Matthew 4:14 - Chishemanituu Utayimuwin: Kaa Uskaach Testament

¹⁴ Iskutak maak anite kaa wiichit Jesus ekw kaa ispayiniyich aniyaa uchischiwehiichesuu Isaiah kaa itwet,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐃᔅᑯᑕᒃ ᒫᒃ ᐊᓂᑌ ᑳ ᐐᒋᑦ ᒌᓴᔅ ᐁᒄ ᑳ ᐃᔅᐸᔨᓂᔨᒡ ᐊᓂᔮ ᐅᒋᔅᒋᐌᐦᐄᒉᓲ ᐊᐃᓭᔭ ᑳ ᐃᑗᑦ,

Matthew 4:14 Iomraidhean Croise

Matthew 1:22

Eukun nihaau kaa ispayiyich taan kaa pechi itweyikupanenh Utipeyihchikeu uchischiwehiichesiimh kaa itweyich,

Matthew 2:15

Ekut maak kaa ihtaatwaau paatish kaa nipiyich Herod. U maak kaa ispayihch ekw kaa taapwemakaniyich Utipeyihchikeu uchischiwehiichesiimh kaa itweyich e chii itwet, “Anite Egypt uhchi nichii uhchi tepwaataau nikus.”

Matthew 2:23

Ekw anite Nazareth kaa ishinihkaateyich ihtaawiniyuu ekute kaa wiichitwaau. Ekw maak kaa taapwemakaniyich weskach taan kaa itwetwaau aniyehkaanaanich uchischiwehiichesuuch kaa itwetwaau, “Nazareth kaa uhchiit chika ishinihkaataakanuu.”

Matthew 26:54

Mikw maak an ihtiyaane, taanite chechii uhchi ispayihch an kaa itashtech Chishemanituu utayimuwinihch an chipaa ispayuu.”

Matthew 26:56

Mikw maak shaakuuch misiwe tipapayuu taan kaa ishi masinahahkwaau anite Chishemanituu utayimuwiniihch aniyehkaanaanich uchischiwehiichesuuch. Iskutak maak uyuu kaa itaat ekw misiwe uchischinuhamuwaakan kaa ushimuyich e nakachipahiikut.

Matthew 4:13

Ekw anite Nazareth kaa uhchi chistuhtet. Ekw anite Capernaum kaa ishinihkaateyich ihtaawiniyuu, anite Galilee saakahiikanihch kaa ihtakuniyich ekute kaa nituu wiichit, anite Zebulun ekw maak Naphtali kaa ishinihkaateyikwaauh aschiih.

Matthew 4:15

Nituhtamukw chiyawaau anite Zebulun kaye Naphtali aschiihch kaa ihtaayekw, kaye chiyawaau yaaiskanuu kaa wiichiyekw nete ishi chihchikamiihch ekw maak chiyawaau kwestehchekaam Jordan siipiihch kaa wiichiyekw. Nituhtamukw kaye chiyawaau Galileehch kaa wiichiyekw, anite waachitwaau ekaa Jewa kaa itiskaanesitwaau iinuuch.

Matthew 8:17

Aniyuu maak kaa ihtuutahk chii ispayiniyuu taan kaa ishi niikaan wiihtamukupane che ispayiyich aniyaa uchischiwehiichesuu Isaiah kaa itwet, Chichii miinuwaachihiikunuu kaye chii iichenam misiwe nanaahkuu chititaaspinewinuuh.

Luke 22:37

Wesh uu wehchi ititakuch kata tipipayuu taan kaa ishi niikaan aayimuumikuyaan anite Chishemanituu utayimuwinihch kaa itashtech, Chii asitachimaakanuu anite e chimutiskuunaanuyich. Uu maak kaa ishi tipaachimikuyaan taapwe kata ispayuu.”

Luke 24:44

Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

John 15:25

Uyuu maak kaa ihtuutuutwaau shaakuuch ekun kaa itashteyich uwiishuwewiniwaahch che ihtuutuutwaau. Chii niikaan wiihtaakuniyuu anite kaa itashteyich, Seskwaahch nichii uhkaateyimikuch.”

John 19:28

Paatimaa maak Jesus chii chischeyihtam shaash misiwe chekwaayuu e chii chiishipayiniyich ekw kaa itwet, “Niwii minihkwen.” Eukw uyuu kaa itwet chechii tipipayiyich taan kaa ishi niikaan wiihtaakuniyich anite Chishemanituu utayimuwinihch che itwekupane.