Matthew 4:3 - Chishemanituu Utayimuwin: Kaa Uskaach Testament

³ Ekw machimanituu kaa pechi nituwaapamikut, ekw kaa itikut, “Taapwe aahch e aawane Chishemanituu Ukusisa, iishich uchii asiniich chechii aaihkunaautwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁᒄ ᒪᒋᒪᓂᑑ ᑳ ᐯᒋ ᓂᑐᐙᐸᒥᑯᑦ, ᐁᒄ ᑳ ᐃᑎᑯᑦ, ᑖᐺ ᐋᐦᒡ ᐁ ᐋᐗᓀ ᒋᔐᒪᓂᑑ ᐅᑯᓯᓴ, ᐄᔑᒡ ᐅᒌ ᐊᓯᓃᒡ ᒉᒌ ᐋᐃᐦᑯᓈᐅᑣᐤ᙮

Matthew 4:3 Iomraidhean Croise

Matthew 14:33

Anichii maak chischinuhamuwaakanich anite utihch kaa ihtaatwaau chii nuuchiishtuweuch Jesus e itaatwaau, “Taapwe Chishemanituu Ukusisa chiya.”

Matthew 16:16

Ekw Simon Peter kaa ishi nishkweushihaat, “Eukw chiya Christ, an Chishemanituu kaa pimaatisiit Ukusisa.”

Matthew 26:63

Jesus maak namui uhchi chistuu. Ekw miin kaa itikut aniyuu chisheayimiheuchimaau, “Kuiskw maa pechi wiihtamunaan e pehtaask an pemaatisiit Chishemanituu, eukw aa chiya taapwe Christ, Chishemanituu Ukusisa.”

Matthew 3:17

Ekw kaa pehtawaatwaau aweyuu anite uhchi kihchikiishikuhch e itweyich, “Eukuu Nikus kaa saachihiik kaye naashch taapwe kaa naniheyihtamihiit.”

Mark 1:1

Ekut utah chehchipayihch miywaachimuwin e aayimuumaakanuut Jesus Christ Chishemanituu Ukusisa.

Mark 3:11

Machiahchaahkuch maak michihpin wiyaapamaatwaau Jesus chii ihtuutaweuch aniyuuh aweyuuh kaa piihchishkuwaatwaau chechii pahchishiniyich uhchishkuu Jesus e ihtaayich ekw kaa uhchi tepwetwaau anichii machiahchaahkuch e itwetwaau, “Eukw chiya Chishemanituu Ukusisa.”

Mark 5:7

ekw kaa tepwet e chishewet e itwet, “Jesus, chiya kaa Ukusiitutaask Chishemanituu maauch kaa ispeyihtaakusit, taan waa ishiihkuyin. Chititin e pehtuut Chishemanituu, ekaawii nanehkaateyimuhiih.”

Luke 1:35

Ekw kaa itikut aniyuu enchil, “Kaa payehchisiit Ahchaahkw chika utihtikw, Chishemanituu maauch e ispeyihtaakusit, usuuhkaatiisiiwinihch ekut che uhchi kanuweyimaausuyin. Eukw maak che uhchi ishinihkaataakanuut an awaash che pimaatisiit kaa payehchisiit kaye Chishemanituu Ukusisa chika ishinihkaataakanuu.

Luke 22:70

Ekw maak misiwe kaa kakwechimikut, “Eukw aa maak chiya Chishemanituu Ukusisa.” Chii nishkweushiheu maak e itaat, “Chititwenaawaau e aawiyaan Chishemanituu Ukusisa.”

Luke 4:3

Machimanituu chii itikuu, “Taapwe aahch e aawane Chishemanituu Ukusisa, itashuwaash uu asinii chechii aaihkunaaut.”

Luke 4:41

Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.

Luke 4:9

Ekw maak machimanituu kaa ituhtahaat Jesus Jerusalemihch ekw kaa iskwaahtawiihtahaat aniyuu chisheayimiheukamikuyuu anite maauch e ishpaanaayich kaa ituhtahaat. Ekw kaa itaat, “Taapwe Chishemanituu Weukusiitutaaskwe, aamikwaashkuhtih,

John 1:34

Nichii waapahten uu kaa ispayihch kaye chiwiihtamaatinaawaau eukw aniyuu Chishemanituu Ukusisa,” chii iteu John.

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 20:31

Eukw uyuuh kaa masinahiikanuukwaau chechii taapwehtamekw eukw uyuuh Jesus Chishemanituu Ukusisa ekw maak taapweyimekwen che ayaayekw pimaatisiiwin.

John 9:35

Jesus maak chii pehtam e chii wiiwiitishihwaakanuyich aniyuu naapeu ekw kaa nituu naanituwaapamaat. Chii miskuweu maak ekw kaa itaat, “Chitaapweyimaau aa Iinuu Ukusisa.”

ᐊᐸᔅᑕᓚᒡ 9:20

Tiiwehch maak chii ituhteu anite nanaahkuu Jewa ayimiheukamikuhch, e kacheskwet e itwet, “Jesus, eukw Chishemanituu Ukusisa.”

2 Corinthians 1:19

Wesh Jesus Christ Chishemanituu Ukusisa an kaa aayimuutamaataahch, niyaan kiipaa Silas, Timothy ekw maak niya, cheshtinaateyihtaakusuu taan e itwet, namui wiiskaat nanatayuu. “Ehe” e itwech, cheshtinaateyihtaakuniyuu aniyuu ehe e itwet.

Galatians 2:20

Wesh mwehch taapwe e chii wiich nipiimak Jesus kaa chiistaaskuhwaakanuut ishinaakun. Anuhchiish maak namui ekw niya nichischinupayihtaan nipimaatisiiwin. Wiya Jesus chischinupayihtaau nipimaatisiiwiniyuu wesh nipiihchishkaakw. Ekw maak uu anuhchiish e ishi pimaatisiyaan nipimaatisiin e taapweyimak an kaa saachihiit kaye kaa pachishtinisut chechii nipahaakanuut niya uhchi, eukw Chishemanituu Ukusisa.

1 Thessalonians 3:5

Eukw maak aniyuu wehchi yaaitei chii itishahuukw Timothy anite e ihtaawekw. Iskutak ekaa kaa chii ihtiyaan ekaa chischeyimitakuch taan e ispayiyekw ekw kaa itishahuuk Timothy anite e ihtaawekw chechii nituu chischeyimitaahch taan e ispayiwekwe e taapweyimekw Christ. Nichii sechisin chechii ihtuutaataakw machimanituu chechii puuniiwekw e taapwehtamuwekw sheshkwaaht chechii ishinaakuhch taan kaa ishi atushkuwachiht Utipeyihchikeu anite e ihtaayekw.

Hebrews 12:16

Kaye yaakwaamiikw ekaa waachipeyakw wiinisuwinihch chechii ishi pimaatisiyekw maak chechii ishinaakusiyekw ekaa aapateyimekw Chishemanituu mwehch aniyaa Esau kaa ihtit. Chii pachishtinam aniyuu taan eshkw chipaa aashuu miyaakanuu wiya e ustesimaaut, ekw peyakw wiyaakan miichimiyuu teyakuch kaa utinahk.

Hebrews 4:14

Suuhk maak mamechiminihtaau an kaa ishi waawiihtamuhkw e ishi taapwehtamuhkw wesh chitayaawaanuu e chisteyihtaakusit chisheayimiheuchimaau shaash anite Chishemanituu e ihtaayich e ihtaat, eukuu Jesus, Chishemanituu Ukusisa.

Hebrews 7:3

Uu kaa ishi wiihtamaatakuch eukw mikw uyuu e ishpish chischeyimaakanuut Melchizedek. Namui chichischeyimaanuu aweyuu kaa uhtaawiit maak aweyuuh kaa ukaawiit. Namui chichischeyimaanuu aweyuuh kaa uwaahkumaakanit. Kaye namui chichischeyihtamuwaanaanuu taaishpish kaa pimaatisiit kaye taaishpish kaa nipit. Namui chichischeyihtenaanuu wesh namui mitun uhchi aayimuumaakanuu masinahiikanihch. Uu kaa ishi wiihtamaatakuch, mwehch Chishemanituu Ukusisa kaachiche e ayimiheuchimaawiyich, kaye wiya Melchizedek kaachiche ayimiheuchimaau.

1 John 3:8

An awen kaa machipimaatisiit machimanituu kaa iteyihtaakusiyich iteyihtaakusuu. Wesh machimanituu muush chii pechi machituutam. Chishemanituu maak Ukusisa chii pechi takushiniyuu utah aschiihch chechii wanaachihtaawaayich misiwe utaapatisuwiniyuu machimanituu.

Revelation 2:10

Ekaawii kushtaachikw taan che ishi nanehkaateyimuyekw. Machimanituu chika kakwechihiikuwaau e ihtuutaataakw pasch chechii chipahukuwekw chipahutuukamikuhch. Mitaahtw chiishikaauh chika ishpish nanehkaateyimunaawaau. Ekaawii maak puuniikw e taapweyimiyekw aat wii nipahiikuyekwe. Ekw maak che kaaniyuwiyekw chisheuchimaau astutin eukuu kaachiche pimaatisiiwin.”