Matthew 4:12 - Chishemanituu Utayimuwin: Kaa Uskaach Testament

¹² Iskutak Jesus kaa pehtahk John e chii maakunaakanuyich, anite Galilee aschiihch chii ituhteu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐃᔅᑯᑕᒃ ᒌᓴᔅ ᑳ ᐯᐦᑕᐦᒃ ᒞᓐ ᐁ ᒌ ᒫᑯᓈᑲᓄᔨᒡ, ᐊᓂᑌ ᑲᓕᓖ ᐊᔅᒌᐦᒡ ᒌ ᐃᑐᐦᑌᐤ᙮

Matthew 4:12 Iomraidhean Croise

Matthew 11:2

John kaa siikahaahtaachet maak chii maakunaakanuu ekw kaa chipahwaakanuut chipahutuukamikuhch. ekute maak anite kaa pehtahk e tipaachimaakanuyich taan e ihtiyich Christ, ekw kaa itishahwaat niishu uchischinuhamuwaakanh anite e ihtaayich Jesus.

Matthew 14:3

Wesh wiya Herod chii itashuwekupane chechii maakunaakanuyich aniyaa John, kaye chechii maahkupitaakanuyich, ekw maak chechii chipahwaakanuyich. Eukw wehchii ihtuutuwaat uyuu aniyuu wiichishaanh Philip wiichiskweuyuuh Herodias kaa ishinihkaasuyich e chii itikut uyuu chechii itashuwet.

Mark 1:14

Paatimaa maak mekwaach John siikahaahtaacheu chipahutuukamikuhch kaa ihtaat Jesus chii ituhteu anite Galileehch. Ekute anite kaa kacheskwet e waawiihtahk Chishemanituu umiywaachimuwiniyuu.

Mark 6:17

Wiya Herod chii itashuweche chechii maakunaakanuyich John kaye chechii maahkupitaakanuyich ekw maak chipahutuukamikuhch chechii chipahwaakanuyich. Wiichiskweu Herodias chii ihtuutamuweu uyuu wehchii ihtuutawaat John. Uyuu iskweu kaa wiichimaat Herod wiichiinuu Philip aniyuu chii wiichiskwewiyuu.

Luke 23:5

Ekut etituu suuhk kaa wii taapwetwaau e itwetwaau, “Uu naapeu machipayihtaasuu taan e ishi chiskutamaachet misiwe e ishpishaayich Judea aschiiyuu. Galileehch chii uhchi chihchipayihtaau e chiskutamaachet ute maak chii ishi chiskutamaacheu Jerusalemihch.”

Luke 3:20

Herod chii itashuweu chechii chipahwaakanuyich John. Uyeyuu maak kaa ihtit etituu chii tahkuchishtamaasuu aniyuu taan shaash kaa ishi machituutamikupane.

Luke 4:14

Ekw Jesus kaau kaa ishi chiiwet anite Galilee aschiihch Ahchaahkwa suuhkaatisiiwiniyuu e saakaschineshkaakut. Chii katipaachimaakanuu maak misiwe e ispichiskamikaayich anite itehche.

Luke 4:31

Ekw Jesus kaa ituhtet anite Capernaum kaa ishinihkaateyich ihtaawiniyuu anite Galilee aschiihch kaa ihtakuniyich, kaa chiskutamuwaat aweyuu mekwaach e Jewa ayimiheuchiishikaayich.

John 1:43

Miin aniyuu e ati chiishikaayich Jesus chii iteyihtam Galilee aschiihch chechii ituhtet. Ekute anite kaa miskuwaat Philip ekw kaa itaat, “Pechi papaawiicheu.”

John 2:11

Ekut maak anit Canahch anite Galilee aschiihch, niishtam kaa maamishkaach ihtit Jesus, ekut kaa nuukuniyich uchisteyihtaakusuwin. Ekut maak kaa uhchi taapweyimikut uchischinuhamuwaakanh.

John 3:24

Eukw uyuu kaa ihtit John eshkw ekaa uhchi maakunaakanuut.

John 4:43

Iskutak maak niishu chiishikaauh kaa ihtaat Jesus anite Samaria aschiihch, ekw anite Galilee aschiihch kaa ituhtet.

John 4:54

Eukw maak uyuu niishwaa kaa maamishkaach ihtit Jesus e takushinit anite Galilee aschiihch, anite Judea aschiihch e uhtuhtet.