Matthew 27:64 - Chishemanituu Utayimuwin: Kaa Uskaach Testament

⁶⁴ Itashuweh maa yaakwaau chechii naanaakachihtaakanuuhch an chiipaikamikw paatish chii nishtuchiishikaache. Wesh kata chii pechi chimutiyuuh uchischinuhamuwaakanh aniyuu wiiyuu chechii nanatayimaayich aweyuuh e itaatwaau e chii wanishkaayich nipuwinihch uhchi. Ekw an nanataayuun uste namui kata uhchi chihkaawaastaakun ishpishaat an niishtam nanataayuun.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶⁴ ᐃᑕᔓᐌᐦ ᒫ ᔮᒀᐤ ᒉᒌ ᓈᓈᑲᒋᐦᑖᑲᓅᐦᒡ ᐊᓐ ᒌᐸᐃᑲᒥᒄ ᐹᑎᔥ ᒌ ᓂᔥᑐᒌᔑᑳᒉ᙮ ᐌᔥ ᑲᑕ ᒌ ᐯᒋ ᒋᒧᑎᔫᐦ ᐅᒋᔅᒋᓄᐦᐊᒧᐙᑲᓐᐦ ᐊᓂᔫ ᐐᔫ ᒉᒌ ᓇᓇᑕᔨᒫᔨᒡ ᐊᐌᔫᐦ ᐁ ᐃᑖᑣᐤ ᐁ ᒌ ᐗᓂᔥᑳᔨᒡ ᓂᐳᐎᓂᐦᒡ ᐅᐦᒋ᙮ ᐁᒄ ᐊᓐ ᓇᓇᑖᔫᓐ ᐅᔅᑌ ᓇᒧᐃ ᑲᑕ ᐅᐦᒋ ᒋᐦᑳᐙᔅᑖᑯᓐ ᐃᔥᐱᔖᑦ ᐊᓐ ᓃᔥᑕᒻ ᓇᓇᑖᔫᓐ᙮

Matthew 27:64 Iomraidhean Croise

Matthew 12:45

Uyuu maak wiyaapahtahk e ishinaakuniyich ekw chestuhtet, niyaanituweyimaat niishwaashch machiahchaahkwa uste e iteyihtaakusiyich e iteyihtaakusit wiya, chechii wiichimikut anite aniyuu naapeu piihch e ihtaayich. Ekw maak an naapeu etituu chika iteyihtaakuhiikuu aniyuu niishwaashch machiahchaahkwa taan kaa iteyihtaakusit niishtam, mikw e chii peyakushiyich. Ekun maak che ispayitwaau anichii anuhchiish awenichii kaa machaatisiitwaau.”

Matthew 27:63

Ekw kaa itaatwaau, “Uchimaau, nichischisinaan eshkw e chii pimaatisiit an kaa nanatayit e chii itwet, ‘Nishtu chiishikaauh ishpish ekw che wanishkaanikuuyaan nipuwinihch uhchi.’

Matthew 27:65

Ekw Pilate kaa itaat, “Utinaahkuch shimaakanishach. Che nituu yaaichihtaayekw an chiipaikamikw kwaast chechii ishpish yaaichihtaayekw.”

Matthew 28:13

Ekw anichii kaa niikaanishkuwaatwaau ayimiheuchimaau kaa itaatwaau aniyuu shimaakanisha, “Che itekuch awenichii, Tepiskaach mekwaach kaa nipaayaahch uchischinuhamuwaakanh chiimuut chii pechi nituwaahtamuweuch aniyuu wiiyuuyuu, ekw kaa chistuhtataayich.

1 Thessalonians 2:3

Iskutak kaa wii cheshtinaachimitaahch taan e ishi taapwemakahch miywaachimuwin namui chuuhchi nanatayimitinaan. Namui nitamukw nuuhchi aihtinaan kaye namui chuuhchi wii wiyeshihiitinaan anit chechii uhchi taapwehtamekw miywaachimuwin.