Matthew 27:66 - Chishemanituu Utayimuwin: Kaa Uskaach Testament

⁶⁶ Ekw maak kaa chistuhtetwaau. Chii nituu chiishaawaachiheuch aniyuuh asiniih kaa chipishimaakanuyich anit chiipaikamikuhch ekaa aweyuuh chechii pischeyimaayich. Ekw kaa itaatwaau shimaakanisha chechii naanaakachihtaayich aniyuu chiipaikamikuyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶⁶ ᐁᒄ ᒫᒃ ᑳ ᒋᔅᑐᐦᑌᑣᐤ᙮ ᒌ ᓂᑑ ᒌᔖᐙᒋᐦᐁᐅᒡ ᐊᓂᔫᐦ ᐊᓯᓃᐦ ᑳ ᒋᐱᔑᒫᑲᓄᔨᒡ ᐊᓂᑦ ᒌᐸᐃᑲᒥᑯᐦᒡ ᐁᑳ ᐊᐌᔫᐦ ᒉᒌ ᐱᔅᒉᔨᒫᔨᒡ᙮ ᐁᒄ ᑳ ᐃᑖᑣᐤ ᔑᒫᑲᓂᔕ ᒉᒌ ᓈᓈᑲᒋᐦᑖᔨᒡ ᐊᓂᔫ ᒌᐸᐃᑲᒥᑯᔫ᙮

Matthew 27:66 Iomraidhean Croise

Matthew 27:60

Anite maak e chii waatakwaapiskahamukupane ekaa weskach uhchi ushihtaakupane ekute kaa piihtahahk. Wiya maak chipaa chiskahaakanuu anit iskutak puunipimaatisiite. Ekw e mihchaapischisiyich asiniih kaa tihtipinaat anite e ishkwaahtemuuniyich aniyuu chiipaikamikuyuu kaa chipishimaat. Ekw kaa chistuhtet.

Matthew 27:65

Ekw Pilate kaa itaat, “Utinaahkuch shimaakanishach. Che nituu yaaichihtaayekw an chiipaikamikw kwaast chechii ishpish yaaichihtaayekw.”

Matthew 28:11

Mekwaach maak anichii iskweuch e ishpishiitwaau e wii nituu wiihtamuwaatwaau aniyuu chischinuhamuwaakanh, pasch anichii shimaakanishach kaa naanaakachihtaatwaau aniyuu chiipaikamikuyuu chii ituhteuch anite ihtaawinihch, kaa nituu wiihtamuwaatwaau aniyuu kaa niikaanishkuwaayich ayimiheuchimaauh misiwe taan kaa ishi waapatahkwaau e ispayiyich.

Matthew 28:2

Sischikuuch maak chii mista kuihkun, ekw Utipeyihchikeu utenchilam kaa pechi aasiich kihchikiishikuhch uhchi, kaa iiche tihtipinaayich aniyuu asinii anit ishkwaahtemihch uhchi kaa ati tehtapiyich anit.

Mark 16:4

Wesh naashch chii misitistiyuu aniyuu asinii. E iitaapitwaau maak anite chekwaayuu shaash kaa iiche tihtipinaakanuyikupanen aniyuu asinii.

John 20:1

An kaa chisheayimiheuchiishikaach wiipach maak miin e ati waapahch, eshkw e ukaach anite chiipaikamikuhch chii ituhteu Mary Magdalene kaa waapamaat aniyuu asiniih e chii iichehtahaakanuyikupanen anit e uhchi piihchaanuyich.

2 Timothy 2:19

Mikw maak aniyuu Chishemanituu uchiskutamaachewin taan e ishi taapwemakaniyich namui chika chii aahtinikanuuyuu e ishpish yaaitaniyich, kaye an kaa itashtech, “Utipeyihchikeu chischeyimeu aniyuuh aweyuuh wiya tepiyeusiit” kaye “Misiwe awen Utipeyihchikeu e ihtaayich kaa ishi tipeyihtaakusit chipaa nakatam machaatisiiwiniyuu.”

Revelation 20:3

Iskutak maak kaa maahkupitaat aniyuuh mista manichuusha ekw kaa puuhchewepinaat anite aniyuu kaa mista pukuneyaayich. Kaa aataapishkahwaat anite kaye chii chiishaawaachihtaau anit e ihtaayich ekaa chechii aapahwaakanuyich paatish chii miyaaupayikwaawenh aniyuuh peyakwaau chishemitaahtumitanuu pipun. Eukw uyuu kaa ihtuutawaat ekaa miin chechii wiyeshimaayich misiwe e itiskaanesiyich aweyuu. Iskutak maak peyakwaau chishemitaahtumitanuu pipun utihchipayihche ekw weipishchiish che aapihkunaakanuut.