Matthew 4:8 - Chishemanituu Utayimuwin: Kaa Uskaach Testament

⁸ Ekw miin kaa wii kakwechihaat machimanituu aniyuu Jesus kaa ituhtahaat anite naashch e ishpaanaayich wachiyuu, kaa waapahtiyaat misiwe chisheuchimaawinh utah aschiihch kaa ihtakuniyikwaauh kaye taan e ishi ihtakuniyich miisitisiiwiniyuu anite.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐁᒄ ᒦᓐ ᑳ ᐐ ᑲᑴᒋᐦᐋᑦ ᒪᒋᒪᓂᑑ ᐊᓂᔫ ᒌᓴᔅ ᑳ ᐃᑐᐦᑕᐦᐋᑦ ᐊᓂᑌ ᓈᔥᒡ ᐁ ᐃᔥᐹᓈᔨᒡ ᐗᒋᔫ, ᑳ ᐙᐸᐦᑎᔮᑦ ᒥᓯᐌ ᒋᔐᐅᒋᒫᐎᓐᐦ ᐅᑕᐦ ᐊᔅᒌᐦᒡ ᑳ ᐃᐦᑕᑯᓂᔨᒀᐤᐦ ᑲᔦ ᑖᓐ ᐁ ᐃᔑ ᐃᐦᑕᑯᓂᔨᒡ ᒦᓯᑎᓰᐎᓂᔫ ᐊᓂᑌ᙮

Matthew 4:8 Iomraidhean Croise

Matthew 16:26

Ekw maak an awen kaa wii kanuweyihtamaasut upimaatisiiwin, puunipimaatisiite maak taanite chechii uhchi wiichihiikut aat chii wiihkuchihtamaasute misiwe chekwaayuu utah aschiihch, wiya taan kaa ishi nitaweyihtahk chechii ishi ayaat. Namui kata uhchi miyaakanuu pimaatisiiwiniyuu wiya. Namui mitun ihtakuniyuu chekwaayuu chechii pachishtinahkw kaau chechii miyaakanuut upimaatisiiwin.

Matthew 4:5

Ekw machimanituu kaa ituhtahaat Jesus anite Jerusalemihch, ekw kaa iskwaahtawiihtahaat aniyuu chisheayimiheukamikuyuu anite maauch e ishpaanaayich kaa ituhtahaat.

John 5:20

Wesh Uhtaawiimaau saachiheu Ukusisimaauh kaye waapahtiyeu misiwe taan e ihtit. Chika wiichiheu etituu chechii maamishkaach ihtiyich. Ekw maak che maamishkaateyihtamekw.

1 Peter 1:24

Chishemanituu utayimuwin itashteyuu, Misiwe awen mwehch mashkushuu ishinaakusuu. Misiwe awen uchisteyihtaakusuwin mwehch waapukun nitawiin kaa nihtaauchihch ishinaakuniyuu. Nipiimakanh mashkushuuh ekw waapikunh paahpahchishtinh.

Revelation 11:15

Ekw miin kutak enchil kaa puutaatahk upuutaachikan. Eukw uu niishwaashch kaa ihtaat enchil. Nichii pehtawaauch maak awenichii e chishewetwaau, anite kihchikiishikuhch e ayimitwaau e itwetwaau, “Ekw wetinamaasut Chitipeyihchikeminuu kaye aniyuuh kaa pechi itishahwaat chechii uchimaautwaau utah aschiihch. Wiya maak Utipeyihchikeu chika uchimaau kaachiche kaye kaachiche.”