Matthew 3:3 - Chishemanituu Utayimuwin: Kaa Uskaach Testament

³ Eukw maak uyuu John kaa aayimuumaat aniyaa uchischiwehiichesuu Isaiah kaa ishinihkaasut iskutak kaa itwekupane, Ihtaau awen e tepwet anite pakwaatiskamikaahch e itwet, Ayeskawiihkamuwaahkw Utipeyihchikeu umeskanaam anit che pimuhtet, kuiskumuhtaawaahkw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁᐅᒄ ᒫᒃ ᐅᔫ ᒞᓐ ᑳ ᐋᔨᒨᒫᑦ ᐊᓂᔮ ᐅᒋᔅᒋᐌᐦᐄᒉᓲ ᐊᐃᓭᔭ ᑳ ᐃᔑᓂᐦᑳᓱᑦ ᐃᔅᑯᑕᒃ ᑳ ᐃᑗᑯᐸᓀ, ᐃᐦᑖᐤ ᐊᐌᓐ ᐁ ᑌᐺᑦ ᐊᓂᑌ ᐸᒀᑎᔅᑲᒥᑳᐦᒡ ᐁ ᐃᑗᑦ, ᐊᔦᔅᑲᐐᐦᑲᒧᐙᐦᒄ ᐅᑎᐯᔨᐦᒋᑫᐤ ᐅᒣᔅᑲᓈᒻ ᐊᓂᑦ ᒉ ᐱᒧᐦᑌᑦ, ᑯᐃᔅᑯᒧᐦᑖᐙᐦᒄ᙮

Matthew 3:3 Iomraidhean Croise

Mark 1:3

An awen che pechi niikaanitishihuuk anite pakwaatiskamikaahch kata papaa tepweu e itwet, “Ayeskawiihkamuwaahkw Utipeyihchikeu umeskanaam anit che pimuhtet, kuiskumuhtaawaahkw.”

Luke 1:17

John maak chika niikaanitishihwaakanuu chechii wiichihaat Chishemanituuh utiiniimiyuu chechii ayeskuwiyich takushiniyichen Utipeyihchikeuh. Chika ayaaweu aniyuu ahchaahkwa kaa pimipayihiikuyich aniyaanaah Elijah kaa ishinihkaasuyich Chishemanituuh kaa chii ayimishtamuwaayich kaye aniyuu suuhkaatisiiwiniyuu taan kaa ishi ayaayich ekun kaye wiya che ishi ayaat. Chika ihtuutaweu uhtaawiimaau kaa machipayihkahtaatuyitwaau utawaashiimiyuuh miin kaau chechii saachihiituyich. Kaye aniyuu ekaa kaa kuiskutaatisiyich chika ihtuutaweu chechii ishi kachehtaaweyihtamiyich taapishkuuch aniyuu kaa kuiskutaatisiyich. Eukw uyuu che aihtit John chechii ayeskuwiihaat aweyuu chechii nachihaayich Utipeyihchikeu.” Eukw maak uyeyuu kaa ishi wiihtamaakut Zechariah aniyuuh enchil.

Luke 1:76

Ekw Zechariah kaa itaat aniyuu ukusisa taan kaa ishi nituweyimikut Chishemanituu chechii itwet, “Ekw maak chii nitawaashiim maauch kaa ispeyihtaakusit Chishemanituu uchischiwehiichesiimh chika ishinihkaatikuun. Chika meskanaahkuwaau Utipeyihchikeu e ishi ayeskuwiihkamut anit che pimuhtet.

John 1:23

Ekw John kaa itwet, “Eukw an niya kaa chii tipaachimit aniyaanaa uchischiwehiichesuu Isaiah. Chii iteu, Chika takushinuu awen anite pakwaatiskamikaahch e uhtuhtet e ishi tepwet, Ayeskawiihkamuwaahkw Utipeyihchikeu umeskanaam anit che pimuhtet, kuiskumuhtaawaahkw.”