Matthew 4:10 - Chishemanituu Utayimuwin: Kaa Uskaach Testament

¹⁰ Mikw maak Jesus chii nishkweushiheu e itaat, “Chiya machimanituu, maachiih iiches nete. Itashteu Chishemanituu utayimuwinihch, Mikw Utipeyihchikeu Chichishemanituumiwaau nuuchiishtuwaahkw kaye mikw wiya atushkuwaahkw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᒥᒄ ᒫᒃ ᒌᓴᔅ ᒌ ᓂᔥᑴᐅᔑᐦᐁᐤ ᐁ ᐃᑖᑦ, ᒋᔭ ᒪᒋᒪᓂᑑ, ᒫᒌᐦ ᐄᒉᔅ ᓀᑌ᙮ ᐃᑕᔥᑌᐤ ᒋᔐᒪᓂᑑ ᐅᑕᔨᒧᐎᓂᐦᒡ, ᒥᒄ ᐅᑎᐯᔨᐦᒋᑫᐤ ᒋᒋᔐᒪᓂᑑᒥᐙᐤ ᓅᒌᔥᑐᐙᐦᒄ ᑲᔦ ᒥᒄ ᐎᔭ ᐊᑐᔥᑯᐙᐦᒄ᙮

Matthew 4:10 Iomraidhean Croise

Matthew 16:23

Ekw Jesus kaa kweschikaapuushtawaat aniyuu Peter, kaa nishkweushihaat e itaat, “Machimanituu, maachiih iiches nete. An taan e iteyihtamihiikuyin chekwaayuuh taapaa Chishemanituu e ihtaat uhchipayuu naapeu e ihtaat uhchipayuu. Maachiih iiches nete machimanituu.”

Mark 1:13

Ekute kaa ihtaat nemitanuu chiishikaauh e kakwechihiikut machimanituu. Chii ihtaayuuh e kushtaatikusiitwaau awesiisa anite mikw maak enchil chii pechi wiichihiikuu.

Luke 10:18

Ekw Jesus kaa itaat, “Nichii waapamaau machimanituu e uhchi pahchishihk kihchikiishikuhch, muyaam taapwe e waashtepayihch ekun kaa ishinaakusit.

Luke 11:18

Anichii maak kaa nuushuushkuwaatwaau machimanituu, maasihiitutwaawenich maak, machimanituu uchisheuchimaawin chika wanaachihtaakanuuyuu. Eukw maak chipaa ispayuu taapwe Beelzebul pechi miit mitewiniyuu chechii aapachihtaauch chechii wiiwiitishihuukwaau machiahchaahkuch.

Luke 13:16

Ekw maak uu Jewa iskweu yaanaaneushaap pipun chii ishpish maahkupitikuu machimanituu, namui aa ishinaakuniyuu chechii aapihkunaakanuut aat e Jewa ayimiheuchiishikaayich.”

Luke 22:3

Ekw maak aniyuuh peyakw kaa niishushaapuyich uchischinuhamuwaakan Jesus, Judas Iscariot kaa ishinihkaasuyich chii piihchishkaakuyuu machimanituu.

Luke 22:31

Ekw maak Jesus kaa kweschikaapuushtawaat Simon Peter kaa itaat, “Simon Peter, Simon Peter, machimanituu naashch chiwii ayaaukw. Chii kakwechihcheyimuu chechii kakwechihiisk muyaam e saapupayihiisk chechii ihtuutaask. Chiwii ihtuutaakw taapishkuuch kaa chii ihtuutawaat nihtaauchihchesuu pahkweshikanh e saapupayihaat.

Luke 4:8

Ekw Jesus kaa itaat, “Itashteu Chishemanituu utayimuwinihch, Mikw Utipeyihchikeu Chichishemanituumiwaau nuuchiishtuwaahkw kaye mikw wiya atushkuwaahkw.”

John 13:27

Judas kaa utinaat aniyuu aaihkunaau kaa miikut Jesus, ekw tiiwehch kaa ati piihchishkaakut machimanituu. Ekw Jesus kaa itikut, “Chiipiih ihtuut an taan chipaa ihtuuten.”

ᐊᐸᔅᑕᓚᒡ 26:18

Chititishahutin anite e ihtaatwaau chechii nisituhtamihiitwaau taan e ishinaakuniyikwaauh upimaatisiiwinawaauh. Chischeyihtahkwaawenich maak ekw che nakatahkwaau wanitipiskusiiwiniyuu ekw waashtewiniyuu che naatahkwaau. Kaye maak che nakatamuwaatwaau machimanituu usuuhkaatisiiwiniyuu teyakuch Chishemanituuh usuuhkaatisiiwiniyuu chechii naatamuwaatwaau. Ekw maak taapweyimitwaawenich che wepeyihtamuwaakanuutwaau umachihtwaawinawaauh. Ekw maak che masinaasutwaau kaye wiyawaau anite mesinaasuyich Chishemanituu utiimiih aniyuuh kaa wiyaapamaat.’ ”

ᐊᐸᔅᑕᓚᒡ 5:3

Ekw Peter kaa itaat, “Ananias, chekwaan wehchi pachishtinit machimanituu chechii piihchet chitehiihch, chechii ihtuutaask chechii nanatayimat Kaa payehchisiyich Ahchaahkw, chiimuut e kanuweyihtamaasuyin pasch an shuuliyaau taan kaa ishpish uchipitaman kaa ataaweyin an kaa ishi tipiyeusiyin.

1 Corinthians 5:5

Pachishtinaakw an naapeu anite machimanituu e ihtaayich chechii nishuuwanaachihtaakanuyich taan e ishi machi nituweyihtamuumakaniyich wiyaas. Ekw maak utahchaahkwa che pimaachihaakanuyich aniyuu e chiishikaayich pechi takushiniyichenh Utipeyihchikeuh Jesus.

1 Corinthians 7:5

Namui chipaa uhchi ihtinaawaau ekaa chechii pischeyimituyekw. Mikw kiipaa niyaakan taapishkun ishi wiyeyihtamekwe weipishchiish ekaa chechii pischeyimituyekw mikw chechii ayimihaayekw. Ekw maak iskutak utihchipayihche anit kaa itweyekw che ishpish ekaa pischeyimituyekw ekw miin chipaa chii pischeyimitunaawaau. Wesh siipiiwesiyekwe namui chika uhchi shaakuuchihiikuwaau machimanituu nitamukw chechii ihtuwekw.

2 Corinthians 11:14

Namui maak chipaa uhchi miskaateyihtamihiikunaanuu uu wesh waawaach machimanituu mwehch waashtuweu enchil chika chii ishinaakuhiisuu.

2 Corinthians 12:7

Naashch taapwe chii miskaateyihtaakuniyuu taan kaa ishi waapahtiit Utipeyihchikeu. Ekaa maak chechii chihkaateyimuyaan taan kaa ishi maamishkaach waapahtiit Utipeyihchikeu nichii pechi miikw chekwaayuu e ustauskaakuuch niyuuch mwehch kaa kaawaach niipisiyaahtikw e ishi kaauskaakut awen wiiyuuhch. Machimanituu chii pachishtinaakanuu chechii pechi mukushkaatiskuut ekaa mistahii chechii iteyimisuyaan.

2 Corinthians 2:11

Uu maak chitihtinaanuu ekaa chechii pisiiwiitahkw machimanituu. Wesh chichischeyimaanuu taan waa ihtit.

James 4:7

Pachishteyimitisuustuwaahkw Chishemanituu. Nishkuushtuwaahkw machimanituu ekw maak che usimitaakw.

1 Peter 5:9

Nishkuushtuwaahkw maak machimanituu. Yaaichikaapuukw chitaapwehtamuwinawaach ishi wesh chichischeyihtenaawaau anichii chiichishaanuwaauch kaa taapwehtahkwaau ekun kaye wiyawaau e ishi nachishkahkwaau nanehkaachihiiwewiniyuu utah aschiihch muyaam kaye chiyawaau kaa ishi nachishkamekw.