Matthew 28:2 - Chishemanituu Utayimuwin: Kaa Uskaach Testament

² Sischikuuch maak chii mista kuihkun, ekw Utipeyihchikeu utenchilam kaa pechi aasiich kihchikiishikuhch uhchi, kaa iiche tihtipinaayich aniyuu asinii anit ishkwaahtemihch uhchi kaa ati tehtapiyich anit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᓯᔅᒋᑰᒡ ᒫᒃ ᒌ ᒥᔅᑕ ᑯᐃᐦᑯᓐ, ᐁᒄ ᐅᑎᐯᔨᐦᒋᑫᐤ ᐅᑌᓐᒋᓚᒻ ᑳ ᐯᒋ ᐋᓰᒡ ᑭᐦᒋᑮᔑᑯᐦᒡ ᐅᐦᒋ, ᑳ ᐄᒉ ᑎᐦᑎᐱᓈᔨᒡ ᐊᓂᔫ ᐊᓯᓃ ᐊᓂᑦ ᐃᔥᒀᐦᑌᒥᐦᒡ ᐅᐦᒋ ᑳ ᐊᑎ ᑌᐦᑕᐱᔨᒡ ᐊᓂᑦ᙮

Matthew 28:2 Iomraidhean Croise

Matthew 27:60

Anite maak e chii waatakwaapiskahamukupane ekaa weskach uhchi ushihtaakupane ekute kaa piihtahahk. Wiya maak chipaa chiskahaakanuu anit iskutak puunipimaatisiite. Ekw e mihchaapischisiyich asiniih kaa tihtipinaat anite e ishkwaahtemuuniyich aniyuu chiipaikamikuyuu kaa chipishimaat. Ekw kaa chistuhtet.

Matthew 27:66

Ekw maak kaa chistuhtetwaau. Chii nituu chiishaawaachiheuch aniyuuh asiniih kaa chipishimaakanuyich anit chiipaikamikuhch ekaa aweyuuh chechii pischeyimaayich. Ekw kaa itaatwaau shimaakanisha chechii naanaakachihtaayich aniyuu chiipaikamikuyuu.

John 20:1

An kaa chisheayimiheuchiishikaach wiipach maak miin e ati waapahch, eshkw e ukaach anite chiipaikamikuhch chii ituhteu Mary Magdalene kaa waapamaat aniyuu asiniih e chii iichehtahaakanuyikupanen anit e uhchi piihchaanuyich.

ᐊᐸᔅᑕᓚᒡ 16:26

Chek sischikuuch naashch chii suuhcheyihtaakun e kuikuhch, ekw an chipahutuukamikw naashch chii aayaahchipayuu. Misiwe chishtuhkanich chii aapahiipayuuch, ekw anichii kaa memechimaapiskahwaakanuutwaau chii manapayuuh aniyuuh piywaapiskuyaapiih kaa chichishkahkwaau.

ᐊᐸᔅᑕᓚᒡ 5:19

Mikw maak aniyuu e ati tipiskaayich, Utipeyihchikeu utenchilam chii aapuhweyuu chishtuhkan anit chipahutuukamikuhch, ekw kaa wiiwiihtahaat aniyuu apastalh kaa itaat,

1 Timothy 3:16

Nuwach kiipaa chisteyihtaakun an taan e ishi miskaateyihtaakuch chitaapwehtamuwinuu. Chishemanituu wiyaasuwinihch e chii ishi nuukuhiisut. Chii cheshtinaateyihtaakuhiikuu Kaa payehchisiyich Ahchaahkwa taapwe Chishemanituu e chii pechi itishahukut. Chii waapamikuu enchil. Chii aayimuumaakanuu e kacheskwaanuyich anite nanaahkuu e itiskaanesinaanuyich. Chii taapweyimikuu aweyuuh utah aschiihch. Ekw maak kihchikiishikuhch kaa ishi uhpiskaat chechii chisteyihtaakuhaakanuut.

1 Peter 1:12

Chii chischeyihtamihaakanuuch maak aniyehkaanaanich uchischiwehiichesuuch ekaa wiyawaau mekwaach e pimaatisiitwaau che ispayiyich uyuu. Chiyawaau chechii chischeyihtamuwekw eukw wehchii aayimuutahkwaau aniyuuh chekwaayuuh anuhchiish taan e ishi waawiihtamaataakuch anichii kaa waawiihtahkwaau miywaachimuwiniyuu. Kaa payehchisiit Ahchaahkw an kaa pechi itishahwaakanuut kihchikiishikuhch uhchi eukun an kaa miyaat chechii waawiihtamiyich uyuu miywaachimuwiniyuu. Eukw uyuuh chekwaayuu waawaach enchilich wii chischeyihtamuch.

Revelation 11:19

Ekw Chishemanituu uchisheayimiheukamikw kihchikiishikuhch kaa ihtakuniyich kaa aapahiikanuyich. Anite maak piihtakamihch chii nuukun an kaa payehchisiimakahch mistikuwat anite kaa tataakanuyich aniyuu niskumuwiniyuu Chishemanituu kaa ushihtamuwaat utiiniimh. Ekw kaa waaswaastepayihch kaye nimischuuch chii pehtaakusuuch. Kaye maak chii kuihkun kaye chii mista miskuumitaan.