Matthew 3:7 - Chishemanituu Utayimuwin: Kaa Uskaach Testament

⁷ Iskutak maak John wiyaapamaat mihchetu Phariseeh kaye Sadduceeh e pechi takushiniyich chechii siikahaahtuwaakanuyich, chii iteu, “Muyaam taapwe chinepukuch e iteyihtaakusiyekw. Awen kaa ititaakw chechii ushimututamuwekw Chishemanituu utaahkuiwesuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐃᔅᑯᑕᒃ ᒫᒃ ᒞᓐ ᐎᔮᐸᒫᑦ ᒥᐦᒉᑐ ᕓᕆᓰᐦ ᑲᔦ ᓵᑑᓰᐦ ᐁ ᐯᒋ ᑕᑯᔑᓂᔨᒡ ᒉᒌ ᓰᑲᐦᐋᐦᑐᐙᑲᓄᔨᒡ, ᒌ ᐃᑌᐤ, ᒧᔮᒻ ᑖᐺ ᒋᓀᐳᑯᒡ ᐁ ᐃᑌᔨᐦᑖᑯᓯᔦᒄ᙮ ᐊᐌᓐ ᑳ ᐃᑎᑖᒄ ᒉᒌ ᐅᔑᒧᑐᑕᒧᐌᒄ ᒋᔐᒪᓂᑑ ᐅᑖᐦᑯᐃᐌᓱᐎᓐ᙮

Matthew 3:7 Iomraidhean Croise

Matthew 12:24

Mikw maak iskutak kaa pehtawaatwaau anichii Phariseech aniyuu e itweyich, chii iteuch, “Beelzebul, aniyuu machiahchaahkuch uchimaamuwaauh ekun aniyuu kaa miikut mitewiniyuu chechii wiiwiitishihwaayich machiahchaahkwa.”

Matthew 12:34

Taanite chechii uhchi itweyekw chekwaan e miyuuhtaakuhch e machaatisiyekw maak mwehch chinepukuch e iteyihtaakusiyekw. Taan e ishi ayimit awen ekut wehchi chischeyihtaakusit taan e ishitehet.

Matthew 15:12

Ekw aniyuu uchischinuhamuwaakan kaa pechi nituwaapamikut, kaa itikut, “Chichischeyihten aa e chii chishuwaahiitwaau anichii Phariseech aniyuu kaa itweut.”

Matthew 16:1

Pasch maak Phariseech ekw maak Sadduceech chii pechi nituwaapameuch aniyuu Jesus e wii kakwechihaatwaau. Chii iteuch maak chechii waapahtiikutwaau maamishkaach waapahtiiwewiniyuu kihchikiishikuhch e uhchiimakaniyich.

Matthew 16:6

Ekw Jesus kaa itaat, “Yaakwaah, ayaakwaamiistamuwaahkw uhpisikanawaau anichii Phariseech ekw maak anichii Sadduceech.”

Matthew 22:15

Ekw kaa chistuhtetwaau anichii Phariseech, che nituu ayimihiitutwaau taanite chechii uhchi pisiiwiyaatwaau Jesus e kakwechimaatwaau chekwaayuu.

Matthew 22:23

Aniyuu maak e peyakuniyich e chiishikaayich Sadduceeh chii pechi nituwaapamikuu Jesus. Eukun aniyuu kaa itweyich chiishpin e puunipimaatisiyich aweyuu utah aschiihch ekaa miin che uhchi wanishkaayich.

Matthew 22:34

Iskutak maak anichii Phariseech piyehtahkwaau e chii chiputunehwaayich Jesus aniyuu Sadduceeh, ekw kaa nishtuwiitwaau maamuu kaa nituwaapamaatwaau Jesus.

Matthew 23:33

“Chiyawaau chinepukuch kaye kaa ukusiitutaataakuch chinepukuch naashch kaa kaschihuuyekw nitamukw e ishi wiyeshimekuch awenichii, taanite chechii uhchi wiihkuchihuyekw ekaa chechii ituhteyekw machishkutehch.”

Matthew 5:20

Chiwiihtamaatinaawaau maak, eukw mikw chechii piihcheyekw an kihchikiishikw chisheuchimaawin etituu chiyawaau kuiskutaatisiyekwe ishpishaat anichii kaa chiskutamaachetwaau wiishuwewiniyuu kaye anichii Phariseech.”

Mark 12:13

Chii itishahwaakanuuch pasch Phariseech kaye pasch anichii Herod kaa nuushunehwaatwaau anite Jesus e ihtaayich chechii naanituu pisiiwiyaatwaau ekaa muyaam chechii itweyich chekwaayuu. Nanaahkuu chekwaayuu chii ishi kakwechimeuch.

Mark 12:18

Sadduceech kaye chii pechi nituwaapamikuu Jesus. Eukw uchii ekaa uhchi taapwehtahkwaau che wanishkaanaakanuyich eshkw aweyuuh kaa nipiitwaau. Chii kakwechimeuch Jesus e itaatwaau,

Mark 8:15

Jesus chii ishi yaakwaamimikuuch, “Yaakwaakw, ayaakwaamiishtamuwaahkw uhpisikanimuwaau Phariseech kaye maak Herod uhpisikanim.”

Luke 16:14

Iskutak maak Phariseech piyehtahkwaau uyeyuu chii maayeyimeuch Jesus, wesh chii saachihtaauch shuuliyaayuu.

Luke 18:11

Ekw an Pharisee chii peyakukaapuu e ishi ayimihaat, ‘Chishemanituu, chinanaaskumitin ekaa ishinaakusiyaan kutakach e ishinaakusitwaau awenichii kaye ekaa mistamaauchihtamaasuyaan shuuliyaau kaye ekaa nitamukw ihtuutuukwaau awenichii kaye ekaa pisikwaatisiyaan. Chinanaaskumitin ekaa ishinaakusiyaan taan e ishinaakusit anaah kaa maamuushtinahk chisheuchimaau shuuliyaayuu kaa itaapatisit.

Luke 7:30

Ekw anichii Phariseech kaye anichii kaa chiskutamaachetwaau ayimihewin wiishuwewiniyuu chii aatuweyihtamuweuch aniyuu taan kaa itashumuweyich Chishemanituu. Namui uhchi nituweyihtamuch chechii siikahaahtaakutwaau John.

John 1:24

Anichii maak Phariseeh kaa pechi itishahukutwaau chii kakwechimeuch John,

John 8:44

Machimanituu eukw wehtaawiyekw, aniyuu e ishi nituweyimitaakw chechii ishi machituutamuwekw eukun mikw waa ihtuutamekw. Muush chii nipahiiweu kaa ishpish ihtakuniyich uyuu aschiiyuu. Namui wiiskaat uhchi nituweyihtam kuiskw chechii ishi wiihtaakuniyich chekwaayuu wesh namui mitun ihtakuniyuu taapwewiniyuu anit e ihtaat. Muush nanatayuu wesh ekun chihchiwe e itaatisiit, eukw maak an taapwe weuhtaawiitutawaat aniyuuh kaa nanatayich.

John 9:40

Pasch maak anichii Phariseech chii ihtaauch anit kaye chii pehtaweuch aniyuu kaa itweyich ekw kaa kakwechimaatwaau e itaatwaau, “Chititwen aa kaye niyaan ekaa waapahtamaahch.”

ᐊᐸᔅᑕᓚᒡ 15:5

Mikw maak, pasch anichii Phariseech kaa taapwehtahkwaau, iskutak piyehtawaatwaau Paul e wiihtamiyich e taapwehtamiitwaauh aniyuu ekaa Jewa kaa itiskaanesiitwaauh, chii uhchi pisikuuch e itwetwaau, “Iteyihtaakuniyuu kiipaa anichii kaa taapwehtahkwaau ekaa Jewa kaa itiskaanesitwaau chechii chischinuwaachishwaakanuutwaau kaye wiyawaau kaye chipaa itaakanuuch chechii nanihiihtamuwaatwaau Moses uwiishuwewiniyuu.”

ᐊᐸᔅᑕᓚᒡ 20:31

Yaakwaamiikw maak, muush chischisikw nishtu pipun utaahch ishi ekaa uhchi puuniyaan muush e chii yaakwaamimitakuch, kaye e chii maatuuyaan kaa ishpish suuhk chii wii wiichihiitakuch.”

ᐊᐸᔅᑕᓚᒡ 26:5

Muush chii pechi chischeyihtamuch uchii Jewa iinuuch, Pharisee e aawiyaan kaye naashch suuhk e chii iteyihtamuch Pharisee e ihtaauch. Chipaa chii wiihtamuch kaye wii wiihtahkwaau uyuu. Anichii maak Phariseech eukunich anichii maauch yaakwaau e ishi naanaakachihtaatwaau uyuu Jewa wiishuwewiniyuu.

ᐊᐸᔅᑕᓚᒡ 5:17

Ekw an chisheayimiheuchimaau, ekw maak misiwe aniyuuh kaa wiichihiikut aniyuu Sadducee kaa ishinihkaataakanuyitwaauh chii uhteyimeuch aniyuu apastalh ekw kaa naanituu miskahkwaau taanite chechii uhchi chipihchihaatwaau.

Romans 1:18

Wesh ekw e nuukuhtaat Chishemanituu kihchikiishikuhch uhchi taan e ishpish mista chishuwaahiikut misiwe aweyuuh aniyuu uhchi e machaatisiyich kaye aniyuu ekaa mitun aapateyimikut. Wesh aniyuu e machaatisiitwaau awenichii nakaahamuch etituu chechii chischeyihtaakunuyich taapwewiniyuu.

Romans 5:9

Ekun maak e kuiskutaatisiihkw wehchi ishi kanawaapamitahkw Chishemanituu aniyuu Christ e chii nipistamaatahk asiteyaahtikuhch. Chicheshtinaateyihtenaanuu Christ taapwe che wiihkuchihiitahkw Chishemanituu utaahkuyuwesuu wiyaaskunichewiniihch uhchi maahchishtai chiishikaayiche.

1 Thessalonians 1:10

eyuu maak e ashuwaapamekw Chishemanituuh Ukusiyuuh miin kaau chechii takushiniyich kihchikiishikuhch uhchi. Eukw uyuuh Ukusisa kaa wanishkaanaat nipuwinihch uhchi. Eukw maak uu Jesus kaa pimaachihiitahkw ekaa chechii waweshihiikuuhkw Chishemanituuh wiyaaskunicheu chiishikaayiche.

Hebrews 11:7

Noah chii ishinihkaasuu miin kutak naapeu e chii taapweyimaat Chishemanituu. Iskutak Chishemanituu kaa wiihtamaakut taan che ispayiyich aschiputeyiche aschiiyuu, aat ekaa uhchi waapahtahk aniyuu chechii ispayiyich iskutak kaa wiihtamuwaakanuut, yaapach chii taapwehtaweu Chishemanituu ekw kaa chihchi ushihtaat e mishaayich chiimaaniyuu anite che ihtaat e peyakuteusiit ekaa chechii nistaapaawetwaau. Aniyuu e chii taapweyimaat Chishemanituuh Noah kaye e chii nanihiihtuwaat, chii waapahtiiweu Chishemanituu che wiyaaskunaayich kaye che waweshihaayich misiwe aniyuu kutak aweyuuh wesh namui uhchi wii taapwehtamiyuuh. Noah maak e chii taapweyimaat Chishemanituu ukuiskutaatisiiu chii ishi kanawaapamikuu.

Hebrews 6:18

Wesh namui chika chii nanatayuu Chishemanituu. Wesh taan e ishi cheshtinaach itwet chekwaayuu ekun che ispayihch. Chii itweu maak uyuu chechii cheshtinaateyihtamuhkw ekaa wiiskaat aahchiiuh che uhchi iteyihtahk. Ekw maak iskutak naataashimututuuhkwe chechii pimaachihiitahkw, che yaayitihch chitaspeyimuwinuu e cheshtinaateyihtamuhkw taan kaa ishi naspich taapwet.

1 John 3:10

Awen ekaa kaa kuiskutaatisiit maak ekaa saachihaat wiichishaan, namui utawaashiimitutaakuu Chishemanituuh. Ekut wehchi chischeyimaakanuut awen aweyuu wetawaashiimitutaakut, Chishemanituu maak machimanituu.