Matthew 3:5 - Chishemanituu Utayimuwin: Kaa Uskaach Testament

⁵ Chii pechi nituhtaakuu maak John aniyuuh aweyuuh Jerusalemihch kaa uhchiyich kaye anite misiwe Judea aschiihch kaa uhchiyich, kaye aniyuu aweyuuh misiwe anite aniyuuh ihtaawinh peshuch Jordan siipiihch kaa ihtakuniyikwaauh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᒌ ᐯᒋ ᓂᑐᐦᑖᑰ ᒫᒃ ᒞᓐ ᐊᓂᔫᐦ ᐊᐌᔫᐦ ᒉᕉᓴᓚᒥᐦᒡ ᑳ ᐅᐦᒋᔨᒡ ᑲᔦ ᐊᓂᑌ ᒥᓯᐌ ᒎᑎᔭ ᐊᔅᒌᐦᒡ ᑳ ᐅᐦᒋᔨᒡ, ᑲᔦ ᐊᓂᔫ ᐊᐌᔫᐦ ᒥᓯᐌ ᐊᓂᑌ ᐊᓂᔫᐦ ᐃᐦᑖᐎᓐᐦ ᐯᔓᒡ ᒞᕐᑕᓐ ᓰᐲᐦᒡ ᑳ ᐃᐦᑕᑯᓂᔨᒀᐤᐦ᙮

Matthew 3:5 Iomraidhean Croise

Matthew 2:1

Anite maak Bethlehem kaa ishinihkaateyich ihtaawiniyuu anite Judea aschiihch kaa ihtakuniyich ekute kaa pimaatisiit Jesus. Mekwaach Herod chii chisheuchimaawiyuuh. Chii uhchi takushinuuch maak naapeuch kaa kachehtaaweyihtahkwaau anit Jerusalemihch waapanuutaahch e uhtuhtetwaau.

Matthew 4:25

Mihchetu maak aweyuu chii papaawiicheukuu Jesus, anite Galileehch kaye anite kaa mitaahtuhkwaau ihtaawinh kaa ishinihkaateyich, kaye anite Jerusalemihch, Judeahch kaye maak kaye anite kwestehchekaam Jordan siipiihch kaa ihtaayich.

Mark 1:5

Mihchetu aweyuu kaa ihtaayich anite Judea aschiihch kaye Jerusalem kaa ishinihkaateyich ihtaawiniyuu chii pechi nituu nituhtaakuu. Mushe chii wiihtamuch taan kaa ishi machituutamuwaakupanenich ekw maak kaa siikahaahtaakutwaau John anite Jordan siipiihch.

Luke 16:16

“Eshkw ekaa uhchi takushihk John siikahaahtaacheu mikw aniyuu Moses kaa masinahahk Chishemanituu uwiishuwewiniyuu kaye aniyuu taan kaa ishi wiihtamaatahkwaau aniyehkaa uchischiwehiichesuuch eukun aniyuuh mikw kaa aapatahkwaau e chiskutamaachaanuuhch. Ekw maak kaa ishpish ihtaat John ekw miywaachimuwin kaa waawiihtaakanuuhch Chishemanituu uchisheuchimaawin e aayimuutaakanuyich. Suuhk maak mihchetu awen aayihkam wii piihcheu Chishemanituu uchisheuchimaawiniihch.

Luke 3:3

John maak misiwe chii aiituhteu aniyuu aschiiyuu peshuch Jordan siipiihch kaa ihtakuniyich e kacheschimaat aweyuuh chechii kweskaatisiyich kaye chechii siikahaahtuwaakanuyich Chishemanituu chechii wepeyihtamaakutwaau umachihtwaawinawaauh.

Luke 3:7

Mihchetu maak iinuuch chii nituwaapameuch John chechii siikahaahtaakutwaau ekw kaa itikutwaau, “Muyaam taapwe chinepukuch e iteyihtaakusiyekw. Chititeyihtenaawaau aa chechii ushimututamuwekw Chishemanituu niishtamihch utaahkuyuwesuwin, e siikahaahtaakuyekw ekaa maak wii kweskaatisiyekw.

John 3:23

Kaye wiya John chii siikahaahtaacheu anite Aenon, namui waahyuu anit uhchi Salimihch wesh naashch chii mishaayuu nipiiyuu anite. Muush chii nituwaapamikuu aweyuu e nituweyihtamiyich chechii siikahaahtuwaat, chii siikahaahtuweu maak.

John 5:35

Mwehch waashtenamaakan e chiihkaashtuwech ekun kaa ishinaakusit John tepaachimit. Chichii naheyihtenaawaau mikw weipishchiish chechii muuchicheyihtamekw anite uwaashtuwewinihch.