Matthew 3:2 - Chishemanituu Utayimuwin: Kaa Uskaach Testament

² E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁ ᐃᑗᑦ, ᑴᔅᑳᑎᓰᒄ, ᐌᔥ ᔖᔥ ᐯᔓᓈᑯᓐ ᐊᓐ ᑭᐦᒋᑮᔑᒄ ᒋᔐᐅᒋᒫᐎᓐ᙮

Matthew 3:2 Iomraidhean Croise

Matthew 10:7

Nituu kacheskwekw e wiihtamekw shaash e peshunaakuhch kihchikiishikw chisheuchimaawin.

Matthew 11:20

Anite maak aniyuu ihtaawinh Jesus maauch kaa ihtuutahk maamishkaach ihtuwinh anichii maak iinuuch kaa ihtaatwaau anit aniyuu ihtaawiniyuu yaapach namui uhchi kweskaatisiyuuch. Namui maak uhchi manaachimeu e itaat,

Matthew 12:41

Iskutak maak wiyaaskunicheu chiishikaache, aniyehkaanaanich iinuuch anite Ninevehch kaa chii ihtaatwaau chika uhpakaapuuch che itwetwaau chechii waweshihiikuyekw chiyawaau anuhchiish kaa pimaatisiyekw. Wesh ekut kaa uhchi kweskaatisiitwaau iskutak kaa pehtawaatwaau Jonah e kacheskweyich, ihtaau maak awen utah uste e iteyihtaakusit ishpishaat Jonah yaapach maak namui kuuhchi kweskaatisiinaawaau.

Matthew 13:11

Ekw Jesus kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa maayaakanuutwaau chechii chischeyihtahkwaau, eukuu chechii chischeyihtamekw kihchikiishikw uchimaawin. Wiyawaau maak namui uhchi pachishtinaakanuuch aniyuu chechii ishi chischeyihtahkwaau.

Matthew 13:24

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Kihchikiishikw chisheuchimaawin eukw mwehch e ishinaakuhch naapeu e nihtaauchihchet e miyushiyich shuumin anite unihtaauchihchikan aschiihch.

Matthew 13:31

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Mwehch an shuumin kaa apishiishiit mastart kaa ishinihkaataakanuut ekun e ishinaakuhch kihchikiishikw uchimaawin. Eukw uyuu wetinaat naapeu e ati aaihwaat anite unihtaauchihchikan aschiihch.

Matthew 13:33

Jesus maak chii wiihtamuweu miin kutachiyuu tipaachimuwin chiskutamaachewiniyuu e itaat, “Maau e iteyihtaakuhch kihchikiishikw chisheuchimaawin. Muyaam palet uhpisikan iteyihtaakun, aniyuu kaa chii chiikuunahk iskweu mistahii pahkweshikanihch, misiwe maak uhpiyuuh aniyuuh aaihkunaauh.”

Matthew 13:47

“Maau miin yaapach e ishinaakuhch kihchikiishikw chisheuchimaawin. Muyaam naapeuch e chii pachitahwaatwaau saakahiikanihch nanaahkuu maak e ishinaakusiyich namesa e pitahamiyich.

Matthew 13:52

Ekw kaa itaat, “Misiwe anichii kaa chischeyihtahkwaau Chishemanituu uwiishuwewiniyuu kaye kaa chiskutamuwaakanuutwaau kihchikiishikw chisheuchimaawiniyuu taan e iteyihtaakuniyich muyaam awen kaa tipiyeusiit ashtaasuukamikuyuu e kanuweyihtahk chekwaayuu taapishkun e miywaayikwaauh aat e weskachuuniyikwaauh kaye e ushkaayikwaauh. Taapishkun maak e miywaapachihtaat.”

Matthew 18:23

Wesh maau e ishinaakuhch kihchikiishikw chisheuchimaawin. Muyaam chisheuchimaau e chii nituweyimaat utaapachihaakan kaa masinahamaakut chechii piikushinihiicheyich,

Matthew 20:1

“Maau e ishinaakuhch kihchikiishikw chisheuchimaawin. Chii ihtaau peyakwaau uchimaau e tipiyeusiit shuuminaahtikw nihtaauchihchikan aschiiyuu. Peyakwaau maak wiipach e chechishepaayaayich chii wiiwiyuu e nituu naanituweyimaat aweyuuh chechii utaaskunaat, chechii aapatisiyich anite ushuuminaahtikw nihtaauchihchikan aschiihch.

Matthew 22:2

“Chika wiihtamaatinaawaau taan e iteyihtaakuhch kihchikiishikw chisheuchimaawin. Muyaam chisheuchimaau e chii ayeskuushtaat e mishaayich makushaaniyuu, ukusisa e makushehaat e chii niipuyich.

Matthew 23:13

“Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw, chiyawaau kaa kachipiskuwekuch awenichii chechii piihchetwaau anite kihchikiishikw chisheuchimaawinihch, ekaa maak mechim chechii piihcheyekw chiyawaau. Namui chipachishtinaawaauch anichii kaa wii piihchetwaau anite kihchikiishikw chisheuchimaawinihch chechii piihchetwaau.

Matthew 25:1

“Chika wiihtamaatinaawaau taan che ishinaakuhch kihchikiishikw chisheuchimaawin iskutak Iinuu Ukusisa takushihke che chisheuchimaaut. Mwehch mitaahtu ishkweshach e tahkunihkwaau uwaastenimaakanawaauh, e nituu nachishkawaatwaau uschinaapewaan.

Matthew 25:14

“Mwaau miin che ishinaakuhch kihchikiishikw chisheuchimaawin takushihke Iinuu Ukusisa. Mwehch naapeu waahyuu aschiihch e ituhtet, e wiishaamaat maak utaapachihaakanh ekw e itaat che naanaakachihtaayich aniyuu e ishi tipiyeusiit.

Matthew 4:17

Ekut maak kaa chihchipayihtaat Jesus e kacheschimaat aniyuu iinuu e itaat, “Kweskaatisiikw, nakatamukw chimachihtwaawinawaauh wesh shaash peshunaakun kihchikiishikw chisheuchimaawin.”

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Matthew 5:10

Shaweyihtaakusuuch anichii kaa nanehkaachihaakanuutwaau aniyuu e kuiskutaatisiitwaau wesh ayaauch kihchikiishikw chisheuchimaawiniyuu.”

Matthew 5:3

“Shaweyihtaakusuuch anichii kaa chistimaatisiitwaau anite ahchaahkuwinihch, wesh wiyawaau tipiyeusiyuuch kihchikiishikw chisheuchimaawiniyuu.

Matthew 6:10

Nitayimihaanaan kaye chuuchimaawin che utihchipayihch, kaye chititeyihtamuwin chechii ihtuutaakanuuhch utah aschiihch muyaam e ishi ihtuutaakanuuhch anite kihchikiishikuhch.

Matthew 6:33

Uste iteyihtaakun suuhk chechii naanituweyihtamuwekw Chishemanituu uchisheuchimaawin kaye ukuiskutaatisiiwin, ekw maak che miitaakw misiwe taan e ishi nuuhtepayiwekw.

Mark 1:15

Chii papaa iteu, “Ekw wetihchipayihch an e chiishikaach e peshunaakuniyich Chishemanituu uchisheuchimaawin. Kweskaatisiikw, nakatamukw chimachihtwaawinawaauh, taapwehtamukw miywaachimuwin.”

Mark 1:4

Eukw maak uu John siikahaahtaacheu kaa aayimuumaakanuut. Anite maak pakwaatiskamikaahch chii papaa ihtaau e siikahaahtuwaat aweyuu kaye e kacheschimaat. Chii kacheschimeu aweyuuh chechii kweskaatisiyich kaye chechii siikahaahtuwaakanuutwaau ekw maak Chishemanituu che wepeyihtamaakutwaau umachihtwaawinawaau.

Mark 6:12

Ekw maak kaa chistuhtetwaau anichii chischinuhamuwaakanich kaa nituu kacheschimaatwaau aweyuu chechii kweskaatisiyich.

Luke 1:16

Mihchetu maak Israel iinuu chika ihtuutaweu chechii kweskaatisiyich, kaau chechii nanihiihtawaayich Utipeyihchikeu, Uchishemanituumiyuuh.

Luke 11:20

Wesh namayeu an kaa niikaanishkuwaat machiahchaahkwa maayit chechii wiiwiitishihuukwaau machiahchaahkuch. Chishemanituu eukw kaa pechi miit kaschihuwiniyuu chechii wiiwiitishihuumach machiahchaahkwa. Ekut maak wehchi waapahtiikuyekw taapwe Chishemanituu uchisheuchimaawin shaash mitun e utihtahukuwekw.”

Luke 13:3

Namui, nituhtamukw maa che ititakuch, chiishpin ekaa kweskaatisiyekwe ekun mwehch kaye chiyawaau che ishi nishuuwanaachihiikuyekw.

Luke 13:5

Namui, nituhtamukw maa, chiishpin ekaa kweskaatisiyekwe kaye chiyawaau chika nishuunaatisiinaawaau.”

Luke 15:10

Ekw miin Jesus kaa itwet, “Aniyuu maak kaa ishpish miyeyihtahk an iskweu e chii miskawaat aniyuu kaa wanihaat ushuuliyaam eukun e ishinaakusiyich Chishemanituu utenchilam, miyeyihtamiyuu iskutak peyakw umachihtwaau e kweskaatisiyich.”

Luke 15:7

Kaa itwet miin Jesus, “Chiwiihtamaatinaawaau, mwehch ekun e iteyihtaakuhch muuchicheyihtamuwin anite kihchikiishikuhch iskutak peyakw umachihtwaau e naataat Chishemanituu e wii kweskaatisiit, uste wiya muuchicheyihtamihiiweu ishpishaat peyakushtemitanuu peyakushteu kaa kuiskutaatisiitwaau awenichii shaash e kweskaatisiitwaau.”

Luke 16:30

An maak kaa miisitisiit naapeu chii nishkweushiheu e itaat, ‘Namui kata uhchi taapwehtamuch paatishkaan aweyuuh kaau chii wanishkaayichen nipuwinihch uhchi, chechii nituwaapamikutwaau ati chechii uhchi kweskaatisiitwaau.’

Luke 21:31

Ekun taapishkuuch e ishinaakuhkwaauh uyuu chekwaayuu kaa aayimuutamaatakuch. Iskutak waapahtamekwe uyuu chekwaayuu e ispayihkwaau chika chischeyihtenaawaau Chishemanituu uchisheuchimaawin naashch taapwe e peshunaakuniyich.

Luke 24:47

Ekw maak chipaa waawiihtamuwaakanuuch misiwe e itiskaanesitwaau awenichii chechii kweskaatisiitwaau kaye chechii wepeyihtamuwaakanuutwaau umachihtwaawinawaauh niya pechi naashitwaawenich. Jerusalemihch maak niishtam chika uhchi mishihtepayuu uu che ishi waawiihtaakanuuhch.

Luke 6:20

Jesus chii kanawaapameu aniyuu kaa nuushunehukut, ekw kaa itaat, “Chishaweyihtaakusinaawaau chiyawaau kaa chistimaatisiyekw anuhchiish, wesh anite Chishemanituu uchisheuchimaawinihch chimasinaasunaawaau.

Luke 9:2

Ekw kaa chihchitishahwaat chechii nituu kakacheskweyich Chishemanituu uchisheuchimaawiniyuu e waawiihtamiyich eyuu chechii miinuwaachihaayich aweyuuh kaa aahkusiyich.

ᐊᐸᔅᑕᓚᒡ 11:18

Uyuu maak e pehtawaatwaau e ishi wiihtamiyich namui uhchii nishkuushtuweuch. Chii chishtaachimeuch Chishemanituu e itwetwaau, “Chishemanituu chii nihiipayihtaau aniyuu iinuu ekaa Jewa kaa itiskaanesiitwaauh chechii kweskaatisiyich kaye chechii pimaachihuyich.”

ᐊᐸᔅᑕᓚᒡ 17:30

Weskach iinuuch ekaa uhchi chischeyihtahkwaau taan nihaau e iteyihtaakusiyich Chishemanituu chii ushiheuch manituuhkaan, namui maak pitamaa uhchi waweshihiikuuch Chishemanituu. Anuhchiish maak Chishemanituu itashumeu iinuuh misiwe utah aschiihch chechii kweskaatisiyich.

ᐊᐸᔅᑕᓚᒡ 2:38

Ekw Peter kaa itaat, “Kweskaatisiikw misiwe paahpeyakw e tashiyekw. Nakatamukw chimachihtwaawinawaauh ekw maak che siikahaahtaakuyekw Jesus Christ utishinihkaasuwinihch ati chechii uhchi wepeyihtamaakuyekw chimachihtwaawinawaauh. Chika miikuwaau maak Chishemanituu umiiwewin, eukw uyuu Kaa payehchisiyich Ahchaahkwa.

ᐊᐸᔅᑕᓚᒡ 20:21

e wiihtamuukwaau taapishkun Jewa kaye Greek kaa itiskaanesitwaau e nituweyihtaakusitwaau chechii kweskaatisiitwaau Chishemanituu e naataatwaau kaye chechii taapweyimaatwaau Chitipeyihchikeminuu Jesus Christ.

ᐊᐸᔅᑕᓚᒡ 26:20

Anite maak Damascus niishtam, ekw maak anite Jerusalemihch, ekw miin misiwe anite ihtaawinh Judea aschiihch kaa ihtakuhkwaauh kaye maak anite anichii ekaa Jewa kaa itiskaanesitwaau e ihtaatwaau nichii papaakacheskwen e itakwaau awenichii chechii kweskaatisiitwaau kaye chechii taapweyimaatwaau Chishemanituu, kaye maak chechii ihtuutahkwaau chekwaayuu anit chechii uhchi nuukuniyich taapwe e kweskaatisiitwaau.

ᐊᐸᔅᑕᓚᒡ 3:19

Kweskaatisiikw, mihchiiweyihtamukw taan kaa ishi machituutamekw. Naataahkw Chishemanituu chechii wepeyihtamaataakw chimachihtwaawinawaau. Ekw maak Utipeyihchikeu che ihtuutaataakw miin chechii suuhkamahchihuyekw chitahchaahkuwaahch.

2 Corinthians 7:10

Michihpin e ihtuutahk Chishemanituu chechii misimeyihtamihiikuyihkw chimachituutamuwinuuh ekut wehchi kweschinikanuuhkwaau chitehiinuuh ekw maak e ati pimaachihuyihkw, namui maak ihtaau awen chechii mihchiiweyihtahkw e chii pimaachihaakanuut. Aschiiyuu misimeyihtamuwin maak nipuwinihch ituhtahiiwemakan.

Colossians 1:13

Chichii wiihkuchihiikunuu taan aniyuuh kaa ishi tipeyimikuuhk wanitipiskusiiwiniyuu miiskuch aniyuu naashch kaa saachihaat Uukusisa uchimaawiniyuu ekw chechii tipeyimikuuhk.

2 Timothy 2:25

Kaye chiyaam chipaa ihtuutaweu e wii kuiskunaat aniyuu kaa naniskuustaakut aweyuuh. Chek maa chipaa chii ihtuutaakuyuuh Chishemanituu chechii kweskaatisiyich kaye chechii chischeyihtamiyich taapwewiniyuu.

Hebrews 6:1

Niikaanihch ekw ishi aahchiitaau. Chiskutamaasutaau aniyuuh etituu e ati aayimihkwaauh chekwaayuuh wesh eukunh che wiichihiikuyihkw etituu chechii nihtaauchiihkw chitaapwehtamuwinaahch. Namui tasine chipaa uhchi ihtinaanuu mikw an uskach kaa ishi pehtamuhkw Christ e ishi aayimuumaakanuut chechii chiskutamaakuyihkw, wesh shaash chichischeyihtenaanuu an. Namui nitaweyihtaakun miin chechii chiskutamaakuyihkw ekaa chechii pimaachihaakanuut awen mikw aniyuu e miyutuutahk. Namui kaye nituweyihtaakun miin chechii aayimuutamaakuyihkw chechii taapweyimahkw Chishemanituu,

2 Peter 3:9

Taapaa pwaashtawiyuu Utipeyihchikeu chechii ihtuutahk taan aniyuuh kaa itwet che ihtuutahk. Pwaashtawiyuu iteyimeuch maak kutakach awenichii. Chisiipiiwesiistaakuwaau wesin, ekaa waachi peyakw aweyuu nitaweyimaat chechii wanaatisiyich, wesh misiwe aweyuuh nituweyimeu chechii nakatamiyich umachaatisiiwiniyuu.

Revelation 2:21

Nichii ashuwaapamaau maak chechii kweskaatisiit namui maak uhchi wii nakatam uwiinishuwaatisiiwin.

Revelation 2:5

Chischisikw maa taan kaa ishpish saachihiyekw uskach. Ekun aa maak e ishpish saachihiyekw anuhchiish. Kweskaatisiikw kaye kaau ihtikw taan kaa chii ihtiyekw eshkw naashch e chii saachihiyekw. Wesh ekaa kweskaatisiyekwe nika takushin che utinamaan an chiwaashtenimaakanaahtikuwaau.