Matthew 4:23 - Chishemanituu Utayimuwin: Kaa Uskaach Testament

²³ Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᒌᓴᔅ ᒫᒃ ᒥᓯᐌ ᐊᓂᑌ ᑲᓕᓖ ᐁ ᐃᔥᐱᔖᔨᒡ ᒌ ᐃᑐᐦᑌᐤ ᐁ ᒋᔅᑯᑕᒫᒉᑦ ᐊᓂᑌ ᒎᐗ ᐊᔨᒥᐦᐁᐅᑲᒥᑯᐦᒡ, ᐁ ᐙᐐᐦᑕᐦᒃ ᒥᔻᒋᒧᐎᓂᔫ ᒋᔐᒪᓂᑑ ᐅᒋᔐᐅᒋᒫᐎᓂᔫ ᐁ ᐋᔨᒨᑕᐦᒃ, ᑲᔦ ᐁ ᒦᓄᐙᒋᐦᐋᑦ ᓇᓈᐦᑰ ᐊᐌᔫᐦ ᒥᓯᐌ ᓇᓈᐦᑰ ᐃᑖᔅᐱᓀᐎᓂᔫ ᐁ ᐊᔮᔨᒡ᙮

Matthew 4:23 Iomraidhean Croise

Matthew 11:5

Wiihtamuwaahkw maak e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich kaa maayaataniyich umichiiwaaspinewiniyuu, e chii miinuwaachihaakanuyich. Kaye e pehtamiyich aniyuu ekaa uhchii pehtamiyich. Kaye e chii wanishkaanaakanuyich aniyuu kaa nipiitwaau. Kaye miywaachimuwiniyuu e waawiihtamuwaakanuyich kaa chistimaatisiyich aweyuuh.

Matthew 12:9

Ekw Jesus kaa chistuhtet anit uhchi, ekw anite ayimiheukamikuhch kaa piihchet.

Matthew 13:19

An maak awen kaa pehtahk aniyuu miywaachimuwiniyuu e aayimuutaakanuyich Chishemanituu uchisheuchimaawiniyuu ekaa maak nesituhtamukwe, muyaam an shuumin anite yaaiskanuu kaa pahchishihk ekun e ishinaakusit, machimanituu meskamikuu taan kaa ishi pehtahk ekw maak namui chii nihtaauchuu anite Chishemanituu ishi e ihtaayich.

Matthew 13:54

Ekw anit aniyuu ihtaawiniyuu wehchiit ekute kaa ituhtet. Ekut anit kaa chiskutamaachet anite Jewa ayimiheukamikuhch, misiwe maak aniyuu kaa pehtaakut chii miskaashtaakuu e itituyich, “Taanite kaa uhchi ayaat uyuu kachehtaaweyihtamuwiniyuu, taanite kaa uhchi ayaat kaye aniyuu kaschihuwiniyuu chechii ihtuutahk aniyuu maamishkaach chekwaayuuh.

Matthew 14:14

Iskutak maak kepaat Jesus, wiyaapamaat maak aniyuu mihchetu iinuu, chii chistimaacheyimeu, kaye chii miinuwaachiheu aniyuu kaa aahkusiitwaau kaa peshuwaakanuyich.

Matthew 24:14

Uu maak miywaachimuwin Chishemanituu uchisheuchimaawin kaa tipaatuteyich chika kacheskwaanuu utah misiwe aschiihch misiwe awen chechii pehtahk, ekw maak yaakw che iskwaapayihch.”

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 9:35

Jesus maak misiwe chii ituhteu anite nanaahkuu e utenaauniyich kaye anite nanaahkuu ihtaawinishihch, e chiskutamaachet Jewa ayimiheukamikuhch, kaye e kacheskwet e waawiihtahk miywaachimuwiniyuu e aayimuutahk Chishemanituu uchisheuchimaawiniyuu, kaye e miinuwaachihaat aweyuuh nanaahkuu itaaspinewiniyuu e ayaayich.

Mark 1:14

Paatimaa maak mekwaach John siikahaahtaacheu chipahutuukamikuhch kaa ihtaat Jesus chii ituhteu anite Galileehch. Ekute anite kaa kacheskwet e waawiihtahk Chishemanituu umiywaachimuwiniyuu.

Mark 1:21

Anite Capernaum kaa ishinihkaateyich ihtaawiniyuu ekute kaa ituhtetwaau, iskutak maak miin e Jewa ayimiheuchiishikaayich Jesus chii piihcheu anite ayimiheukamikuhch ekw kaa chiskutamaachet.

Mark 1:39

Ekw maak misiwe kaa papaa ituhtet aniyuu Galilee aschiiyuu e kacheskwet Jewa ayimiheukamikuhch. Kaye chii wiiwiitishihweu nanaahkuu machiahchaahkwa mihchetu aweyuuh kaa piihchishkuwaayich.

Mark 3:10

Wesh aniyuu mihchetu aweyuuh e chii miinuwaachihaat ekw mihchetu kutak aweyuuh nanaahkuu e itaaspineyich kaa pechi kakuhkunituyich e wii taahtinikut.

Mark 6:2

Aniyuu maak kaa Jewa ayimiheuchiishikaayich chii chiskutamaacheu anite ayimiheukamikuhch. Chii mihchetiyuu aweyuu anit kaa ihtaayich e nituhtaakut. Misiwe maak anichii iinuuch chii miskaashtuweuch taan kaa itweyich. “Taanite wehtinahk uyuu kaa itwet,” chii itituuch. Kaye chii itweuch, “Taapwe kachehtaaweyihtamuuhtaakusuu.” Chii itweuch kaye, “Taanite wehchii ihtuutahk uyuuh maamishkaach chekwaayuuh.

Mark 6:6

Chii maamishkaateyimeu maak aniyuu e ishpish ekaa taapweyimikut. Chii achineskam maak aniyuuh ihtaawinisha e papaa chiskutamaachet.

Luke 10:9

Kaye miinuwaachihaahkuch anichii kaa aahkusitwaau kaye maak che itekuch anit aniyuu ihtaawiniyuu kaa ihtaatwaau, ‘Naashch taapwe chipeshuwaapamikuwaanaawaau Chishemanituu uchisheuchimaawin.’

Luke 13:10

Peyakwaau e Jewa ayimiheuchiishikaayich, Jesus chii chiskutamaacheu anite ayimiheukamikuhch.

Luke 16:16

“Eshkw ekaa uhchi takushihk John siikahaahtaacheu mikw aniyuu Moses kaa masinahahk Chishemanituu uwiishuwewiniyuu kaye aniyuu taan kaa ishi wiihtamaatahkwaau aniyehkaa uchischiwehiichesuuch eukun aniyuuh mikw kaa aapatahkwaau e chiskutamaachaanuuhch. Ekw maak kaa ishpish ihtaat John ekw miywaachimuwin kaa waawiihtaakanuuhch Chishemanituu uchisheuchimaawin e aayimuutaakanuyich. Suuhk maak mihchetu awen aayihkam wii piihcheu Chishemanituu uchisheuchimaawiniihch.

Luke 20:1

Peyakwaau Jesus e chischinuhamuwaat aniyuuh iinuuh anite chisheayimiheukamikuhch kaye e waawiihtahk miywaachimuwiniyuu aniyuuh kaa niikaanapiitwaau ayimiheuchimaauh ekw maak aniyuuh kaa chiskutamaacheyitwaauh wiishuwewiniyuu kaye aniyuuh kaa niikaanishkuwaayich iinuuh chii pechi nituwaapamikuu,

Luke 4:14

Ekw Jesus kaau kaa ishi chiiwet anite Galilee aschiihch Ahchaahkwa suuhkaatisiiwiniyuu e saakaschineshkaakut. Chii katipaachimaakanuu maak misiwe e ispichiskamikaayich anite itehche.

Luke 5:17

Peyakwaau Jesus e chischinuhamaachet chii ihtaayuuh anit Pharisee kaye aniyuu kaa chiskutamaacheyich ayimihewin wiishuwewiniyuu. Uchii maak naapeuch misiwe ihtaawinihch chii uhtuhteuch, anite Galileehch kaye Judea aschiihch kaa ihtakuniyikwaauh kaye maak anite utenaahch Jerusalemihch chii uhtuhteuch. Jesus maak chii ayaau Chishemanituu ukaschihuwiniyuu chechii miinuwaachihiiwet.

Luke 6:17

Iskutak maak Jesus kaa niihchichuwetwaau wachiihch anite chii ituhteuch e taapituwaayich. Mihchetu kaa nuushunehukut chii ihtaayuuh anit kaye chii mihchetiyuu kutak aweyuuh, nanaahkuu e chii uhtuhteyitwaau aniyuu Judea aschiiyuu e ishpishaayich. Jerusalemihch kaye kutakach chii uhtuhteuch, ekw kutakach yaayeu chihchikamiihch kaa ihtakuniyikwaauh ihtaawin Tyre kaye Sidon kaa ishinihkaatekwaauh ekute kaa uhtuhtetwaau.

Luke 6:6

Peyakwaau mekwaach e Jewa ayimiheuchiishikaayich, Jesus chii piihcheu ayimiheukamikuhch chechii chischinuhamaachet. Chii ihtaau maak anit naapeu unihiiwinitihchii e maaskaniyich.

Luke 7:21

Mekwaach maak aniyeyuu Jesus chii miinuwaachiheu mihchetu aweyuuh, nanaahkuu e itaaspineyitwaauh, kaye machiahchaahkwa e chii wiiwiitishihwaat kaye e chii ihtuutawaat aniyuuh ekaa kaa waapahtamiyich chechii waapahtamiyich

Luke 7:22

Ekw Jesus e nishkweushihaat chii iteu, “Chiiwekw, che wiihtamuwekw John taan kaa ishi waapahtamekw kaye taan kaa ishi pehtamekw. Wiihtamuwaahkw e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich e maayaataniyich e umichiinaanuyich. Kaye e pehtamiyich aniyuu ekaa uhchii pehtamiyich. Kaye miin kaau e wanishkaayich aniyuu kaa nipiitwaau. Kaye miywaachimuwiniyuu e waawiihtamuwaakanuyich aniyuu kaa chistimaatisiyich.

Luke 8:1

Iskutak maak kaa chiishipayiyich uyuu ekw Jesus kaa papaaituhtet anite nanaahkuu ihtaawinihch e waawiihtahk miywaachimuwiniyuu e tipaatutahk Chishemanituu uchisheuchimaawiniyuu che utihchipayiyich. Chii wiicheukuu aniyuuh niishushaap uchischinuhamuwaakanh.

Luke 9:11

Iskutak maak mihchetu awenichii kaa pehtahkwaau e chii chistuhteyich ekw kaa nuusuupaistuwaatwaau. Jesus maak chii miyeyihtam e takushiniitwaauh. Chii waawiihtamuweu Chishemanituu uchisheuchimaawiniyuu e iteyihtaakuniyich kaye chii miinuwaachiheu aniyuuh aweyuuh kaa nituweyihtamiitwaau chechii miinuwaachihaakanuyich.

Luke 9:60

Ekw Jesus kaa itikut, “Anichii mwehch kaa nipitwaau kaa iteyihtaakusitwaau iinuuch ekush kata nahiihkuweuch aniyuu utiiniimuwaau kaa nipiyich. Chiya maak, maachiih che papaamaachimuut Chishemanituu chisheuchimaawin.”

John 18:20

Ekw Jesus kaa itaat, “Misiwe taan kaa itweyaan chii pehtamuch awenich. An maak taan kaa ishi chiskutamaacheyaan anite ayimiheukamikuhch kaye chisheayimiheukamikuhch anite misiwe Jewa iinuuch kaa chii pechi nishtuwiitwaau, namui nihtaa nuhchi kaataan chekwaan e itweyaan.

John 6:59

Eukw uyuuh chekwaayuu kaa aayimuutahk Jesus kaa chischinuhamaachet anite Jewa ayimiheukamikuhch anite Capernaum ihtaawinihch kaa ihtaat.

John 7:1

Miin paatimaa ekw Jesus kaa ituhtet anite Galilee kaa ishinihkaateyich aschiiyuu, namui wii anite Judea kaa ishinihkaateyich aschiiyuu itehche uhchi wii ituhteu wesh chii chischeyihtam e chii wii nipahiikut aniyuu Jewa iinuuh kaa niikaanishkuwaayich.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 18:4

Muush maak tahtwaau e Jewa ayimiheuchiishikaayich chii naachayimihaau Paul ekw kaa chii ayimihiitutwaau aniyuu Jewa kaye Greek iinuu e siihchimaat chechii taapwehtaakut.

ᐊᐸᔅᑕᓚᒡ 20:25

“Nituhtamukw maa, nichischeyihten eukw uu anuhchiish maahchishtai che waapamiyekw chiyawaau uu kaa chii waawiihtamaatakuch Chishemanituu uchisheuchimaawin ute itehche kaa ihtaayekw.

ᐊᐸᔅᑕᓚᒡ 28:31

Chii aayimuutamuweu maak Chishemanituu uchisheuchimaawiniyuu, kaye chii chiskutamaacheu Utipeyihchikeu Jesus Christ e aayimuumaat. Chii suuhchiteheu maak mitun kaye namui uhchi chistahamuwaakanuu uyuu e ihtit.

Romans 10:15

Taanite chechii uhchi kacheskwetwaau awenichii ekaa chihchitishahwaakanuutwaawenich. Wesh itashteu Chishemanituu utayimuwinihch, Nuwach miyeyihtaakuniyuu tekushihkwaauh uchii miywaachimuwiniyuu kaa petaatwaau.