Matthew 28:15 - Chishemanituu Utayimuwin: Kaa Uskaach Testament

¹⁵ Ekw anichii shimaakanishach kaa utinahkwaau aniyuu shuuliyaayuu, ekun maak kaa ihtitwaau aniyuu kaa itashumaakanuutwaau. Uu maak tipaachimuwin ekun kaa ishi tipaachimushtuwaakanuutwaau Jewa iinuuch uu mekwaach kaye anuhchiish kaa chiishikaach eshkw ekun e itaakanuutwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐁᒄ ᐊᓂᒌ ᔑᒫᑲᓂᔕᒡ ᑳ ᐅᑎᓇᐦᒀᐤ ᐊᓂᔫ ᔔᓕᔮᔫ, ᐁᑯᓐ ᒫᒃ ᑳ ᐃᐦᑎᑣᐤ ᐊᓂᔫ ᑳ ᐃᑕᔓᒫᑲᓅᑣᐤ᙮ ᐆ ᒫᒃ ᑎᐹᒋᒧᐎᓐ ᐁᑯᓐ ᑳ ᐃᔑ ᑎᐹᒋᒧᔥᑐᐙᑲᓅᑣᐤ ᒎᐗ ᐄᓅᒡ ᐆ ᒣᒀᒡ ᑲᔦ ᐊᓄᐦᒌᔥ ᑳ ᒌᔑᑳᒡ ᐁᔥᒄ ᐁᑯᓐ ᐁ ᐃᑖᑲᓅᑣᐤ᙮

Matthew 28:15 Iomraidhean Croise

Matthew 26:15

Ekw kaa itaat, “Chekwaan che miyekw wiichihiitakuche chechii maakunekw Jesus.” Nishtumitanuu maak shuuliyaawaapiskwa chii waapahtiikuu ekw kaa itikut, maau shuuliyaau che miitaahch.

Matthew 27:8

Eukw maak wehchii ati ishinihkaatech an aschii, “Mihkw aschii.” Ekun maak eshkw e ishinihkaatech an aschii anuhchiish.

Matthew 9:31

Namui maak uhchi pishichiheuch, yaapach chii katipaachimeuch Jesus misiwe anite e ati ituhtetwaau.

Mark 1:45

Kaa chistuhtet uu naapeu. Mikw maak yaapach chii waawiihtamuweu misiwe aweyuu. Uyuu maak e chii ihtit namui mechim uhchii piihcheyuu Jesus ihtaawinihch ekaa muushihaakanuyich. Ekw anite wiiwiitamihch aniyuu ihtaawiniyuu ekute mikw kaa ihtaat Jesus anite ekaa ihtaanuyich. Yaapach maak chii pechi nituwaapamikuu aweyuu nanaahkuu e uhtuhteyitwaau.

1 Timothy 6:10

Wesh shuuliyaau e saachihtaakanuuhch ekut wehchipayihch nanaahkuu machihtwaawin. Waawaach ekut kaa uhchi puuniitwaau kutakach e taapwehtahkwaau kaye maak ekut naashch wehchi mamishimeyihtamihiisutwaau kutakach.