Matthew 28:9 - Chishemanituu Utayimuwin: Kaa Uskaach Testament

⁹ Sischikuuch maak chii uhchi nachishkaweuch Jesus ekw kaa itikutwaau, “Wii chiyaameyihtamukw.” Ekw kaa uchihchiihkunipayihutwaau e ihtaayich kaa maakunamuwaatwaau usith ekw kaa nuuchiishtuwaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᓯᔅᒋᑰᒡ ᒫᒃ ᒌ ᐅᐦᒋ ᓇᒋᔥᑲᐌᐅᒡ ᒌᓴᔅ ᐁᒄ ᑳ ᐃᑎᑯᑣᐤ, ᐐ ᒋᔮᒣᔨᐦᑕᒧᒄ᙮ ᐁᒄ ᑳ ᐅᒋᐦᒌᐦᑯᓂᐸᔨᐦᐅᑣᐤ ᐁ ᐃᐦᑖᔨᒡ ᑳ ᒫᑯᓇᒧᐙᑣᐤ ᐅᓯᑦᐦ ᐁᒄ ᑳ ᓅᒌᔥᑐᐙᑣᐤ᙮

Matthew 28:9 Iomraidhean Croise

Matthew 14:33

Anichii maak chischinuhamuwaakanich anite utihch kaa ihtaatwaau chii nuuchiishtuweuch Jesus e itaatwaau, “Taapwe Chishemanituu Ukusisa chiya.”

Matthew 23:7

Nituweyihtamuch yaaitei muush chechii waautinischenaakanuutwaau anite e mihchetinaanuyich kaye nitaweyimeuch aweyuu ‘Chischinuhamaachesuu’ chechii ishinihkaatikutwaau.

Matthew 28:10

Ekw Jesus kaa itaat, “Ekaawii kushtaachikw, nituu itaahkuch niichishaanich Galileehch chechii ituhtetwaau, ekute anite che waapamitwaau.”

Matthew 28:17

Iskutak maak wiyaapamaatwaau, chii nuuchiishtuweuch aat pasch anit e tashitwaau e chii aanuwehtahkwaau.

Matthew 28:8

Anichii maak iskweuch chii wiiwiipahiituuch anit chiipaikamikuhch uhchi e sechisitwaau nesht kaye e muuchicheyihtahkwaau, kaa nituu wiihtamuwaatwaau aniyuu chischinuhamuwaakanh.

Luke 1:28

Chii nituwaapamikuu maak Mary aniyuu enchil ekw kaa itikut, “Chiyaameyihta, wesh Utipeyihchikeu chiwiicheukw. Chishemanituu mistahii chiwii shaweyimukw.”

Luke 24:52

Ekw anichii chischinuhamuwaakanich chii nuuchiishtuweuch Utipeyihchikeu ekw kaau kaa chiiwetwaau Jerusalemihch naashch e miyeyihtahkwaau.

Luke 7:38

Mekwaach maak Jesus e uhpimeshihk anit e miichisutwaau, an iskweu chii niipuu anite itehche Jesus usitiihch, e maatut. Aniyuu maak e uhchikuwaapit chii nipiyuuhtaaweu Jesus usith. Ekw kaa uchihchiihkunapit ustikwaaniyaapii e aapachihtaat e paahkusitenaat. Kaye maak e uchehtamuwaat kaye e tuuminamuwaat aniyuu e wiihchimaakusiyich tuuminikaniyuu.

John 12:3

Mary chii uhchi utinam puutaayuu, e piihchishtiniyich anit kaa wiihchimaakusiyich tuuminikaniyuu naashch e shuuliyaaniyich. Kaa kutapinamuwaat anite Jesus usitiihch, ekw kaa paahkusitenaat ustikwaaniyaapii e aapachihtaat. Misiwe maak anite piihtakamihch aniyuu waaskaahiikaniyuu chii miyaakuniyuu aniyuu kaa wiihchimaakusiyich.

John 20:19

Aniyuu maak e ati utaakushiyich aniyuu e chiishikaayich chii nishtawiyuuch anichii chischinuhamuwaakanich. Chii aataapishkahuusuuch mekwaach aniyuu e nistuuwiitwaau wesh chii kushteuch aniyuu Jewa uchimaau. Sischikuuch maak chii uhchi waapameuch Jesus e niipuyich anit e ihtaatwaau. Chii itikuuch maak, “Chiyaameyihtamukw.”

John 20:28

Ekw Thomas kaa nishkweushihaat e itaat, “Nitipeyihchikem kaye Nichishemanituum.”

2 Corinthians 13:11

Ekw maak niichishaanitikw, waachiye chititinaawaau. Suuhk kuchihtaakw nihaau chechii iteyihtaakusiyekw e ishi nituweyimitaakw Chishemanituu chechii iteyihtaakusuwekw. Yaakwaau nituhtamukw taan e ishi siihchimitakuch. Suuhk peyakunihch wii ishi pimaatisiikw. Suuhk miyu wiicheutukw. Chishemanituu an kaa saachihiiwet kaye kaa ayaat chiyaameyihtamuwiniyuu chika wiicheukuwaau.

Revelation 3:9

Nika ihtuutawaauch chechii uchihchiihkunapayihutwaau e chisteyimitaakuch anichii machimanituuh e ihtaayich kaa ishi wiichihiiwetwaau, anichii kaa nanataitwaau e itwetwaau, Jewa iinuuch niyaan, Chishemanituu utiiniim. Chika chischeyihtamuch maak e saachihiitakuch.