Matthew 28:8 - Chishemanituu Utayimuwin: Kaa Uskaach Testament

⁸ Anichii maak iskweuch chii wiiwiipahiituuch anit chiipaikamikuhch uhchi e sechisitwaau nesht kaye e muuchicheyihtahkwaau, kaa nituu wiihtamuwaatwaau aniyuu chischinuhamuwaakanh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐊᓂᒌ ᒫᒃ ᐃᔅᑴᐅᒡ ᒌ ᐐᐐᐸᐦᐄᑑᒡ ᐊᓂᑦ ᒌᐸᐃᑲᒥᑯᐦᒡ ᐅᐦᒋ ᐁ ᓭᒋᓯᑣᐤ ᓀᔥᑦ ᑲᔦ ᐁ ᒨᒋᒉᔨᐦᑕᐦᒀᐤ, ᑳ ᓂᑑ ᐐᐦᑕᒧᐙᑣᐤ ᐊᓂᔫ ᒋᔅᒋᓄᐦᐊᒧᐙᑲᓐᐦ᙮

Matthew 28:8 Iomraidhean Croise

Matthew 28:7

Wii chishipayikw maak nituu wiihtamuumaahkw uchischinuhamuwaakanh, e chii wanishkaat nipuwinihch uhchi, anuhchiish maak niikaan ituhteu Galileehch ekute anite che waapamekw. Wii chischisikw maak uu kaa ititakuch.”

Matthew 28:9

Sischikuuch maak chii uhchi nachishkaweuch Jesus ekw kaa itikutwaau, “Wii chiyaameyihtamukw.” Ekw kaa uchihchiihkunipayihutwaau e ihtaayich kaa maakunamuwaatwaau usith ekw kaa nuuchiishtuwaatwaau.

Mark 16:8

Ekw kaa wiiwiipahiitutwaau anichii iskweuch aniyuu kaa waatakwaapiskahiikanuyich e nanamipayitwaau kaye e sechisitwaau. Namui aweyuu uhchi ayimiheuch kaa ishpish chii kushtaachitwaau.

John 16:20

Kuiskw e wiihtamaatakuch chika maatunaawaau kaye chika nanehkateumunaawaau. Ekw uchii utah aschiihch kaa ihtaatwaau ekaa kaa nanaakatuweyimaatwaau Chishemanituuh upimaatisiiwiniwaahch chika sichiyesuuch. Chika misimeyihtenaawaau chiyawaau. Mikw maak an e misimeyihtamekw chika kweschipayuu teyakuch chechii muuchicheyihtamekw.

John 16:22

Ekun maak mwehch kaye chiyawaau, anuhchiish chimisimeyihtenaawaau. Mikw maak iskutak miin waapamitakuche naashch taapwe chika miyeyihtenaawaau. Namui maak awen chika uhchii ihtuutaakuwaau chechii miskamitaakw chimuuchicheyihtamuwinawaayuu.”