Matthew 28:6 - Chishemanituu Utayimuwin: Kaa Uskaach Testament

⁶ Namui ihtaau utah, wesh chii wanishkaau muyaam taan kaa itwet che ihtit. Aashtamukw pechi kanawaapahtamuwaahkw anit kaa pimishimaakanuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᓇᒧᐃ ᐃᐦᑖᐤ ᐅᑕᐦ, ᐌᔥ ᒌ ᐗᓂᔥᑳᐤ ᒧᔮᒻ ᑖᓐ ᑳ ᐃᑗᑦ ᒉ ᐃᐦᑎᑦ᙮ ᐋᔥᑕᒧᒄ ᐯᒋ ᑲᓇᐙᐸᐦᑕᒧᐙᐦᒄ ᐊᓂᑦ ᑳ ᐱᒥᔑᒫᑲᓅᑦ᙮

Matthew 28:6 Iomraidhean Croise

Matthew 12:40

Mwehch Jonah kaa ishpish ihtaat anite mista namesa wataayihch nishtu chiishikaauh kaye nishtu tipiskaau, ekun kaye Iinuu Ukusisa che ishpish chiskahaakanuut anite ishi aschiihch.

Matthew 16:21

Iskutak maak uyuu kaa ishi ayimihaat aniyuu uchischinuhamuwaakanh Jesus ekw kaa chihchi wiihtamuwaat e piyekastaakusit e itaat, “Nika ituhten anite Jerusalemihch, ekute maak anite che mistawaawiisacheyihtamihiitwaau anichii kaa niikaanishkuwaatwaau aniyuuh iinuuh, kaye anichii niikaanayimiheuchimaauch, kaye maak anichii kaa chiskutamaachetwaau wiishuwewiniyuu. Ekw maak che nipahiikuyaan, nishtu chiishikaau maak miin nika pimaatisiin.”

Matthew 17:23

Chika nipahaakanuu, mikw maak nishtu chiishikaau ishpish ekw che wanishkaat nipuwinihch uhchi.” Naashch maak chii macheyihtamuch anichii chischinuhamuwaakanich iskutak piyehtawaatwaau aniyuu e itweyich.

Matthew 17:9

Mekwaach maak e pinisuwetwaau aniyuu wachiyuu, Jesus chii itikuuch yaaitei ekaa che wiihtamuwaatwaau aweyuu uyuu waapahtiiwewiniyuu kaa waapahtahkwaau paatish chii wanishkaanaakanuyichen Iinuu Ukusisa nipuwinihch uhchi.

Matthew 20:19

Ekw maak miin anite aniyuu ekaa Jewa kaa itiskaanesiyich e ihtaayich che ituhtahaatwaau chechii maayeyimaakanuyich kaye chechii pishishtehwaakanuyich kaye chechii chiistaaskuhwaakanuyich. Mikw maak chii nishtu chiishikaayiche kaau chika wanishkaau.”

Matthew 27:63

Ekw kaa itaatwaau, “Uchimaau, nichischisinaan eshkw e chii pimaatisiit an kaa nanatayit e chii itwet, ‘Nishtu chiishikaauh ishpish ekw che wanishkaanikuuyaan nipuwinihch uhchi.’

Mark 16:6

Chii itikuuch maak, “Ekaawii sechisikw. Jesus Nazareth kaa uhchiit chipechi naanituweyimaawaau, an kaa chiistaaskuhwaakanuut aashiteyaahtikuhch. Chii wanishkaau wesin, namui ihtaau utah. Kanawaapahtamuwaahkw maa anit kaa pimishimaakanuut.

Mark 8:31

Ekw Jesus kaa chihchi chischinuhamuwaat uchischinuhamuwaakanh e itaat, “Nituweyihtaakuniyuu Iinuu Ukusisa chechii mista wiisacheyihtamihaakanuyich kaye namui chika uhchi aapateyimikuu aniyuu Jewa iinuuh kaa niikaanishkuwaayich kaye aniyuuh kaa niikaanapiyich ayimiheuchimaauh kaye aniyuuh wiishuwewiniyuu kaa chischinuhamaacheyitwaauh. Kata nipahaakanuu, mikw maak iskutak nishtu chiishikaau utihchipayihche kata wanishkaau nipuwinihch uhchi.”

Luke 24:12

Peter maak chii ispahtaau anite kaa waatikwaapiskahiikanuyich ekw kaa nuwekaapuut chechii piihteyaapahtahk. Mikw maak aniyuuh machunisha kaa piskweyetinaakanuyich chii waapahtam. E ati chiiwet maak chii maamituneyihtamihiikuu taan kaa ispayiyich.

Luke 24:23

Namui maak uhchi miskamuweuch wiiyuuyuu. Kaa takushinitwaau chii itweuch e chii nuukushiishtaakutwaau enchil e itikutwaau, ‘Pimaatisiiu wesin.’

Luke 24:44

Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

John 10:17

“Eukw uyuu wehchi naashch saachihiit Uhtaawiimaau mitun e pachishteyimisuuch chechii nipahiikuuch chechii uhchi miin pimaatisiyuuch.

John 2:19

Ekw Jesus kaa ishi nishkuushihaat, “Wanaachihtaakw uu Chisheayimiheukamikw, nishtu chiishikaauh maak ishpish miin kutach nika wiikaapuuhtaan.”

ᐊᐸᔅᑕᓚᒡ 2:24

Mikw maak Chishemanituu chii wanishkaaneu nipuwinihch uhchi. Chii wiihkuchiheu nipuwin wiisacheyihtamuwinihch uhchi wesh namui uhchii mamechiminikuu nipuwiniyuu Jesus.