Matthew 5:1 - Chishemanituu Utayimuwin: Kaa Uskaach Testament

¹ Jesus maak chii waapameu e mihchetiyich aweyuuh ekw kaa shaakachuwet anit e piskutauhkaayich, ekut kaa waweyapit. Ekw aniyuu uchischinuhamuwaakanh kaa pechi takushiniyich. Chii ati wiitapimikuu maak,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒌᓴᔅ ᒫᒃ ᒌ ᐙᐸᒣᐤ ᐁ ᒥᐦᒉᑎᔨᒡ ᐊᐌᔫᐦ ᐁᒄ ᑳ ᔖᑲᒍᐌᑦ ᐊᓂᑦ ᐁ ᐱᔅᑯᑕᐅᐦᑳᔨᒡ, ᐁᑯᑦ ᑳ ᐗᐌᔭᐱᑦ᙮ ᐁᒄ ᐊᓂᔫ ᐅᒋᔅᒋᓄᐦᐊᒧᐙᑲᓐᐦ ᑳ ᐯᒋ ᑕᑯᔑᓂᔨᒡ᙮ ᒌ ᐊᑎ ᐐᑕᐱᒥᑰ ᒫᒃ,

Matthew 5:1 Iomraidhean Croise

Matthew 13:2

Naashch maak chii ati mihchetiyuu aweyuu e pechi nishtuwiyich anit e ihtaat ekw nitawaach kaa puusit utiyuu ekute maak anite kaa apit, ekw aniyuu aweyuu anite yaayeu chii niipuuyuuh.

Matthew 15:29

Jesus kaa chistuhtet anit uhchi, ekw anite aniyuu Galilee saakahiikaniyuu kaa ati yaayewet. Ekw kaa shaakachuwet wachiyuu, ekute anite kaa ati waweyapit.

Matthew 4:25

Mihchetu maak aweyuu chii papaawiicheukuu Jesus, anite Galileehch kaye anite kaa mitaahtuhkwaau ihtaawinh kaa ishinihkaateyich, kaye anite Jerusalemihch, Judeahch kaye maak kaye anite kwestehchekaam Jordan siipiihch kaa ihtaayich.

Matthew 5:2

ekw kaa chihchipayihtaat e chiskutamuwaat aniyuu uchischinuhamuwaakanh e itaat,

Mark 3:13

Ekw Jesus kaa shaakachuwet wachiyuu. Ekute kaa wiishaamaat aniyuu kaa wiyaapamaat. Chii naatikuu maak.

Mark 3:20

Ekw kaa chiiwet Jesus taanite aniyuu mekwaach kaa ihtaat. Ekw miin kaa mihchetiyich aweyuu e pechi maausikuyich. Chek namui mechim uhchi ishpishiyuuch Jesus ekw maak uchischinuhamuwaakanh chechii miichisutwaau.

Mark 4:1

Peyakwaau miin e chiskutamaachet Jesus yaayeu Galilee saakahiikanihch, chek chii ati mihchetiyuu aweyuu e pechi nituhtaakut. Ekw kaa puusit utiyuu, kaa akumut anit saakahiikanihch. Ekw aniyuu mihchetu aweyuu kaa pechi takushiniyich e wii nituhtaakut anite yaayeu chii ihtaayuuh.

Luke 6:12

Peyakwaau e chiishikaayich Jesus chii ituhteu wachiihch, che nituu ayimihaat. Ekut kaa ihtaat iskan tipiskaau e ayimiheshtawaat Chishemanituu.

Luke 6:17

Iskutak maak Jesus kaa niihchichuwetwaau wachiihch anite chii ituhteuch e taapituwaayich. Mihchetu kaa nuushunehukut chii ihtaayuuh anit kaye chii mihchetiyuu kutak aweyuuh, nanaahkuu e chii uhtuhteyitwaau aniyuu Judea aschiiyuu e ishpishaayich. Jerusalemihch kaye kutakach chii uhtuhteuch, ekw kutakach yaayeu chihchikamiihch kaa ihtakuniyikwaauh ihtaawin Tyre kaye Sidon kaa ishinihkaatekwaauh ekute kaa uhtuhtetwaau.

Luke 6:20

Jesus chii kanawaapameu aniyuu kaa nuushunehukut, ekw kaa itaat, “Chishaweyihtaakusinaawaau chiyawaau kaa chistimaatisiyekw anuhchiish, wesh anite Chishemanituu uchisheuchimaawinihch chimasinaasunaawaau.

Luke 9:28

Wiyesh yaanaaneu chiishikaau Jesus uyeyuu kaa ishpish ayimitutahk chii chistuhtaheu Peter, John ekw maak James e chii wiichewaat wachiihch anite chechii nituu ayimihaatwaau.

John 6:15

Jesus maak chii chischeyimeu ekw che pechi nituwaapamikut aayihkam che wii chisheuchimaauhiikut, ekw kaa chistuhtet, mikw wiya chechii peyakushit.