Matthew 27:42 - Chishemanituu Utayimuwin: Kaa Uskaach Testament

⁴² “Chii pimaachiheu kutak aweyuuh. Namui maak mechim chii pimaachihiisuu wiya. Namayeu aa maak uu Israel iinuuch uchisheuchimaamuwaau. Chechii wiihkuchihiisukwe maak aashiteyaahtikuhch uhchi ekw che taapweyimahkw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴² ᒌ ᐱᒫᒋᐦᐁᐤ ᑯᑕᒃ ᐊᐌᔫᐦ᙮ ᓇᒧᐃ ᒫᒃ ᒣᒋᒻ ᒌ ᐱᒫᒋᐦᐄᓲ ᐎᔭ᙮ ᓇᒪᔦᐤ ᐋ ᒫᒃ ᐆ ᐃᔅᕋᐁᓪ ᐄᓅᒡ ᐅᒋᔐᐅᒋᒫᒧᐙᐤ᙮ ᒉᒌ ᐐᐦᑯᒋᐦᐄᓱᑴ ᒫᒃ ᐋᔑᑌᔮᐦᑎᑯᐦᒡ ᐅᐦᒋ ᐁᒄ ᒉ ᑖᐺᔨᒪᐦᒄ᙮

Matthew 27:42 Iomraidhean Croise

Matthew 2:2

Ekw kaa naanituu kakwechihcheyimutwaau e itwetwaau, “Taanite e ihtaat an awaash kaa pimaatisiit aniyuuh Jewa iinuuch che uchisheuchimaamitwaau. Wesin nichii waapamaanaan achahkush anite waapanuutaahch. Eukw aniyuu chipaa nuukusiyuu iskutak pimaatisiite. Ekw kaa pechi takushiniyaahch chechii pechi nuuchiishtuwachiht.”

Matthew 27:37

Ishpimiishiish maak anit ustikwaanihch chii akuhtakahiikanuuyuu e masinaateyich taan kaa ishi ataameyimaakanuut. Chii itashteyuu, “Eukw uu Jesus, Jewa iinuuch uchisheuchimaamuwaauh.”

Matthew 27:40

Chii iteuch, “Chiya kaa itweyin chechii wanaachihtaayin chisheayimiheukamikw ekw maak nishtu chiishikaauh ishpish kaau chechii wiikaapuuhtaayin, taapwe e aawane Chishemanituu Ukusisa, wiichihiisu pechi niishaahtawiih an chitaashiteyaahtikum.”

Matthew 27:41

Ekun kaye kaa ishi maayeyimaatwaau anichii kaa niikaanishkuwaatwaau ayimiheuchimaauh ekw maak anichii kaa Chiskutamaachetwaau wiishuwewiniyuu ekw maak anichii kaa niikaanishkuwaatwaau Jewa iinuuh. Chii itweuch,

Mark 15:31

Ekw kaye wiyawaau anichii kaa niikaanapitwaau ayimiheuchimaauch ekw maak anichii wiishuwewiniyuu kaa chiskutamaachetwaau chii maayeyimeuch anit e ayimihiitutwaau e itwetwaau, “Chii pimaachiheu aweyuu, namui mechin chii pimaachihiisuu wiya.

Mark 15:32

Uu Christ, Israel iinuuch uchisheuchimaamuwaau, chipaa niishaahtawiyuu aniyuu aashiteyaahtikw e kanawaapamuhkw, ekw maak chipaa taapwehtenaanuu.” Anichii maak kutakach kaa chiistaaskuhwaakanuutwaau chii maayeyimeuch kaye wiyawaau Jesus.

Luke 19:38

Eukw maak uyuu kaa itwetwaau e maamihchimaatwaau Chishemanituu, “Shaweyihtaakusuu uu chisheuchimaau kaa pechi itishahukut Utipeyihchikeu, chechii ihtuutahk aniyuu kaa itashumaakanuut. Ihtakun chiyaameyihtamuwin kihchikiishikuhch. Kaye maak kata wii maamihchimaakanuu Chishemanituu maauch kaa chisteyihtaakusit.”

Luke 23:35

Chii naaniipuuch anite awenichii e kanawaapitwaau e maayeyimikuyich aniyuu Jewa iinuuh kaa niikaanishkuwaayich e itweyich, “Chii wiichiheu kutak aweyuuh, kata wiichihiisuu maak taapwe Christ e aawiikwe, aniyuu Chishemanituu kaa wiyaapamaat.”

Luke 23:37

Chii iteuch kaye, “Wiichihiisuu maak taapwe e aawane Jewa uchisheuchimaamuwaau.”

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 12:13

Ekw kaa naatwaanihkwaau niipisiyaahtikw kaa ati wiiwiitwaau anit Jerusalemihch che nituu nachihaatwaau, uyuu e itwetwaau e chishewetwaau, “Maamihchimaataau Chishemanituu, shaweyihtaakusuu an Chishemanituu kaa pechi itishahukut, Israel iinuuch uchisheuchimaamuwaau.”

John 12:47

An awen piyehtamukwe taan kaa ishi wiihtamaan ekaa maak nanihiihtamukwe, namui niwiyaaskunaau. Nichii takushin utah aschiihch namui wii chechii wiyaaskunicheyaan maak nichii takushin chechii pimaachihiiweyaan.

John 9:24

Ekw anichii Jewa iinuuh kaa niikaanishkuwaatwaau miin kaau kaa wiishaamaatwaau aniyuu naapeu ekaa uhchii waapahtamiyich ekw kaa kakwechimaatwaau, “Chishemanituu eukw maamihchim. Nichischeyimaanaan uu naapeu Jesus e machaatisiit.”

ᐊᐸᔅᑕᓚᒡ 4:14

Mikw maak namui wiyesh uhchii iteuch chechii nishkuushihaatwaau, wesh chii waapameuch aniyuu naapeuh kaa miinuwaachihaakanuyich e wiichikaapuushtawaayich Peter ekw maak John.