Matthew 3:1 - Chishemanituu Utayimuwin: Kaa Uskaach Testament

¹ Ekut maak utah mekwaach John siikahaahtaacheu kaa chii ituhtet anite pakwaatiskamikaahch, anite Judea aschiihch itehche, ekw kaa chihchipayihtaat e kacheskwet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐁᑯᑦ ᒫᒃ ᐅᑕᐦ ᒣᒀᒡ ᒞᓐ ᓰᑲᐦᐋᐦᑖᒉᐤ ᑳ ᒌ ᐃᑐᐦᑌᑦ ᐊᓂᑌ ᐸᒀᑎᔅᑲᒥᑳᐦᒡ, ᐊᓂᑌ ᒎᑎᔭ ᐊᔅᒌᐦᒡ ᐃᑌᐦᒉ, ᐁᒄ ᑳ ᒋᐦᒋᐸᔨᐦᑖᑦ ᐁ ᑲᒉᔅᑴᑦ᙮

Matthew 3:1 Iomraidhean Croise

Matthew 11:11

Chiwiihtamaatinaawaau, tahtu awenichii kaa pimaatisiitwaau namui uste iteyihtaakusuuch taan e iteyihtaakusiyich John siikahaahtaacheu. Yaapach maak an taan maauch nuuhtaash kaa iteyihtaakusit kihchikiishikw chisheuchimaawinihch uste wiya chisteyihtaakusuu ishpishaat Johna.

Matthew 11:7

Iskutak maak kaa chistuhteyich Johna uchischinuhamuwaakaniyuuh, Jesus chii aayimuumeu John anite e mihchetinaanuyich e itwet, “Iskutak kaa nituwaapamekw John anite pakwaatiskamikaahch kaa kacheskwet, awen kaa iteyimekw che waapamekw. Mwehch mashkushii taan e itaashtihch mikw anite e ishiiwech e ishi naweyaashtihch ekun e iteyihtaakusit awen naashch e nihiishaakuuchimaakanuut. Ekun aa kaa iteyimekw John e iteyihtaakusit.

Matthew 16:14

Ekw kaa itikut, “Pasch awenichii aniyaa John siikahaahtaacheu iteyimeuch, ekw kutakach aniyaa Elijah iteyimeuch, ekw kutakach aniyaa Jeremiah ekun e iteyimaatwaau, kutakach miin iteyimeuch kutak uchischiwehiichesuuh e aawiyich.”

Matthew 21:32

Wesh John kaa siikahiitaachet chichii pechi nituwaapamikuwaau e chii wii waapahtiitaakw kuiskutaatisiiwiniyuu, namui maak chuuhchi taapwehtawaawaau. Mikw maak anichii chisheuchimaau kaa aapachihiikuutwaau e maamuushtinamuwaatwaau ushuuliyaamiyuu kaye anichii pisikwaatisiiskweuch chii taapwehtaweuch taan kaa ishi aayimuutamaakutwaau kuiskutaatisiiwiniyuu. Aat iskutak wiyaapamekuch e taapwehtahkwaau uchii, namui yaapach chuuhchi kweskaatisiinaawaau namui yaapach chuuhchi taapwehtenaawaau.”

Matthew 3:8

Nuukuhtaakw taapwe e kweskaatisiyekw, e nakatamekw chimachaatisiiwinawaauh.

Mark 1:15

Chii papaa iteu, “Ekw wetihchipayihch an e chiishikaach e peshunaakuniyich Chishemanituu uchisheuchimaawin. Kweskaatisiikw, nakatamukw chimachihtwaawinawaauh, taapwehtamukw miywaachimuwin.”

Mark 1:2

Chii masinahamukupane aniyaanaa Isaiah kaa ishinihkaasut uchischiwehiichesuu uyuu e chii itweyikupanenh Chishemanituu, Niniikaanitishihwaau nitayimistamaachesiim, che niikaan ihtuutawaat aweyuu aschiihch kaa ihtaayich chechii ayeskuwiishtaaskwaau.

Luke 1:76

Ekw Zechariah kaa itaat aniyuu ukusisa taan kaa ishi nituweyimikut Chishemanituu chechii itwet, “Ekw maak chii nitawaashiim maauch kaa ispeyihtaakusit Chishemanituu uchischiwehiichesiimh chika ishinihkaatikuun. Chika meskanaahkuwaau Utipeyihchikeu e ishi ayeskuwiihkamut anit che pimuhtet.

Luke 7:24

Iskutak maak kaa chistuhteyich aniyuu John kaa itishahwaat Jesus e ihtaayich ekw Jesus kaa aayimuumaat John anite e mihchetinaanuyich e itwet, “Awen kaa iteyimekw che waapamekw iskutak kaa nituwaapamekw John nete pakwaatiskamikaahch. Mwehch mashkushii taan e itaashtihch mikw anite e ishiiwech e ishi naweyaashtihch ekun e iteyihtaakusit awen naashch e nihiishaakuuchimaakanuut. Ekun aa kaa iteyimekw John e iteyihtaakusit.

ᐊᐸᔅᑕᓚᒡ 1:22

Uu maak awen che miiskuchishkuwaat Judas utah uu e peyakuminehiituyihkw chika uhtinaanuu kaye shaash anite e chii uhchi wiicheukuyihkw uskach kaa chihchi papaawiicheukw Jesus. Kaye e chii wiicheukuyihkw iskutak kaa siikahaahtaakut Jesus aniyuu John, piihiim maak Jesus kaa wanishkaanaakauut Jesus nipuwinihch uhchi.” Eukw uyuu kaa itwet Peter.