Matthew 28:12 - Chishemanituu Utayimuwin: Kaa Uskaach Testament

¹² Ekw anichii kaa niikaanishkuwaatwaau ayimiheuchimaau kaye anichii kaa niikaanishkuwaatwaau iinuu kaa nishtuwiitwaau ekw kaa wiyeyihtahkwaau taan che ihtitwaau. Chii mista miyeuch maak shuuliyaayuu aniyuu shimaakanisha.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐁᒄ ᐊᓂᒌ ᑳ ᓃᑳᓂᔥᑯᐙᑣᐤ ᐊᔨᒥᐦᐁᐅᒋᒫᐤ ᑲᔦ ᐊᓂᒌ ᑳ ᓃᑳᓂᔥᑯᐙᑣᐤ ᐄᓅ ᑳ ᓂᔥᑐᐐᑣᐤ ᐁᒄ ᑳ ᐎᔦᔨᐦᑕᐦᒀᐤ ᑖᓐ ᒉ ᐃᐦᑎᑣᐤ᙮ ᒌ ᒥᔅᑕ ᒥᔦᐅᒡ ᒫᒃ ᔔᓕᔮᔫ ᐊᓂᔫ ᔑᒫᑲᓂᔕ᙮

Matthew 28:12 Iomraidhean Croise

Matthew 12:14

Ekw kaa chistuhtetwaau anichii Phariseech, kaa ayimitutahkwaau taan chipaa chii ihtuuch chechii nipahaatwaau Jesus.

Matthew 28:11

Mekwaach maak anichii iskweuch e ishpishiitwaau e wii nituu wiihtamuwaatwaau aniyuu chischinuhamuwaakanh, pasch anichii shimaakanishach kaa naanaakachihtaatwaau aniyuu chiipaikamikuyuu chii ituhteuch anite ihtaawinihch, kaa nituu wiihtamuwaatwaau aniyuu kaa niikaanishkuwaayich ayimiheuchimaauh misiwe taan kaa ishi waapatahkwaau e ispayiyich.

Matthew 28:13

Ekw anichii kaa niikaanishkuwaatwaau ayimiheuchimaau kaa itaatwaau aniyuu shimaakanisha, “Che itekuch awenichii, Tepiskaach mekwaach kaa nipaayaahch uchischinuhamuwaakanh chiimuut chii pechi nituwaahtamuweuch aniyuu wiiyuuyuu, ekw kaa chistuhtataayich.

John 11:47

Ekw anichii Phariseech kaye kaa niikaanapitwaau ayimiheuchimaauch chii nishtuuneuch kaa uchimaawiitwaau kaa niikaanishkuwaayich iinuu e itaatwaau, “Taan che ihtiihkw. Naashch mihchetu maamishkaach chekwaayuu e ishi ihtuutahk uu naapeu.

ᐊᐸᔅᑕᓚᒡ 5:40

Anichii maak naapeuch kaa nishtuwiitwaau chii pishichiheuch aniyuu Gamaliel uyuu kaa itweyich. Ekw kaa wiishaamaatwaau aniyuu apastalh, ekw kaa itwetwaau chechii papasistehwaakanuyich, kaye chii itashumeuch ekaa miin wiiskaat chechii waawiihtahkwaau Jesus utishinihkaasuwiniyuu, ekw kaa pachishtinaatwaau.