chischeyimaakanuut taan chechii ishi wiyaaskunaakanuut.

John 11:47

Ekw anichii Phariseech kaye kaa niikaanapitwaau ayimiheuchimaauch chii nishtuuneuch kaa uchimaawiitwaau kaa niikaanishkuwaayich iinuu e itaatwaau, “Taan che ihtiihkw. Naashch mihchetu maamishkaach chekwaayuu e ishi ihtuutahk uu naapeu.

John 15:25

Uyuu maak kaa ihtuutuutwaau shaakuuch ekun kaa itashteyich uwiishuwewiniwaahch che ihtuutuutwaau. Chii niikaan wiihtaakuniyuu anite kaa itashteyich, Seskwaahch nichii uhkaateyimikuch.”

John 7:20

Ekw anichii iinuuch kaa nishkweushihaatwaau Jesus e itaatwaau, “Machahchaahkw chipiihchishkaakw. Awen maak uu waa nipahiisk.”

John 8:48

Anichii maak Jewa iinuuch chii iteuch aniyuu Jesus, “Nichii taapwenaan kaa itweyaahch Samaria e uhchiyin kaye e piihchishkaask machiahchaahkw.”

ᐊᐸᔅᑕᓚᒡ 17:18

Peyakwaau chii nachiheuch chischinuhamaachesuuh naashch e chii iipwaahkaayich Epicurean ekw maak Stoic kaa ishinihkaataakanuyitwaauh. Uchii maak chischinuhamaachesuuch chii ayimiheuch aniyuu Paul ekw kaa maayeyimaatwaau e itaatwaau, “Taan e itwet uu chiishkwehkaan.” Ekw kutakach kaa itwetwaau, “Iska aayimuumewaah aniyuu wiya e nuuchiishtuwaat aweyuu, namui maak chichischeyimaanuu chiyaanuu aweyuu aniyuu.” Eukw uyuu kaa itwetwaau wesh Paul chii aayimuumeyuu Jesus, kaa wanishkaayich nipuwinihch uhchi.

ᐊᐸᔅᑕᓚᒡ 22:30

Wiyaapaniyich maak, aniyuu e wii nituu chischeyihtahk chekwaayuu nihaau wehchi nituweyimaakanuyich aniyuu Paul chechii nipahaakanuyich, chii itashuweu chechii pachishtinaakanuyich, ekw kaa itaat aniyuu kaa niikaanapiitwaau ayimiheuchimaauh ekw maak aniyuuh Jewa kaa maamuupishtamiyich wiyaaskunichewiniyuuh chechii nishtuwiyich. Kaa ituhtahaat Paul anite, ekw kaa uhchishkuukaapuuhaat anit aniyuu e nishtuwiinaanuyich.

ᐊᐸᔅᑕᓚᒡ 23:1

Ekw Paul kuiskw kaa kanawaapamaat aniyuu kaa maamuupishtamiyich wiyaaskunichewiniyuu ekw kaa itaat, “Niichishaanitikw, kaa ishpish pechi atushkuuk Chishemanituu nicheshtinaahun muush kuiskw e chii ihtiyaan Chishemanituu e pimaatisiistuuk.”

ᐊᐸᔅᑕᓚᒡ 24:20

Uchii maak utah kaa ihtaatwaau kakwechimaahkuuch kaa miskamuwaakwenich e chii wanituutamuch mekwaach kaa wiyaskunitwaau anite Jewa kaa maamuupishtamiyich wiyaaskunichewiniyuu e ihtaayich.

ᐊᐸᔅᑕᓚᒡ 4:15

Ekw maak kaa itaatwaau aniyuu Peter ekw maak John chechii wiiwiyich anit aniyuu e maamuupitwaau ekw wiyawaau kaa ayimihiitutwaau.

ᐊᐸᔅᑕᓚᒡ 5:21

Anichii maak apastalach chii nihiihtaweuch uyuu kaa itikutwaau. Iskutak maak e ati petaapaniyich chii piihcheuch chisheayimiheukamikuhch, ekw kaa chihchi chiskutamaachetwaau. Ekw an chisheayimiheuchimaau kaye aniyuu kaa wiichihiikut chii wiishaameuch aniyuu Jewa iinuuh kaa niikaanishkuwaayitwaauh misiwe maamuu chechii nishtuwiitwaau. Ekw kaa itishahwaatwaau aweyuu anite chipahutuukamikuhch chechii peshuwaakanuyich aniyuu apastalh anit e ihtaatwaau.

ᐊᐸᔅᑕᓚᒡ 5:27

Chii peshuweuch aniyuu apastalh kaa uhchishkuukaapuuhaatwaau anit kaa apishtamiitwaauh wiyaaskunichewiniyuu e ihtaayich. Ekw an chisheayimiheuchimaau kaa itaat,

ᐊᐸᔅᑕᓚᒡ 6:12

Uyuu maak e chii ihtitwaau chii ihtuutaweuch aniyuu kaa niikaanapiitwaauh kaye kaa chiskutamaacheyitwaauh wiishuwewiniyuu kaye iinuuh chechii chishuwaahiikutwaau aniyuu Stephen. Anichii maak kaa niikaanapitwaau chii itashuweuch chechii maakunaakanuyich Stephen kaye chechii ituhtahaakanuyich anite e nishtuwiyich aniyuuh kaa maamuupishtamiyich wiyaaskunichewiniyuu.

ᐊᐸᔅᑕᓚᒡ 6:15

Misiwe maak anichii anit kaa maamuupishtahkwaau wiyaaskunichewiniyuu naashch chii kanuwaapameuch Stephen e waapahtamuwaatwaau utaashtamuhkuyuu mwehch enchil utaashtamuhkw e ishinaakuniyich.

ᐊᐸᔅᑕᓚᒡ 7:37

Eukw uu Moses kaa itaakupane aniyuu iinuu anite Israel kaa uhchiyich, Chishemanituu chika itishahamaakuwaau aweyuu che uchischiwehiichesuyich muyaam niya kaa ishi pechi itishahuut, utah maak e uhchiyekw chika uhchiyuuh.

Romans 12:10

Saachihiitukw wesh misiwe chiwiichishaanihtunaawaau. Chisteyimitukw chitehiiwaahch.

1 Corinthians 6:10

Kaye maak anichii kaa kachemutitwaau, nesht anichii muush kaa mushteneyihtahkwaau chekwaayuuh, anichii kaa wiihchipetwaau, nesht anichii nitamukw kaa itaachimaatwaau kutak aweyuuh, kaye maak kaa chimutitwaau, namui waachi peyakw uchii chika uhchi aanische ayaauch Chishemanituu uchisheuchimaawiniyuu.

1 Corinthians 6:6

Teyakuch wiyaaskunicheukamikuhch e ituhtahaat awen wiichishaan chechii wiyaaskunikuyich ekaa kaa taapwehtamiyich wiyaaskunichesuu.

1 Thessalonians 4:6

Ekaawii maak awen uyuu chika uhchi wii ishi wanituutaweu wiichishaan. Chichii wiihtamaatinaan suuhk e chii yaakwaamitaahch Utipeyihchikeu che wawesihaat misiwe aweyuuh uyuu kaa ishi wanituutamiyich.

Titus 3:2

Wiihtamuch ekaa chechii machaayimuumaatwaau aweyuu, chechii chiyaameyihtaakusitwaau kaye chechii miyeyihtaakusitwaau. Muush chipaa yuuspaatisiistuweuch misiwe aweyuuh.

Hebrews 12:25

Ekw maak yaakwaamiikw chechii nituhtawekw Chishemanituu e ayimihiitaakw. Anichii Israel iinuuch namui uhchi wii nanihiihtaweuch aniyuu utah aschiihch kaa ihtaayich Chishemanituu utayimuwiniyuu kaa waawiihtamiyich, ekw maak namui uhchi pimaachihaakanuuch. Chititeyihtenaawaau aa maak che pimaachihiikuyihkw chiyaanuu ekaa nituhtuuhkwe Chishemanituu kihchikiishikuhch e uhchi ayimihiitahkw. Namui kaye chiyaanuu chika chii ushimutenaanuu waweshihiikusiiwin.

Hebrews 5:9

Aniyuu maak tekash e chii nanihiihtahk Jesus chechii nanehkaachihaakanuut ekut kaa uhchi miyaakanuut kaachiche chechii pimaachihaat misiwe aniyuuh kaa nanihiihtaakut.

James 2:20

Chinitaweyihten aa chechii waapahtiikuyin, chiya chiishkwehkaan, ekaa wiyesh ishinaakuniyich awen utaapwehtamuwin ekaa nuukuniyiche utatushchewin.

James 3:6

Mwehch ishkuteu kaa iteyihtaakuhch ekun e iteyihtaakuhch miteinii. Misiwe taan e ishi ihtakuhch machaatisiiwin utah aschiihch ekut miteiniihch e ihtakuhch, chiiyuunaahch maak ekute e ihtakuhch. Tekash wiinihiiwemakan taan e ishpishaach miiyuu. Uskach pemaatisiit awen tasine ishkuteu ishinaakuniyuu uteinii piihiim nepit, machishkutehch maak ekute wehchi saskahiikanuyich.

1 Peter 2:23

Kaa maayeyimaakanuut namui yaaitei uhchi taapishtaau taan kaa ishi maayeyimaakanuut. Kaa nanehkaachihaakanuut namui uhchi wii sasechimuweu e aayimuutahk taan chechii ishi taapishtaat. Uste tekash chii aspeyimututaweu aniyuu kaa cheshtinaateyihtaakusiyich cheshtinaash kuiskw che ishi wiyaaskunicheyich.

1 Peter 3:9

Ekaawii yaaitei wii taapishtaa awen e wanituutaask maak e mamaayeyimisk. Yaapach uste miyutuutamuu kaye ayimihchike chechii shaweyimikut Chishemanituu wesh eukw uu kaa ishi wiyaapihtaakanuuhch chipimaatisiiwin chechii ishinaakuhch. Ekut chechii uhchi aanische miikawiyin shaweyihchichewin.

1 John 2:9

Awen e itwet waashtewinihch e ishi pimaatisiit, e uhkaataat maak wiichishaan eshkw wanitipiskusiiwinihch ihtaau.

1 John 3:10

Awen ekaa kaa kuiskutaatisiit maak ekaa saachihaat wiichishaan, namui utawaashiimitutaakuu Chishemanituuh. Ekut wehchi chischeyimaakanuut awen aweyuu wetawaashiimitutaakut, Chishemanituu maak machimanituu.

1 John 5:16

Awen waapamaate wiichishaan e machituutamiyich ekaa maak nipuwinihch ituhtahiikuyich aniyuu kaa ishi machituutamiyich, chipaa ayimiheshtamuweu, ekw maak che miikuyich Chishemanituuh pimaatisiiwiniyuu. Eukun che ispayiyich aniyuuh ekaa nipuwinihch kaa ituhtahiikuyich aniyuu kaa ishi wanituutamiyich. Mikw maak ihtakun machihtwaawin che ituhtahiikut awen nipuwinihch. Uyuu maak ishi machituutahke awen, ekush ekaa ayimiheshtamuu.

Jude 1:9

Namui mechim an kaa niikaaneyihtaakusit enchil Michael kaa ishinihkaasut, uhchi iteyihtam wiya chechii suuhcheyimutawaat machimanituu chechii maayeyimaat. Mikw chii iteu, “Utipeyihchikeu chika chistahamaakw.” Eukw uyuu kaa itaat iskutak kaa ayaasutemitutwaauh machimanituuh Moses wiiyuuyuu uhchi.

Revelation 20:14

Nipuwin ekw maak chiipaischii machishkuteu saakahiikanihch chii ishuwepinikanuu. Uu machi ishkuteu saakahiikan eukw uu niishu nipuwin.