Matthew 5:19 - Chishemanituu Utayimuwin: Kaa Uskaach Testament

¹⁹ Ekw maak awen ekaa nanihiihtahke aniyuu aat ekaa naashch chisteyihtaakuniyich kacheskwewiniyuu, nesht kaye chiskutamuwaate kutak chechii ihtiyich, eukw an maauch namui wiyesh chika uhchi iteyihtaakusuu anite kihchikiishikw chisheuchimaawinihch. Ekw maak awen nanihiihtahke aniyuuh wiishuwewinh kaye ishi chiskutamuwaate kutak aweyuuh uyuu chechii ihtiyich, eukuu che chisteyihtaakusit anite kihchikiishikw chisheuchimaawinihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᐁᒄ ᒫᒃ ᐊᐌᓐ ᐁᑳ ᓇᓂᐦᐄᐦᑕᐦᑫ ᐊᓂᔫ ᐋᑦ ᐁᑳ ᓈᔥᒡ ᒋᔅᑌᔨᐦᑖᑯᓂᔨᒡ ᑲᒉᔅᑴᐎᓂᔫ, ᓀᔥᑦ ᑲᔦ ᒋᔅᑯᑕᒧᐙᑌ ᑯᑕᒃ ᒉᒌ ᐃᐦᑎᔨᒡ, ᐁᐅᒄ ᐊᓐ ᒫᐅᒡ ᓇᒧᐃ ᐎᔦᔥ ᒋᑲ ᐅᐦᒋ ᐃᑌᔨᐦᑖᑯᓲ ᐊᓂᑌ ᑭᐦᒋᑮᔑᒄ ᒋᔐᐅᒋᒫᐎᓂᐦᒡ᙮ ᐁᒄ ᒫᒃ ᐊᐌᓐ ᓇᓂᐦᐄᐦᑕᐦᑫ ᐊᓂᔫᐦ ᐐᔓᐌᐎᓐᐦ ᑲᔦ ᐃᔑ ᒋᔅᑯᑕᒧᐙᑌ ᑯᑕᒃ ᐊᐌᔫᐦ ᐅᔫ ᒉᒌ ᐃᐦᑎᔨᒡ, ᐁᐅᑰ ᒉ ᒋᔅᑌᔨᐦᑖᑯᓯᑦ ᐊᓂᑌ ᑭᐦᒋᑮᔑᒄ ᒋᔐᐅᒋᒫᐎᓂᐦᒡ᙮

Matthew 5:19 Iomraidhean Croise

Matthew 11:11

Chiwiihtamaatinaawaau, tahtu awenichii kaa pimaatisiitwaau namui uste iteyihtaakusuuch taan e iteyihtaakusiyich John siikahaahtaacheu. Yaapach maak an taan maauch nuuhtaash kaa iteyihtaakusit kihchikiishikw chisheuchimaawinihch uste wiya chisteyihtaakusuu ishpishaat Johna.

Matthew 19:28

Ekw Jesus kaa itaat, “Chika cheshtinaahunaawaau, iskutak Iinuu Ukusisa apiyichen chisheuchimaau tehtapuunihch miin uskaache aschii, ekw kaye chiyawaau nichischinuhamuwaakanitikw che apiyekw niishushaap uchimaau tehtapuunih, che wiyaaskunekuch niishushaap kaa itiskaanesitwaau Israel iinuuch.

Matthew 20:26

Mikw maak ekaawii chika uhchi ishinaakusinaawaau chiyawaau. An awen anit e tashiyekw netaweyihtamukwe chihchiwe chechii iteyihtaakusit ekush chika ihtuutam chechii atushkaataakw.

Matthew 28:20

Kaye che chiskutamuwekuch chechii nanihiihtahkwaau misiwe taan kaa itashumitakuch. Muush maak chika wiicheutinaawaau piihiim ati iskwaapayihche aschii.”

Luke 1:15

Utipeyihchikeu chii wiyaapamikuu an awaash wesh chisteyihtaakuniyuu taan waa itaapachihiikut. Namui nihtaa kata uhchi minihkweu shuuminaapuuyuu kaye ishkutewaapuuyuu. Wesh Kaa payehchisiyich Ahchaahkwa tekash chika pimipayihiikuu aat eshkw mekwaach ukaawii kanuweyimikute uspayaayihch.

Luke 11:42

“Chekwaan chika ishi machipayinaawaau chiyawaau Phariseech, naashch yaakwaau chinaanaakachihtaanaawaau e ishi pahkwenamuwekw Chishemanituu taan e ishi nihtaauchihcheyekw nihtaauchihchikanisha. Miywaau kiipaa an e ihtuutamekw. Mikw maak namui miywaau ekaa kuiskw ihtuutawekuch kutakach awenichii kaye ekaa saachihekw Chishemanituu.

Luke 9:48

“Awen e utinaat peyakw uyuu awaasha nitishinihkaasuwinihch uhchi, mwehch kaye niya e utinit ekun e ishinaakuniyich. An maak awen kaa utinit namayeu niya kaa utinit, aniyuuh kaa pechi itishahuyich eukw aniyuu wetinaat. Wesh an awen maauch nuuhtaash kaa iteyihtaakusit anit e tashiyekw eukun an maauch chesteyihtaakusit.”

ᐊᐸᔅᑕᓚᒡ 1:1

Chiya Theophilus chimasinahamaatin. Niishtam masinahiikan kaa masinahamaacheyaan ekut kaa wiihtamaan misiwe taan kaa aihtit Jesus kaye taan kaa ishi chiskutamaachet uskach kaa chihchipayihtaat utaapatisuwin piihiim maak kaa pechi utinaakanuut kihchikiishikuhch ishi.

Romans 3:8

Chekwaan che uhchi ekaa chii itweyihkw, “Machituutahtaau chechii uhchi nuukuniyich Chishemanituu muush kuiskw e ihtit.” Nichii maayeyimikuch kutakach awenichii nitamukw e chii ishi mamishimitwaau, e chii itwetwaau uyuu e chii itweuch. Ishinaakuniyuu maak taapwe chechii wiyaaskunaakanuutwaau uchii.

Romans 6:1

Itwet aahch awen ekush yaapach machituutahtaau etituu chechii nuukuhtwaatahkw e ishpish muush weyuuch shaweyimaat Chishemanituu aweyuuh. Mwaau nipaa ishi nishkweushihaau an awen uyuu itwet.

Romans 6:15

Taan maak chechii ihtiihkw. Yaapach aa chika machituutenaanuu wii machituutamuhkwe e chischeyihtamuhkw ekaa wiishuwewin tipeyimikuyihkw, teyakuch Chishemanituu ushaweyihchichewinihch e ishi kanuweyihtaakusiihkw. Namui kiipaa ishinaakun uu chechii ihtiihkw.

1 Timothy 6:11

Chiya maak Timothy, Chishemanituu kaa atushkuwat, ekaawii aapateyihta uyuuh machi chekwaayuuh. Uste iteyihtamahiikuh kuiskutaatisiiwin, Chishemanituuwaatisiiwin, taapwehtamuwin, saachihiiwewin, yaaiteyihtaakusuwin, kaye chiyaamisiiwin.

Titus 3:8

Taapwemakan uu kaa itweyaan. Chinituweyimitin chechii siihchimatwaau anichii kaa taapweyimaatwaau Chishemanituu che wii miyutuutamuwaatwaau kutak aweyuu. Wesh miywaayuu kaye chika miyu wiichihiikuuch uyuu ihtuutahkwaawenich.

1 Peter 5:4

Ekw maak iskutak pechi nuukusite an maauch kaa niikaaneyihtaakusit maanishchaanishuiinuu che miikuyekw an maauch e chisteyihtaakuhch kaaniyuwin an ekaa wiiskach che uhchi paasikunaakuhch.

1 John 3:4

Misiwe awen kaa machituutahk, piikunamuweu Chishemanituuh uwiishuwewiniyuu. Wesh e machituutaakanuuhch piikunikanuu wiishuwewin.

Revelation 2:20

Mikw maak chiwii wiihtamaatinaawaau chekwaan ekaa miyeyihtamihiikuyaan. Chinituhtawaawaau an iskweu Jezebel kaa ishinihkaasut mwehch uchischiwehiichesuu kaa itahiisut. Wiyeshiheu nitaapachihaakanh e chiskutamuwaat wiinisuwinihch chechii ishi pimaatisiyich kaye e ihtuutawaat chechii miichiyich chekwaayuu manituuhkaan e chii machishtawehamuwaakanuyich.