Matthew 5:17 - Chishemanituu Utayimuwin: Kaa Uskaach Testament

¹⁷ “Ekaawii iteyihtamukw e chii pechi takushiniyaan chechii iichenamaan wiishuwewin kaye maak aniyuu kaa ishi chiskutamaachetwaau uchischiwehiichesuuch. Namui nuuhchi takushin chechii iichenamaan aniyuuh, maak nichii takushin taapwe chechii ispayiyich taan kaa ishi chiskutamaachetwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᐁᑳᐐ ᐃᑌᔨᐦᑕᒧᒄ ᐁ ᒌ ᐯᒋ ᑕᑯᔑᓂᔮᓐ ᒉᒌ ᐄᒉᓇᒫᓐ ᐐᔓᐌᐎᓐ ᑲᔦ ᒫᒃ ᐊᓂᔫ ᑳ ᐃᔑ ᒋᔅᑯᑕᒫᒉᑣᐤ ᐅᒋᔅᒋᐌᐦᐄᒉᓲᒡ᙮ ᓇᒧᐃ ᓅᐦᒋ ᑕᑯᔑᓐ ᒉᒌ ᐄᒉᓇᒫᓐ ᐊᓂᔫᐦ, ᒫᒃ ᓂᒌ ᑕᑯᔑᓐ ᑖᐺ ᒉᒌ ᐃᔅᐸᔨᔨᒡ ᑖᓐ ᑳ ᐃᔑ ᒋᔅᑯᑕᒫᒉᑣᐤ᙮

Matthew 5:17 Iomraidhean Croise

Matthew 3:15

Ekw Jesus kaa itaat, “Anuhchiish uu ihtuut taan e itashumitaan. Wesh uu ihtuutamuhkwe chika ihtuutamuwaanuu misiwe taan e ishi nituweyihtahk Chishemanituu.” Kiipaa kaa pishichihaat John.

Matthew 7:12

“Taan e ishi nituweyimatwaau awenichii chechii ihtuutamaaskwaau ekun ihtuutamuuch. Eukw uu taapishkun e ishi chiskutamaachemakahch wiishuwewin kaye ekun kaa ishi waawiihtahkwaau uchischiwehiichesuuch.”

Luke 16:17

Ekaawii iteyihtamukw ekaa shaash nituweyihtaakuhch chechii nanihiihtaakanuyich Chishemanituu uwiishuwewin. Aat aniyuu maauch ekaa iteyihtaakuniyich kaa iteyihtaakanuyich yaapach iteyihtamihiikuu Chishemanituu chechii nanihiihtaakanuyich che ishpish ihtakunikwe uu aschii kaye kihchikiishikw.”

John 8:5

Itashteu anite Moses uwiishuwewinihch chechii nipahaakanuut e paahpimusinaatihwaakanuut iskweu e cheskuwaakanuut kutak naapeu nitawiin e ishi wiichewaat. Taan maak e iteyihtaman chiya.”

ᐊᐸᔅᑕᓚᒡ 18:13

Ekw kaa itwetwaau, “Uu naapeu siihchimeu iinuu aahchiiuh chechii ishi taapwehtamiyich, aniyuu maak e ishi chischinuhamaachet chechii ishi nuuchiishtuwaakanuyich Chishemanituu namui itashteu anite wiishuwewinihch uu chechii ihtinaanuuhch.”

ᐊᐸᔅᑕᓚᒡ 21:28

Chii ishi tepweuch maak, “Chiyawaau naapeutikw Israel kaa uhchiyekw, pechi wiichihiinaan, eukw uu naapeu misiwe kaa aituhtet e chiskutamuwaat misiwe aweyuu ekaa chechii aapateyimaayich Israel iinuu, kaye Moses uwiishuwewiniyuu kaye maak uyuu Chisheayimiheukamikuyuu namui aapateyihtam. Waawaach kaye chii pechi piihtakaheu maaniteu ekaa Jewa itiskaanesiyich utah chisheayimiheukamikuhch aniyuu ekaa chipaa uhchi piihcheyuu utah. Uyeyuu maak kaa ihtit naashch maayeyihtam aniyuu anit maauch kaa payehkaniyich.”

ᐊᐸᔅᑕᓚᒡ 6:13

Kaye chii wiishaameuch naapeuh chechii nitawiin itaachimaayich Stephen anit e nishtuwiinaanuyich. Chii itweyuuh maak, “Uu naapeu, namui chipihtuweu e mamaayeyihtahk uyuu maauch kaa payehkaniyich kaye aniyuu wiishuwewiniyuu Chishemanituu kaa miyaayich aniyaanaa Moses.

Romans 10:4

Kaa takushihk Christ chii ihtuutam wiishuwewiniyuu ekaa chechii aapateyihtaakuniyich, ekw maak misiwe aniyuuh che taapweyimikuukwe eukunh aniyuuh ukuiskutaatisiiuh che ishi kanawaapamikuyich Chishemanituuh.

Romans 3:31

Ekw aa maak wiyepinamuhkw wiishuwewin e itweyihkw mikw e taapweyimaat awen Jesus e uhchi kuiskunaakuhaakanuut Chishemanituu ishi e ihtaayich. Namui kiipaa. Teyakuch chichiihkaayeyihtaakuhtaanaanuu taan chihchiwe e itaapatahch an wiishuwewin.

Romans 8:4

Chii ihtuutam uyuu chechii uhchi tekash tipituutamahkw taan e ishi kuiskw iteyihtaakuniyich e itashuwemakaniyich uwiishuwewin. Kaa payehchisiit Ahchaahkw e tipeyimitahkw ekw yaakw chechii ihtuutamuhkw uu namui wii chimachaatisiiwinuuh e tipeyimikuyihkw.