Matthew 5:10 - Chishemanituu Utayimuwin: Kaa Uskaach Testament

¹⁰ Shaweyihtaakusuuch anichii kaa nanehkaachihaakanuutwaau aniyuu e kuiskutaatisiitwaau wesh ayaauch kihchikiishikw chisheuchimaawiniyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᔕᐌᔨᐦᑖᑯᓲᒡ ᐊᓂᒌ ᑳ ᓇᓀᐦᑳᒋᐦᐋᑲᓅᑣᐤ ᐊᓂᔫ ᐁ ᑯᐃᔅᑯᑖᑎᓰᑣᐤ ᐌᔥ ᐊᔮᐅᒡ ᑭᐦᒋᑮᔑᒄ ᒋᔐᐅᒋᒫᐎᓂᔫ᙮

Matthew 5:10 Iomraidhean Croise

Matthew 10:23

Nanehkaachihiikuyekwe peyakw ihtaawin, ushimukw ekw anite kutach ihtaawin che ituhteyekw. Chiwiihtamaatinaawaau, namui eshkw misiwe chika uhchi ishi waawiihtenaawaau miywaachimuwin anite aniyuu ihtaawin Israelihch kaa ihtakuhkwaauh, shaash che takushihk Iinuu Ukusisa.”

Matthew 19:14

Ekw Jesus kaa itaat, “Pachishtinaahkuch awaashach chechii pechi naasitwaau ekaawii uhchi chistahamuwaahkuch, wesh uyuu kaa iteyihtaakusitwaau awenich kihchikiishikw uchimaawinihch ishi tipeyihtaakusuuch.”

Matthew 25:34

Ekw che itaat an Chisheuchimaau aniyuu iinuu anite unahiiwinihch kaa ihtaayich, ‘Aashtamukw chiyawaau kaa shaweyimitaakw Nuuhtaawii. Aashtamukw, utinamukw an chisheuchimaawin an kaa ashutamaakuyekw iskutak maauch niishtam kaa usihtaakanuuhch uu aschii.

Matthew 5:3

“Shaweyihtaakusuuch anichii kaa chistimaatisiitwaau anite ahchaahkuwinihch, wesh wiyawaau tipiyeusiyuuch kihchikiishikw chisheuchimaawiniyuu.

Mark 10:14

Iskutak Jesus wiyaapamaat uyuu e ihtiyich aniyuuh chischinuhamuwaakanh namui mitun uhchi naheyihtamihiikuu ekw kaa itaat, “Pachishtinaahkuch awaashach chechii pechi naasitwaau, ekaawii uhchi chistahamuwaahkuch, wesh uyuu kaa iteyihtaakusitwaau awenich Chishemanituu uchisheuchimaawiniihch ishi tipeyihtaakusuuch.

Mark 10:30

etituu kata ishi ayaau anite niishtamihch eshkw utah aschiihch e ihtaat eyuu maak kaachiche pimaatisiiwiniyuu kata ayaau. Uyuu ihtite mitaahtumitanewaau ayuwaak kata ishpish miyaakanuu waaskaahiikanh, kaye mitaahtumitanewaau ayuwaak kata ishpish miyaakanuu aweyuu che wiichishaanit kaye che wiichishaaniskwemit kaye che ukaawiit, kaye che utawaashiimit. Eyuu maak mitaahtumitanewaau ayuwaak kata ishpish miyaakanuu aschiiyuu. Mikw maak kata nachishkam e nanehkaachihaakanuut.

Luke 21:12

Eshkw maak ekaa ispayihkwaau uyuu chekwaayuu, chika maakunikunaawaau ekw che nanehkaachihiikuyekw. Chika ituhtahiikuwaauch utayimiheukamikuwaahch che wiyaaskunitaakuch, ekw che chipahuutaakuch. Kaye chika ituhtahiikuwaauch tipeyihchichesuuh kaye chisheuchimaauh chechii wiyaaskunitaakw niya uhchi e pechi nuushuushkuwiyekw.

Luke 22:29

Nuuhtaawii nichii pachishtinamaakw tipeyihchichewiniyuu anite uchisheuchimaawinihch, ekw maak niya che pachishtinamaatakuch

Luke 6:20

Jesus chii kanawaapameu aniyuu kaa nuushunehukut, ekw kaa itaat, “Chishaweyihtaakusinaawaau chiyawaau kaa chistimaatisiyekw anuhchiish, wesh anite Chishemanituu uchisheuchimaawinihch chimasinaasunaawaau.

Luke 6:22

Chishaweyihtaakusinaawaau chiyawaau kaa uhkaateyimikuyekw, ekaa piskaatikuyekw, e maayeyimikuyekw kaye e machaayimuumikuyekw niya uhchi e nuushuushkuuyekw, Iinuu Ukusisa.

John 15:20

Che chischisiyekw taan kaa ititakuch, ‘Namui ihtaau aapachihaakan uste e uchimaaweyihtaakusit e iteyihtaakusiyich uchimaam.’ Chiishpin kaa nanehkaachihiiwaakwenich kaye chiyawaau chika nanehkaachihiikuwaauch. Kaa nanihiihtamuwaakwenich taan kaa ishi aayimuutamuukwaau chika nanihiihtamuch kaye chiyawaau taan che ishi aayimuutamuwekuch.

ᐊᐸᔅᑕᓚᒡ 5:40

Anichii maak naapeuch kaa nishtuwiitwaau chii pishichiheuch aniyuu Gamaliel uyuu kaa itweyich. Ekw kaa wiishaamaatwaau aniyuu apastalh, ekw kaa itwetwaau chechii papasistehwaakanuyich, kaye chii itashumeuch ekaa miin wiiskaat chechii waawiihtahkwaau Jesus utishinihkaasuwiniyuu, ekw kaa pachishtinaatwaau.

ᐊᐸᔅᑕᓚᒡ 8:1

Saul maak chii miyeyihtam e chii nipahaakanuyich Stephen. Aniyuu maak e peyakuniyich e chiishikaayich anichii umaamuuayimihaauch anite Jerusalemihch ekut kaa uhchi chihchi nanehkaachihaakanuutwaau. Eukw uyuu wehchii nakatahkwaau Jerusalemiyuu ekw anite Judeahch ekw anite Samariahch kaa nituu wiichitwaau. Mikw anichii apastalach ekut yaapach kaa ihtaatwaau wiyawaau anit Jerusalemihch.

2 Corinthians 4:17

Namui naashch chekwaan iteyihtaakun taan e ishi nachishkamuhkw kaye maak an taan e ishi nachishkamuhkw namui chineush chika uhchi pimipayuu. Wesh Chiwiichihiikunaanuu chechii ayaayihkw kaachiche chisteyihtaakusuwin. Etituu maak mistahii iteyihtaakun uu ishpishaat taan e ishi nachishkamuhkw.

Philippians 1:28

Ekaawii chika uhchi kushtaawaauch anichii wiyesh kaa wii ihtuutaataakuch miywaachimuwiniyuu e waawiihtamuwekw. Wesh ekut che uhchi chischeyihtahkwaau wiyawaau che wanaatisiitwaau kaye ekut che uhchi waapahtahkwaau chiyawaau che pimaachihiikuwekw. Chishemanituu maak wii misiwe kata ihtuutam uyuu chechii ispayiyich.

2 Timothy 2:12

Kanawaach che siipiiwesiistamuwaauhkwe nanehkaateyimuwin, chika wiich tipeyihchikemaanuu. Kaye maak itweyihkwe ekaa chischeyimahkw, kaye wiya chika iteu ekaa chischeyimitahkw.

2 Timothy 3:11

Kaye maak chichii waapahten taan kaa ishi nanehkaachihiikuyaan kaye taan kaa ishi waawiisacheyihtamaan. Wesh misiwe chichischeyihten taan kaa ishi ihtuutaakuyaan anite Antioch, Iconiumihch kaye maak anite Lystrahch. Taapwe nuwach chii aahkwaateyihtaakun taan kaa ishi nachishkamaan. Mikw maak Utipeyihchikeu wiya nichii wiihkuchihiikw chechii shaapushkamaan misiwe taan kaa ihtuutaakuyaan.

James 1:12

Shaweyihtaakusuu an awen ekaa kaa shaakuuchihiikut taan e ishi kakwechihaakanuut. Wesh shaapushkahke taan e ishi kakwechihaakanuut chika miikuu Chishemanituuh e weyuuch miyeyihtaakuniyich pimaatisiiwiniyuu, aniyuu kaa itweyich cheshtinaash che miyaayich aniyuu kaa saachihiikut.

James 5:11

Wesh taapwe shaweyihtaakusuuch chititeyimaanuuch anichii ekaa uhchi nuuhtipuuniitwaau. Chichii pehtenaawaau taan kaa ishpish siipiiwesiit Job mekwaach kaa aayimuhut. Chichischeyimaanuu maak taan kaa ishi miyupayihtamaakut Utipeyihchikeu iskutak kaa chiishi aayimuhut. Saakaschineshkaakuu chishewaatisiiwiniyuu Utipeyihchikeu kaye saakaschineshkaakuu e chistimaacheyimaat aweyuu.

1 John 3:12

Namui chipaa uhchi naspituwaanuu Cain. Machimanituuh chii tipeyimikuu aniyuu kaa nipahaat wiichishaan. Chekwaayuu maak wehchii nipahaat. Chii maayaataniyuu aniyuu taan kaa ihtit wiya, chii kuiskunaakuniyuu maak wii aniyuu taan kaa ihtiyich wiichishaan.

Revelation 2:10

Ekaawii kushtaachikw taan che ishi nanehkaateyimuyekw. Machimanituu chika kakwechihiikuwaau e ihtuutaataakw pasch chechii chipahukuwekw chipahutuukamikuhch. Mitaahtw chiishikaauh chika ishpish nanehkaateyimunaawaau. Ekaawii maak puuniikw e taapweyimiyekw aat wii nipahiikuyekwe. Ekw maak che kaaniyuwiyekw chisheuchimaau astutin eukuu kaachiche pimaatisiiwin.”