Matthew 4:9 - Chishemanituu Utayimuwin: Kaa Uskaach Testament

⁹ Ekw kaa itaat, “Misiwe chika miitin uu pechi niipiskuupiyine e ihtaayaan e nuuchiishtuwiyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐁᒄ ᑳ ᐃᑖᑦ, ᒥᓯᐌ ᒋᑲ ᒦᑎᓐ ᐆ ᐯᒋ ᓃᐱᔅᑰᐱᔨᓀ ᐁ ᐃᐦᑖᔮᓐ ᐁ ᓅᒌᔥᑐᐎᔨᓐ᙮

Matthew 4:9 Iomraidhean Croise

Matthew 26:15

Ekw kaa itaat, “Chekwaan che miyekw wiichihiitakuche chechii maakunekw Jesus.” Nishtumitanuu maak shuuliyaawaapiskwa chii waapahtiikuu ekw kaa itikut, maau shuuliyaau che miitaahch.

Matthew 4:10

Mikw maak Jesus chii nishkweushiheu e itaat, “Chiya machimanituu, maachiih iiches nete. Itashteu Chishemanituu utayimuwinihch, Mikw Utipeyihchikeu Chichishemanituumiwaau nuuchiishtuwaahkw kaye mikw wiya atushkuwaahkw.”

John 12:31

Anuhchiish utihchipayuu chechii wiyaaskunaakanuutwaau awenich utah aschiihch kaa ihtaatwaau kaye anuhchiish ekw wetihchipayiyich chechii ishpishihaakanuut machimanituu, an kaa tipeyihchet utah aschiihch.

John 13:3

Jesus chii chischeyihtam Uhtaawiimaau e chii miikut suuhkaatisiiwiniyuu misiwe chekwaayuu chechii ihtuutahk, kaye chii chischeyihtam Chishemanituu e ihtaayich e uhchiit kaye miin kaau anite Chishemanituu e ihtaayich che ituhtet.

John 14:30

Namui shaash naashch chineush chika chii ayimihiitinaawaau, wesh machimanituu, an kaa tipeyihchiket utah aschiihch shaash pechi takushinuu. Mikw maak namui mitun nika chii uchimaahkahtaakw.

John 16:11

Wanipayuuch taan e ishi kanawaapahtahkwaau Chishemanituu uwiyaaskunichewiniyuu wesh machimanituu shaash chii wiyaaskunikuu Chishemanituuh.”

2 Corinthians 4:4

Namui taapwehtamuch wesh ihtaayuuh aniyuuh kaa machimanituyich kaa uchimaahkahtamiyich uyuu aschiiyuu. Eukunh maak aniyuuh e ihtuutaakutwaau ekaa chechii waapahtahkwaau aniyuu waashtewiniyuu anit chechii uhchi pimaachihutwaau. Namui chii nisituhtamuch aniyuu miywaachimuwiniyuu ati wehchi waapahtiikuyihkw Jesus Christ uchisteyihtaakusuwin. Wesh mwehch e ishi chisteyihtaakusit Chishemanituu ekun mwehch e ishi chisteyihtaakusit Jesus.

1 Timothy 3:6

Kaye maak namui awen anuhchiish e chii pimaachihut chipaa uhchi niikaanishkuweu Chishemanituu utiinimiyuuh wesh chikaa chii ishinaakusuu naashch chihchiwe chechii iteyimisut, chika chii pahchishin maak chechii ishi nishuuwanaachimaakanuut mwehch machimanituuh che ishi nishuuwanaachimaakanuyich.

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.

Revelation 19:16

Utakuhpihch ekw maak upwaamihch masinaateyuu ishinihkaasuwiniyuu. Itashteyuu “Mwaauch e chisteyihtaakusit e tashiyich misiwe Utipeyihchikeuh kaye wiya maauch suuhcheyihtaakusuu e tashiyich misiwe chisheuchimaauh.”