Matthew 28:7 - Chishemanituu Utayimuwin: Kaa Uskaach Testament

⁷ Wii chishipayikw maak nituu wiihtamuumaahkw uchischinuhamuwaakanh, e chii wanishkaat nipuwinihch uhchi, anuhchiish maak niikaan ituhteu Galileehch ekute anite che waapamekw. Wii chischisikw maak uu kaa ititakuch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐐ ᒋᔑᐸᔨᒄ ᒫᒃ ᓂᑑ ᐐᐦᑕᒨᒫᐦᒄ ᐅᒋᔅᒋᓄᐦᐊᒧᐙᑲᓐᐦ, ᐁ ᒌ ᐗᓂᔥᑳᑦ ᓂᐳᐎᓂᐦᒡ ᐅᐦᒋ, ᐊᓄᐦᒌᔥ ᒫᒃ ᓃᑳᓐ ᐃᑐᐦᑌᐤ ᑲᓕᓖᐦᒡ ᐁᑯᑌ ᐊᓂᑌ ᒉ ᐙᐸᒣᒄ᙮ ᐐ ᒋᔅᒋᓯᒄ ᒫᒃ ᐆ ᑳ ᐃᑎᑕᑯᒡ᙮

Matthew 28:7 Iomraidhean Croise

Matthew 24:25

Nituhtuukw maak, wesh shaash niyaakan chiwiihtamaatinaawaau che ispayihkwaau uyuu chekwaayuu.”

Matthew 26:32

Ekw Jesus miin kaa ati itaat, “Iskutak maak chii wanishkaanikuyaane nipuwinihch uhchi anite Galileehch nika ituhten. ekute anite che ashuwaapamitakuch.”

Matthew 28:10

Ekw Jesus kaa itaat, “Ekaawii kushtaachikw, nituu itaahkuch niichishaanich Galileehch chechii ituhtetwaau, ekute anite che waapamitwaau.”

Matthew 28:8

Anichii maak iskweuch chii wiiwiipahiituuch anit chiipaikamikuhch uhchi e sechisitwaau nesht kaye e muuchicheyihtahkwaau, kaa nituu wiihtamuwaatwaau aniyuu chischinuhamuwaakanh.

Mark 14:28

Iskutak maak chii wanishkaanikuyaane nipuwinihch uhchi anite Galileehch nika ituhten. Ekute anite che ashuwaapamitakuch.”

Mark 16:10

Mary Magdalene maak chii nituu wiihtamuweu aniyuu aweyuu kaa chii waawiichewaayich Jesus. Chii maamaateumuyuu kaye chii kushikuteheyuu kaa utihtaat.

Mark 16:13

Iskutak kaa chiiwetwaau ekw kaa wiihtamuwaatwaau aniyuu kutak chischinuhamuwaakanh mikw maak namui uhchi wii taapwehtaakuuch.

Luke 24:34

Ekw kaa itikutwaau, “Taapwe wesin chii wanishkaau Utipeyihchikeu, wesh chii nuukushiishtaakuu Simon.”

John 14:29

Misiwe chiwiihtamaatinaawaau uu eshkw ekaa ispayihch, ekw maak iskutak ispayihche che taapwehtamekw.

John 16:4

Mikw maak chiwii wiihtamaatinaawaau uu chechii chischisiyekw taan kaa ishi aayimuumakwaau iskutak utihchipayiyiche uyuuh chekwaayuuh chechii ihtuutaataakuch. Namui kuuhchi wiihtamaatinaawaau uyuu uskach anite kaa pechi chiskutamaatakuch wesh ekut kaa ihtaayaan anit e ihtaayekw.”

1 Corinthians 15:4

Wiihtamaachemakan uu miywaachimuwin e chii chiskashtaakanuyich Christ wiiyuu. Iskutak maak kaa nishtuchiishikaayich ekw kaa wanishkaanaakanuut kaau chechii pimaatisiit. Eukw uu e ishi aayimuutech Chishemanituu utayimuwinihch.

1 Corinthians 15:6

Chek maamuu kaa nuukushiishtawaat uste niyaayinwaau mitaahtumitanuu e tashiyich aniyuuh kaa taapweyimikut. Eshkw mihchetu pimaatisiyuuh uyuuh kaa nuukushiishtawaat. Pasch shaash chii puunipimaatisiyuuh.