Matthew 28:18 - Chishemanituu Utayimuwin: Kaa Uskaach Testament

¹⁸ Ekw kaa naatikutwaau Jesus kaa itikutwaau, “Nichii miikuun niya tekash chechii uchimaahkahtamaan kihchikiishikw nesht aschii.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᐁᒄ ᑳ ᓈᑎᑯᑣᐤ ᒌᓴᔅ ᑳ ᐃᑎᑯᑣᐤ, ᓂᒌ ᒦᑰᓐ ᓂᔭ ᑌᑲᔥ ᒉᒌ ᐅᒋᒫᐦᑲᐦᑕᒫᓐ ᑭᐦᒋᑮᔑᒄ ᓀᔥᑦ ᐊᔅᒌ᙮

Matthew 28:18 Iomraidhean Croise

Matthew 11:27

Ekw Jesus iskutak kaa chiish ayimihaat chii iteu, “Nuuhtaawii misiwe chekwaayuu nichii miikw chechii nanaakatuweyihtamuch. Wesh namui awen chischeyimeu aweyuu aniyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau chischeyimeu, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

Matthew 16:28

Chiwiihtamaatinaawaau, taapwe e ihtaatwaau utah awenichii eshkw che pimaatisiitwaau iskutak utihchipayihche che takushiniyich Iinuu Ukusisa che pechi chisheuchimaawiyich.”

Matthew 26:64

Jesus chii iteu, “Ekun e itweyin. Mikw maak chiwiihtamaatinaawaau chika waapamaawaau Iinuu Ukusisa e apit anite Kaa Suuhkaatisiyich unihiiwiniihch itehche e ihtaayich. Kaye chika waapamaawaau pechi takushinite kihchikiishikw kaskawanishkuhch e uhchi nuukusit.”

Luke 10:22

Ekw Jesus iskutak kaa chiishi ayimihaat kaa itaat aniyuu anit kaa ihtaayitwaauh, “Nuuhtaawii misiwe chekwaayuu nichii miikw chechii naanaakatuweyihtamaan. Wesh namui awen chischeyimeu aweyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

John 13:3

Jesus chii chischeyihtam Uhtaawiimaau e chii miikut suuhkaatisiiwiniyuu misiwe chekwaayuu chechii ihtuutahk, kaye chii chischeyihtam Chishemanituu e ihtaayich e uhchiit kaye miin kaau anite Chishemanituu e ihtaayich che ituhtet.

John 17:2

Wesh chichii miyaau tipeyihchichewiniyuu misiwe aweyuu chechii tipeyimaat. Ekw maak kaachiche pimaatisiiwiniyuu chechii miyaat misiwe aniyuuh aweyuuh kaa miyat.

John 3:31

Wesh an ishpimihch kaa uhtuhtet eukw an maauch e ispeyihtaakusit. An aschiihch kaa uhchiit, aschiihch ishi pimaatisiyuu, kaye aschiiyuu aayimuutam. An awen kihchikiishikuhch kaa uhchiit wiya maauch ispeyihtaakusuu.

John 3:35

Uhtaawiimaau saachiheu Ukusisimaau. Chii miyeu misiwe chekwaayuu chechii wiishuwaatamiyich.

ᐊᐸᔅᑕᓚᒡ 10:36

Chichischeyihtenaawaau Chishemanituu e chii ihtakuniyich taan kaa ishi ayimihaat Israel iinuuh, e chii wiihtamuwaat miywaachimuwiniyuu anit chechii uhchi ayaayich chiyaameyihtamuwiniyuu Jesus e ihtaayich uhchi. Wesh wiya Jesus misiwe ayaau tipeyihchichewiniyuu.

ᐊᐸᔅᑕᓚᒡ 2:36

Kaa ati itwet miin Peter, “Misiwe chiyawaau iinuuch utah Israelihch chika cheshtinaahunaawaau uu Jesus kaa chiistaaskuhwekw aashiteyaahtikuhch eukw uyuu Chishemanituu kaa wiyaapamaat chechii utipeyihchichewiyich kaye Christ chechii itapiyich.”

Romans 14:9

Wesh Christ chii nipuu kaye kaau chii pimaatisiyuu chechii utipeyihchikemitutaakut taapishkun aniyuu kaa pimaatisiyich kaye aniyuuh shaash kaa nipiyich.

1 Corinthians 15:27

Wesh itashteu Chishemanituu utayimuwinihch, “Chishemanituu misiwe chekwaayuu chii miyeu chechii tipeyihtamiyich.” Uu maak kaa itashtech misiwe chekwaayuu chii miyaakanuu wiya chechii tipeyihtahk nisituhtaakun ekaa asitichimaakanuut Chishemanituu anit aniyuu kaa itashteyich. Wesh Chishemanituu Christ miyeu misiwe chekwaayuu chechii tipeyihtamiyich.

Colossians 2:10

Chiyawaau maak chichii ihtuutaakunaawaau chechii mitunesiyekw Christ e wiichewekw. Wiya Christ misiwe tipeyihchewiniyuu kaye e niikaaneyihtaakuniyich suuhcheyihtaakusuwiniyuu utah aschiihch kaye chiishikuhch tipeyihtam.

Hebrews 1:2

Anuhchiish maak, uyuuh maahchishtai e chiishikaakwaauh Ukusisa uhchi ekut wehchi ayimihiitahkw. Eukw uyuu Ukusisa Chishemanituu kaa aapachihaat misiwe chekwaayuu kaa ushihtaat kaye eukw uyuu kaa wiyaapamaat misiwe chekwaayuu che aashuumiyaat.

Hebrews 2:8

Chichii miyaau chechii uchimaahkahtahk misiwe chekwaayuu. Euk uu e itashtech Chishemanituu utayimuwinihch. Chichii wiihtamaakunuu maak Chishemanituu utayimuwinihch misiwe chekwaayuu e chii miitahkw chechii uchimaahkahtamuhkw. Namui ihtakun chekwaan ekaa chechii uchimaahkahtamuhkw. Anuhchiish maak eshkw namui chiwaapahtenaanuu misiwe chekwaan chechii uchimaahkahtamuhkw chiyaanuu kaa iiniiwiihkw utah aschiihch.

1 Peter 3:22

Eukw uu Christ kihchikiishikuhch kaa ishi uhpiskaat kaye kaa waaweyipahiikut Chishemanituu unihiiwiniihch itehche anit maauch e chisteyihtaakuniyich chechii apit awen. Ekut maak kaa miyaakanuut chechii uchimaahkahtuwaat misiwe enchil kaye chechii tipeyihtahk misiwe kihchikiishikw tipeyihchewiniyuu kaye misiwe suuhkaatisiiwiniyuu.

Revelation 11:15

Ekw miin kutak enchil kaa puutaatahk upuutaachikan. Eukw uu niishwaashch kaa ihtaat enchil. Nichii pehtawaauch maak awenichii e chishewetwaau, anite kihchikiishikuhch e ayimitwaau e itwetwaau, “Ekw wetinamaasut Chitipeyihchikeminuu kaye aniyuuh kaa pechi itishahwaat chechii uchimaautwaau utah aschiihch. Wiya maak Utipeyihchikeu chika uchimaau kaachiche kaye kaachiche.”

Revelation 17:14

Uchii maak mitaahtu chisheuchimaauch ekw maak an machi awesiis chika nitupayihkahtaweuch aniyuuh Maanishchaanisha. Mikw maak chika tepahiikuuch aniyuuh Maanishchaanisha ekw maak aniyuuh kaa nuushuushkaakuyich. Wesh wiya an Maanishchaanish mwaauch chisteyihtaakusuu e tashiyich misiwe Utipeyihchikeuh kaye wiya mwaauch suuhcheyihtaakusuu e tashiyich misiwe chisheuchimaauh. Aniyuuh maak kaa nuushuushkaakut eukunh wiya wechiihch kaa tepwaataat kaye kaa wiyaapamaat chechii utiiniimit kaye eukunh aniyuuh kuiskw kaa ihtiyich e nuushuushkaakut.”

Revelation 19:16

Utakuhpihch ekw maak upwaamihch masinaateyuu ishinihkaasuwiniyuu. Itashteyuu “Mwaauch e chisteyihtaakusit e tashiyich misiwe Utipeyihchikeuh kaye wiya maauch suuhcheyihtaakusuu e tashiyich misiwe chisheuchimaauh.”