Matthew 5:16 - Chishemanituu Utayimuwin: Kaa Uskaach Testament

¹⁶ Ekun maak mwehch chipaa ishi waashtenamaakuuch awenichii chiwaashtewinawaayuu anite chipimaatisiiwiniwaahch kaa ihtakuhch, chechii waapahtahkwaau aniyuu e ishi miyutuutamekw ekw maak che maamihchimaatwaau Kuuhtaawaau kihchikiishikuhch kaa ihtaayich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐁᑯᓐ ᒫᒃ ᒬᐦᒡ ᒋᐹ ᐃᔑ ᐙᔥᑌᓇᒫᑰᒡ ᐊᐌᓂᒌ ᒋᐙᔥᑌᐎᓇᐙᔫ ᐊᓂᑌ ᒋᐱᒫᑎᓰᐎᓂᐙᐦᒡ ᑳ ᐃᐦᑕᑯᐦᒡ, ᒉᒌ ᐙᐸᐦᑕᐦᒀᐤ ᐊᓂᔫ ᐁ ᐃᔑ ᒥᔪᑑᑕᒣᒄ ᐁᒄ ᒫᒃ ᒉ ᒫᒥᐦᒋᒫᑣᐤ ᑰᐦᑖᐙᐤ ᑭᐦᒋᑮᔑᑯᐦᒡ ᑳ ᐃᐦᑖᔨᒡ᙮

Matthew 5:16 Iomraidhean Croise

Matthew 23:5

Misiwe chekwaayuu kaa ihtuutahkwaau uchii kaa chiskutamaachetwaau wiishuwewiniyuu ekw maak Phariseech pukuseyihtamuch misiwe aweyuu chechii waapamikutwaau. Aniyuu e itaaspisutwaau kaye e taapiskahkwaau miiwatishiyuu chii pukuseyimuuch chechii iteyimikutwaau aweyuu naashch e ayimihewaatisiitwaau.

Matthew 23:9

Ekaawii kaye chika uhchi ishinihkaataawaau awen utah aschiihch, ‘Nuuhtaawiinaan,’ wesh mikw peyakushuu chuuhtaawaau eukw an kihchikiishikuhch kaa ihtaat.

Matthew 5:45

ekw maak che ukusitutaataakw an Kuuhtaawaau anite kihchikiishikuhch kaa ihtaat. Wesh taapishkun miyeu aniyuuh kaa machituutamiyich kaye kaa miyutuutamiyich chechii waashtenamaakuyich piisim, kaye taapishkun miyeu e chimuuniyich aniyuu kaa miyutuutamiyich kaye aniyuu kaa machituutamiyich.

Matthew 6:16

“Iskutak maak ekaa utinamekwe miichim mikw e wii ayimihaayekw, ekaawii misimeyihtaminaakuhiisukw muyaam e ihtitwaau anichii kaa ayimihehkaasutwaau. Papaamuhteuch naashch e nanehkaashinaakuhiisutwaau muyaam naashch e wawaanihkatetwaau e ishinaakuhiisutwaau chechii waapamikutwaau kaye chechii chischeyimikutwaau aweyuuh ekaa miichisutwaau mikw ushaa e ayimihaatwaau. Chiwiihtamaatinaawaau shaash mitun tekash miskamuch utipahamaakusiiwinawaau e chii ihtuutuwaakanuutwaau aniyuu taan kaa ishi nituweyihtahkwaau chechii ishi chistimaacheyimaakanuutwaau.

Matthew 6:9

Eukw uu che ishi ayimihaayekw. Nuuhtaawiinaan kihchikiishikuhch kaa ihtaayin, nitayimihaanaan chitishinihkaasuwin chechii chischeyihtaakunuuhch e chisteyihtaakuhch.

Matthew 9:8

Iskutak maak anichii awenich anit kaa ihtaatwaau wiyaapahtahkwaau taan kaa ispayiyich chii sechisuuch ekw kaa maamihchimaatwaau Chishemanituu e miyaayich aweyuuh suuhkaatisiiwiniyuu.

Luke 11:2

Jesus chii iteu, “Maau che ishi ayimihaayekw, ‘Nuuhtaawiinaan, kihchikiishikuhch kaa ihtaayin, nitayimihaanaan chitishinihkaasuwin e payehchisiimakahch chechii chisteyihtaakuhtaakanuuhch. Chuuchimaawin katawii utihchipayuu. Chititeyihtamuwin katawii ihtuutaakanuu utah aschiihch, taapishkuuch kihchikiishikuhch.

John 15:8

E miyu miinisuyekw ekut wehchi chishtaachimaakanuut Nuuhtaawii, kaye maak ekut chiyeshtinaateyihtaakuhch e uchischinuhamuwaakanitutaatakuch.

ᐊᐸᔅᑕᓚᒡ 9:36

Anite ihtaawinihch Joppa kaa ishinihkaatech chii ihtaau iskweu e taapweyimaat Jesus, Tabitha e chii ishinihkaasut, uu maak ishinihkaasuwin e itweshtamaataakanuuhch atihkw iinaanuu. Muush chii miyutuutamuweu aweyuu an iskweu kaye chii wiichiheu kaa chistimaatisiitwaau aweyuuh.

1 Corinthians 14:25

Chika nisituhtam taapwe e chischeyihtamiyich Chishemanituuh taan e iteyihtahk. Ekw maak che pahchishimipayihut e nuuchiishtuwaat Chishemanituu e itwet, “Cheshtinaash ihtaau Chishemanituu utah mekwesiin e ihtaayekw.”

2 Corinthians 9:13

Eyuu maak kata chishtaachimeuch Chishemanituu waapahtahkwaawenich e nuukuniyich taapwe e taapwehtamuwekw kaye e nanihiihtamuwekw Jesus Christ umiywaachimuwin. Kaye maak kata chishtaachimeuch Chishemanituuh aniyuu taan kaa ishpish wiichihekuch kaye taan kaa ishpish wiichihiimekw kutak aweyuuh.

Galatians 1:24

Ekw maak kaa nanaaskumaatwaau Chishemanituuh taan kaa ihtuutamuyich nipimaatisiiwiniihch.

Ephesians 2:10

Wesh wiya Chishemanituu chichii ihtuutaakunuu chechii kuiskunaakusiyuuhkw aniyuu uhchi taan kaa ihtuutamiyich Christ Jesus. Christ maak e wiicheumuhkw, Chishemanituu chichii iteyihtaakuhiikunuu chechii mamiyuutuutamaamihkw aweyuuh, wesh eukw uyuu Shaash anite weskach niyaakan kaa ishi wiyeyihtahk che ihtuuhkw.

Ephesians 5:8

Wesh kaye chiyawaau wanitipiskusiiwinihch chichii ihtaanaawaau anite utaahch, mikw maak anuhchiish ekw waashtewinich e ihtaayekw an uhchi e taapweyimekw Chishemanituu. ekute maak suuhk wiishi pimaatisiikw ekw.

1 Thessalonians 2:12

Suuhk chichii aashihchimitinaan. Chichii kaachiichihiitinaan kaye chichii siihchimitinaan chechii ishi pimaatisiyekw taan e ishi naheyihtamihiikut Chishemanituu e ishi pimaatisiinaanuyich. Wesh wiya Chishemanituu chiwiishaamikuwaau chechii wiichihiiweyekw anite kaa chisteyihtaakuniyich uchisheuchimaawinihch.

1 Timothy 2:10

Uste aniyuu e kuiskupimaatisiitwaau ekw maak e miyutuutamuwaatwaau aweyuu chipaa chiihkaanaakuhiikuuch wesh ekun e ishi nituweyihtaakusitwaau iskweuch, anichii kaa itwetwaau e chischeyimaatwaau Chishemanituu.

1 Timothy 5:10

Kaye chipaa ihtakuniyuu taan e ishi miywaachimaakanuut e mamiyuutuutamaachet, muyaam e chii miyu nihtaautinaat awaashah, e chii miyu kanuweyimaat maan maaniteuh, kaye muush e chii mamiyuututawaat kaa taapwehtamiitwaauh kaye muush e chii nanaatamuwaat aniyuuh kaa aayimihuyich ekw maak suuhk muush e chii naanituu miskahk taan che ishi mamiyuutuutamaachet.

1 Timothy 5:25

Ekun maak mwehch e ishinaakuniyikwaauh kaye awenich umiyuutuutamaachewinawaauh. Miyu nisituunaakuniyuuh kutakach. Anichii maak ekaa kaa miyu nisituunaakuniyikwaau umiyuutuutamaachewinawaauh eshkw paatimaa kata chischeyihtaakuniyuuh.

1 Timothy 6:18

Wiihtamuuch anichii kaa miisitisiitwaau chechii miyutuutamaachetwaau, miyutuutamaachewinihch chechii ishi miisitisiitwaau, chechii ishinaakusitwaau naashch kaa miyeyihtahkwaau e miiwetwaau kaye naashch kaa wehchipayiyich chechii papahkwenamuwaatwaau aweyuu taan e ishi ayaatwaau.

Titus 2:14

Chii pachishteyimitisuu Christ chiyaanuu uhchi, chechii wepeyihtamaakuyihkw misiwe chimachihtwaawinuuh kaye chechii payehchihiitahkw mikw wiya chechii ayaautahkw. Chinituweyimikunuu suuhk chechii iteyihtamihiikuyihkw kuiskw chechii ihtiihkw.

Titus 2:7

Chiya maak kaye chipaawii waapahtiyaauch taan che ishi chischinuwaapamiskwaau e miyutuutamin misiwe taan e ihtiyin. E chiskutamaacheyin kaye chipaa nuukuhtaan e iipwaahkaayin kaye kuiskw chipaa ishi chischinuhamaachen.

Titus 3:14

Anichii maak chiyaanuu chitiiniiminuuch chipaawii chischeyihtamuch taan chipaa chii ishi miyu atushcheuch, e wiichihaatwaau aweyuuh naashch e nituweyihtamiyich chechii wiichihaakanuyich. Namui chipaa uhchi ishinaakusuuch ekaa wiyesh itaapatisitwaau.

Titus 3:4

Mikw maak iskutak kaa waapahtiitahkw Chishemanituu chipimaachihiiweminuu e ishpish chishewaatutaatahkw kaye e ishpish saachihiitahkw

Hebrews 10:24

Kaye muush maamituneyimitutaau taan chechii ishi kaachiichimituyihkw chechii uhchi saachihiiweyihkw kaye chechii miyutuutuuhkwaau awenichii.

1 Peter 2:12

Suuhk wii kuiskupimaatisiikw mekwesiinuu anichii ekaa kaa taapwehtahkwaau e ihtaatwaau. Ekut chechii nisituunahkwaau chimiyuutuutamuwinawaau ekw maak che maamihchimaatwaau Chishemanituu iskutak takushiniyichen. Ekun che ihtitwaau aat anuhchiish nitamukw e ishi mamishimitaakuch mwehch e machituutamuwekw.

1 Peter 2:9

Chiyawaau an kaa itiskaanesiyekw chichii wiyaapamikuwaau Chishemanituu kaye eukw chiyawaau maauch kaa niikaaneyihtaakusit chisheuchimaau utayimiheuchimaamh. Eukw chiyawaau kaa payehchisiitwaau kaa itiskaanesitwaau iinuuch, eukw chiyawaau Chishemanituu tipiiwe utiiniimih. Chiyawaau chichii wiyaapamikunaawaau chechii waawiihtamuwekw taan e ishi chisteyihtaakuniyikwaauh utayihtuwinh an kaa wiishaamitaakw wanitipiskusiiwinihch uhchi anite ishi umaamishkaach waashtewinihch.

1 Peter 3:1

Mwehch maak kaye chiyawaau iskweutikw kaa niipuuyekw chipaa nanihiihtuwaawaauch chinaapemuwaauch. Wesh uu ihtiyekwe chika chii ishinaakuniyuu pasch chechii ati taapwehtahkwaau waapamitaakwenich taan e ishi kuiskupimaatisiiwekw, aat ekaa chistutekwenich chechii taapwehtahkwaau.

1 Peter 3:16

Suuhk muush kuiskw wii ishi pimaatisiikw mitun chechii cheshtinaahuyekw ekaa machituutamekw. Uu ishinaakusiyekwe ekut che uhchi papimaameyimutwaau anichii kaa maayeyimitaakuch, anichii kaa machaayimuumitaakuch e kuiskupimaatisiiwekw Christ e nuushuushkuumekw.

1 Peter 4:11

Awen e chii miikut Chishemanituu chechii ayimit chipaa ayimuu taan aniyuuh e ishi miikut Chishemanituu chechii ishi ayimit. An awen kaa miyaakanuut kaschihuwiniyuu chechii wiichihaat kutak aweyuu kiipaa chipaa wiichiheu taan e ishi miikut Chishemanituu kaschihuwiniyuu. Ekw maak wiya Chishemanituu che chisteyihtaakuhaakanuut misiwe chekwaayuu taan e ishi ihtuutahk anite Jesus Christ e ihtaayich ishi, wiya Chishemanituu ekaa nihtaa che iskwaapayich uchisteyihtaakusuwin kaye umaskuusiiwin. Amen.

1 Peter 4:14

Wesh chiishpin maayeyimikuyekwe Christ e nuushuushkuwekw, chishaweyihtaakusinaawaau wesh ekut wehchi chischeyihtaakuhch taapwe e wiicheutaakw kaa chisteyihtaakusit Ahchaahkw, Chishemanituu Utahchaahkwa.