Matthew 5:15 - Chishemanituu Utayimuwin: Kaa Uskaach Testament

¹⁵ Namui awen akunaham waashtenamaakaniyuu e chii saskahahk. Nehpemashtaau aniyuu waashtenamaakaniyuu ekw maak misiwe awen wiyaashtenamaakut anit waaskaahiikanihch kaa ihtaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᓇᒧᐃ ᐊᐌᓐ ᐊᑯᓇᐦᐊᒻ ᐙᔥᑌᓇᒫᑲᓂᔫ ᐁ ᒌ ᓴᔅᑲᐦᐊᐦᒃ᙮ ᓀᐦᐯᒪᔥᑖᐤ ᐊᓂᔫ ᐙᔥᑌᓇᒫᑲᓂᔫ ᐁᒄ ᒫᒃ ᒥᓯᐌ ᐊᐌᓐ ᐎᔮᔥᑌᓇᒫᑯᑦ ᐊᓂᑦ ᐙᔅᑳᐦᐄᑲᓂᐦᒡ ᑳ ᐃᐦᑖᑦ᙮

Matthew 5:15 Iomraidhean Croise

Mark 4:21

Miin kaa ati itwet Jesus, “Ihtuu aa awen e chii saskahahk waashtenamaakaniyuu shiipaa nipewinihch chechii ashtaat, maak chechii kwetipistaat tapiyuu anit waashtenamaakanihch. Namui aa wiyesh anite wehpemishtaau.

Luke 11:33

“Namui awen saskaham waashtenamaakaniyuu ekw maak chechii nituu kaataat, maak wiyesh chechii akunahahk. Ashtaau anite taanite misiwe awen e pechi piihchet chechii waapahtahk e waashteyich.

Luke 11:36

Awen maak tekash wiyaashtuwekwe ekaa mitun ayaakwe wanitipiskusiiwiniyuu upimaatisiiwinihch, taapwe mitun tekash kata waashtuweu, muyaam kaa chii ishinaakusit awen waashtenamaakaniyuu e chihkaashukut.”

Luke 8:16

“Namui awen akunaham waashtenamaakaniyuu e chii saskahahk maak shiipaa nipewinihch chechii ashtaat. Wehpemashtaau aniyuu waashtenamaakaniyuu ekw maak misiwe awen e pechi piihchet waapahtahtam aniyuu e waashteyich.

Philippians 2:15

Wesh eukw uu chipaa ishi pimaatisiinaanuu e utawaashiimitutaatahkw Chishemanituu utah aschiihch mekwesiinuu kaa machaatisiitwaau e ihtaatwaau e ihtaayihkw. Ekw maak namui kata uhchi ihtakuniyuu taan chechii ishi ataameyimitahkw awen kaye mitun chika payehchinaakunh chipimaatisiiwinuuh. Mwehch achahkushach e chihkaashtuwetwaau e tipiskaayich ekun chipaa ishi waashtuwenaanuu uta aschiihch.

Hebrews 9:2

Uu maak maahkii chii niishin anite e pischisaakwaau. Peyakw an e pischisaach kaa payehchisiimakahch chii ishinihkaateu. Uu maak kaa pischisaach kaa payehchisiimakahch kaa ishinihkaatech chii ihtakun anite waashtenamaakanaahtikw kaye an miichisuunaahtikw anite kaa apit an aaihkunaau Chishemanituu e ihtaat kaa chii ishi pachishtinaakanuut.

Revelation 2:5

Chischisikw maa taan kaa ishpish saachihiyekw uskach. Ekun aa maak e ishpish saachihiyekw anuhchiish. Kweskaatisiikw kaye kaau ihtikw taan kaa chii ihtiyekw eshkw naashch e chii saachihiyekw. Wesh ekaa kweskaatisiyekwe nika takushin che utinamaan an chiwaashtenimaakanaahtikuwaau.