Matthew 5:11 - Chishemanituu Utayimuwin: Kaa Uskaach Testament

¹¹ “Chishaweyihtaakusinaawaau e maayeyimikuyekw, maak e nanehkaachihiikuyekw kaye e nanatayaachimikuyekw niya uhchi e pechi nuushuushkuuyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᒋᔕᐌᔨᐦᑖᑯᓯᓈᐙᐤ ᐁ ᒫᔦᔨᒥᑯᔦᒄ, ᒫᒃ ᐁ ᓇᓀᐦᑳᒋᐦᐄᑯᔦᒄ ᑲᔦ ᐁ ᓇᓇᑕᔮᒋᒥᑯᔦᒄ ᓂᔭ ᐅᐦᒋ ᐁ ᐯᒋ ᓅᔔᔥᑰᔦᒄ᙮

Matthew 5:11 Iomraidhean Croise

Matthew 10:18

Chika ituhtahiikunaawaau tipeyihchichesuuch kaye chisheuchimaauch e ihtaatwaau chechii uhchishkuukaapuushtawekuch an uhchi e nuushuushkuwiyekw. Chika nitaweyihtaakusinaawaau kuiskw chechii ishi aayimuumiyekw anit uhchishkuu e ihtaatwaau kaye uhchishkuu anichii ekaa Jewa kaa itiskaanesitwaau.

Matthew 10:22

Misiwe awenichii chika uhkaatikuwaauch e nuushuushkuwiyekw. An maak awen ekaa che nuuhtipuuniyikwe e pechi nuushuushkuut eukw an che pimaachihaakanuut.

Matthew 10:25

Chipaa miyeyihtam maak an kaa chiskutamuwaakanuut, iteyihtaakusit e iteyihtaakusiyich aniyuu kaa chiskutamaakut, kaye an aapachihaakan iteyihtaakusit e iteyihtaakusiyich uchimaam. Niya maak aat e uchimaawiyaan chischisikw maa taan kaa ishi maayeyimitwaau e chii itwetwaau an machiahchaahkw uchimaau Beelzebul e aawiyaan. Chiyawaau maak etituu chika maayeyimikuwaauch.”

Matthew 10:39

An awen kaa wii kanuweyihtahk upimaatisiiwin mikw wiya e wii naniheyihtamihiisut kata wanihtaau ekw maak an awen kaa wanihtaat upimaatisiiwin niya uhchi kata miskam.”

Matthew 19:29

Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

Matthew 24:9

“Ekw maak che maakunikuyekw kaye chika nanehkaachihiikunaawaau. Waawaach chika nipahiikunaawaau. Misiwe e itiskaanesitwaau awenichii chika uhkaatikuwaauch e nuushuushkuyekw.

Matthew 27:39

E pimuhtetwaau maak awenichii anit chii wewepiskweyuuch kaye chii maayeyimeuch Jesus.

Mark 13:13

Misiwe awen chika uhkaatikuwaau e nuushuushkuwiyekw. Mikw maak an awen che yaaichikaapuukwe che ishpish pimaatisiikwe eukuu che pimaachihaakanuut.”

Mark 13:9

“Yaakwaamiikw wesh chika ihtaauch anichii che maakunitaakuch ekw anite kaa niikaanishkaacheyich e ihtaayich che ituhtahiitaakuch chechii wiyaaskunikuyekw. Kaye maak anite ayimiheukamikuhch ekute che papasistehukuyekw. Chika ituhtahiikunaawaau peshuch kaye chisheuchimaauch e ihtaatwaau chechii wiyaaskunitaakuch an uhchi e nuushuushkuyekw. Chika nitaweyihtaakusinaawaau kuiskw chechii ishi aayimuumiyekw.

Mark 4:17

Mikw maak namui ihtakuniyuu taanite chechii uhchi yaaich nihtaauchitwaau ekw maak namui chineush chii ishikaapuuch. Iskutak nechiskahkwaau e aayimaniyich maak e maayeyimaakanuutwaau aniyuu ayimuwiniyuu uhchi ekut tiiwehch kaa chiiwekaapuutwaau.

Mark 8:35

Wesh an awen kaa wii kanuweyihtamaasut upimaatisiiwin kata wanihtaau. An maak awen che pachishtinamukwe misiwe chekwaayuu taan kaa wii ihtuutahk mechim kaye upimaatisiiwin e wii pechi nuushuushkuut kaye maak miywaachimuwiniyuu uhchi eukun uu che miyaakanuut pimaatisiiwiniyuu.

Luke 21:12

Eshkw maak ekaa ispayihkwaau uyuu chekwaayuu, chika maakunikunaawaau ekw che nanehkaachihiikuyekw. Chika ituhtahiikuwaauch utayimiheukamikuwaahch che wiyaaskunitaakuch, ekw che chipahuutaakuch. Kaye chika ituhtahiikuwaauch tipeyihchichesuuh kaye chisheuchimaauh chechii wiyaaskunitaakw niya uhchi e pechi nuushuushkuwiyekw.

Luke 21:17

Misiwe awen chika uhkaatikuwaau e nuushuushkuwiyekw.

Luke 6:22

Chishaweyihtaakusinaawaau chiyawaau kaa uhkaateyimikuyekw, ekaa piskaatikuyekw, e maayeyimikuyekw kaye e machaayimuumikuyekw niya uhchi e nuushuushkuuyekw, Iinuu Ukusisa.

Luke 9:24

Wesh awen kaa wii kanuweyihtamaasut upimaatisiiwin kata wanihtaau. An maak awen kaa wii pachishtinahk misiwe chekwaayuu taan kaa wii ihtuutahk mechim kaye upimaatisiiwin e wii pechi nuushuushkuut eukun an che miyaakanuut pimaatisiiwiniyuu.

John 15:21

Misiwe uu kaa ishi aayimuutamaatakuch che ihtuutaataakuch niya aniyeyuu che uhchi ihtuutaataakuch wesh taapaa uhchi chischeyimeuch aniyuu kaa pechi itishahuyich.

John 9:28

Ekw kaa maayeyimaatwaau aniyuu naapeu e itaatwaau, “Eukw chiya peyakw uchischinuhamuwaakanh an naapeu, niyaan wii Moses eukw weuchischinuhamuwaakanitutaakuyaahch.

ᐊᐸᔅᑕᓚᒡ 9:16

Wesh niya nika waapahtiyaau taan che ishi nanehkaateyimut niya uhchi,” chii itikuu Utipeyihchikeu Ananias.

Romans 8:36

Itashteu Chishemanituu utayimuwinihch, Eshikum chiishikaauh kushpaneyihtaakun chechii nipahiikuyaahch e nuushuushkaataahch. Mwehch maanishchaanishach kaa peshuwaakanuutwaau chechii nipahaakanuutwaau ekun e ishinaakusiyaahch.

1 Corinthians 4:10

Wesh aniyuu e atushkuwachiht Christ, eukw wehchi iteyimikuyaahch e chiishkweyaahch. Chiyawaau maak wii mwehch naashch e kachehtaaweyihtamekw chititeyimikunaawaau e atushkuwekw Christ. Niyaan apastalach naashch namui nisaapisiinaan, chiyawaau wii maak chisuuhkaatisiinaawaau chiyawaau. Nuuhkaatikunaan niyaan. Chiyawaau maak chichisteyimikunaawaau chiyawaau.

2 Corinthians 4:11

Nipimaatisiinaan kiipaa anuhchiish mikw maak muush kushpanaateyihtaakun chechii wanihtaayaahch nipimaatisiiwinaanh e taapweyimachiht Jesus. Ekw maak chechii nisituunaakuniyich Jesus upimaatisiiwin utah uyuuh niyuunaahch che nipiimakaniyikwaauh.

Philippians 1:29

Chishemanituu maak chichii wiyeyimukuwaau namui mikw chechii taapweyimekw Christ, chichii wiyeyimikuwaau kaye chechii nanehkaachihiikuyekw Christ uhchi.

1 Peter 2:23

Kaa maayeyimaakanuut namui yaaitei uhchi taapishtaau taan kaa ishi maayeyimaakanuut. Kaa nanehkaachihaakanuut namui uhchi wii sasechimuweu e aayimuutahk taan chechii ishi taapishtaat. Uste tekash chii aspeyimututaweu aniyuu kaa cheshtinaateyihtaakusiyich cheshtinaash kuiskw che ishi wiyaaskunicheyich.

1 Peter 4:14

Wesh chiishpin maayeyimikuyekwe Christ e nuushuushkuwekw, chishaweyihtaakusinaawaau wesh ekut wehchi chischeyihtaakuhch taapwe e wiicheutaakw kaa chisteyihtaakusit Ahchaahkw, Chishemanituu Utahchaahkwa.

Revelation 2:3

Muush chichii siipiiwesiinaawaau e nachishkamekw chekwaan. Chichii aayimuhunaawaau kaye e nuushuushkuuyekw. Namui maak kuuhchi nuuhtipuuniinaawaau e taapwehtamekw.