Matthew 5:20 - Chishemanituu Utayimuwin: Kaa Uskaach Testament

²⁰ Chiwiihtamaatinaawaau maak, eukw mikw chechii piihcheyekw an kihchikiishikw chisheuchimaawin etituu chiyawaau kuiskutaatisiyekwe ishpishaat anichii kaa chiskutamaachetwaau wiishuwewiniyuu kaye anichii Phariseech.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᒋᐐᐦᑕᒫᑎᓈᐙᐤ ᒫᒃ, ᐁᐅᒄ ᒥᒄ ᒉᒌ ᐲᐦᒉᔦᒄ ᐊᓐ ᑭᐦᒋᑮᔑᒄ ᒋᔐᐅᒋᒫᐎᓐ ᐁᑎᑑ ᒋᔭᐙᐤ ᑯᐃᔅᑯᑖᑎᓯᔦᑴ ᐃᔥᐱᔖᑦ ᐊᓂᒌ ᑳ ᒋᔅᑯᑕᒫᒉᑣᐤ ᐐᔓᐌᐎᓂᔫ ᑲᔦ ᐊᓂᒌ ᕓᕆᓰᒡ᙮

Matthew 5:20 Iomraidhean Croise

Matthew 16:12

Ekw kaa uhchi nisituhtahkwaau anichii chischinuhamuwaakanich ekaa uhpisikaniyuu ayimitutamiyich, aniyuu yaakw taan e ishi chiskutamaacheyich aniyuu Phariseeh ekw maak Sadduceeh eukw aniyuu kaa yaakwaamimaakanuutwaau.

Matthew 18:5

Awen e utinaat peyakw awaasha nitishinihkaasuwinihch uhchi, mwehch kaye niya e utinit ekun e ishinaakuniyich.”

Matthew 3:10

Wesh muyaam shaash e ayeskuushtech usitaaskw eukw che ishinaakuhch che naatwaakahwaakanuut an mistikw anite e utipiyuut. Wesh tahtu mistikw ekaa miyu miinishuut chika naatwaakahwaakanuu kaye chika machishtewepinaakanuu ishkutehch.

Matthew 7:21

“Namui misiwe awen kaa pechi ishinihkaasit, ‘Utipeyihchikeu, Utipeyihchikeu,’ chika uhchi piihcheu kihchikiishikw chisheuchimaawinihch, anichii eukw kaa ihtuutahkwaau taan e ishi nituweyimikutwaau Nuuhtaawii kihchikiishikuhch kaa ihtaayich eukunich anichii che piihchetwaau.”

Mark 10:15

Chihchiwe chititinaawaau, michihpin awen ekaa che taapweucheyihtamuwaakwe Chishemanituuh uchimaawiniyuu e ishi taapweucheyihtamiyich awaasha namui kata chii piihcheu taanite wechimaawiyich Chishemanituu.”

Mark 10:25

Etituu aayimaniyuu awen kaa miisitisiit chechii piihchet Chishemanituu uchisheuchimaawiniihch ishpishaat an awesiis kaa mista piskwaakunet chechii shaapushkahk shaapunikaniyuu anit e pakuneyaapiskaayich.”

Luke 11:44

Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw, wesh ekun e ishinaakusiyekw mwehch iihkuhiiskaan ekaa uhchi chiishaawaachihtaakanuuhch. Iinuuch tahkuskaatamuch ekaa chischeyihtahkwaau chekwaayuu anite nitaamihch kaa ihtakuniyich.”

Luke 12:1

Mekwaach maak an e ihtinaanuuhch, mihchetwaau chishemitaahtumitanuu iinuuch chii waaskaaniipuuch e nituhtawaatwaau Jesus. Aniyuu e ishpish mihchetitwaau mitun chii katahkusiteskaatituuch. Niishtam maak Jesus chii iteu uchischinuhamuwaakan, “Yaakwaamiishtuwaahkuch Phariseech aniyuu e iteyihtaakusitwaau wesh ayimihehkaasuuch. Mwehch palet uhpisikan kaa iteyihtaakuhch ekun e iteyihtaakuniyich aniyuu e ihtitwaau.

Luke 18:17

Taapwe chiwiihtamaatinaawaau, mwehch e ishi taapwehtahk awaash taan e ishi wiihtamuwaakanuut eukun kaye chiyawaau chipaa ishi taapwehtenaawaau taan e ishi wiihtamaakuyekw Chishemanituu chisheuchimaawin ekw maak chechii piihcheyekw anite.”

2 Corinthians 3:9

Chii ihtakuniyuu taan kaa ishi nishuuwanaachimikutwaau awenichii wiishuwewiniyuu. Chiishpin maak yaapach nuwach kaa nuukuniyikwe Chishemanituu uchisteyihtaakusuwin kaa miiwaanuuhch an wiishuwewin taan etituu che ishpish nuukuniyich Chishemanituu uchisteyihtaakusuwin an niskumuwin anit wehchi kuiskunaakuhaakanuutwaau awenichii Chishemanituu ishi e ihtaayich.

2 Corinthians 5:17

Iskutak Christ e ihtaayich e ishi tipeyihtaakusit awen tekash ushchihtaakanuyuu upimaatisiiwin. Taan kaa iteyihtaakusit weskach shaash miyaaupayiniyuu. Misiwe chii ishi uschihaakanuu upimaatisiiwinihch.

Philippians 3:9

kaye maak taapwe wiya e ihtaat chechii ishi tipeyihtaakusiyaan. Namui ekw nititeyihten e kuiskutaatisiyaan mikw an e nanihiihtamaan wiishuwewin. Wesh e taapweyimak Christ eukun an e kuiskutaatisiihiikuyaan. Eukuu kuiskutaatisiiwin Chishemanituu e ihtaat kaa uhchipayihch. Mikw taapwehtamuwinihch uhchi ayaau awen uyuu kuiskutaatisiiwiniyuu.

Hebrews 12:14

Suuhk kuchihtaakw chechii ishi pimaatisiyekw chechii miyu wiichewekuch kutakach awenich. Suuhk kuchihtaakw kuiskw chechii ishi pimaatisiyekw. Wesh taapaa kata chii naateu awen Chishemanituu ekaa kuiskutaatisiite.

Revelation 21:27

Namui chika uhchi pachishtinikanuu chekwaan e maayaatahch chechii ihtakuhch anit an ihtaawin. Namui kaye chika chii piihcheu an awen nitawiin kaa ihtit maak kaa wiich nanatayit. Mikw anichii kaa masinaateyikwaau utishinihkaasuwinawaau anite aniyuuh Maanishchaanish upimaatisiyuu masinahiikaniihch chika chii piihcheuch aniyuu ihtaawiniyuu.