Matthew 27:4 - Chishemanituu Utayimuwin: Kaa Uskaach Testament

⁴ ekw kaa itaat, “Taapwe nuwach niwanituuten taan kaa ishi wiyeshipachishtinak naapeu ekaa uhchi machituutahk.” Ekw kaa itikut aniyuuh ayimiheuchimaau ekw maak aniyuu Jewa iinuuh kaa niikaanishkuwaayich, “Taapaa wiyesh nika chii ihtinaan niyaan. Chiya chikaa wii miyupayihtwaasun an.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐁᒄ ᑳ ᐃᑖᑦ, ᑖᐺ ᓄᐗᒡ ᓂᐗᓂᑑᑌᓐ ᑖᓐ ᑳ ᐃᔑ ᐎᔦᔑᐸᒋᔥᑎᓇᒃ ᓈᐯᐤ ᐁᑳ ᐅᐦᒋ ᒪᒋᑑᑕᐦᒃ᙮ ᐁᒄ ᑳ ᐃᑎᑯᑦ ᐊᓂᔫᐦ ᐊᔨᒥᐦᐁᐅᒋᒫᐤ ᐁᒄ ᒫᒃ ᐊᓂᔫ ᒎᐗ ᐄᓅᐦ ᑳ ᓃᑳᓂᔥᑯᐙᔨᒡ, ᑖᐹ ᐎᔦᔥ ᓂᑲ ᒌ ᐃᐦᑎᓈᓐ ᓂᔮᓐ᙮ ᒋᔭ ᒋᑳ ᐐ ᒥᔪᐸᔨᐦᑣᓱᓐ ᐊᓐ᙮

Matthew 27:4 Iomraidhean Croise

Matthew 27:19

Mekwaach maak Pilate e apit anite wiyaaskunicheukamikuhch wiichiskweuh chii pechi itishahweyuuh aweyuuh chechii itikut, “Ekaawii wiyesh ihtuutuu an kaa kuiskutaatisiit naapeu. Wesin naashch nimukushkaateyihtamihiikuun taan kaa ishi puwaatak tepiskaayich.”

Matthew 27:54

An maak shimaakanishuuchimaau ekw maak aniyuuh ushimaakanishimh kaa naanaakachihaayich Jesus iskutak wiyaapahtahkwaau e kuihkuniyich ekw maak misiwe aniyuu taan kaa ispayiyich chii sechisuuch. Ekw kaa itwetwaau, “Taapwe kwaa eukw uyuuh Chishemanituu Ukusisa.”

Luke 23:22

Eukw ekw nishtwaau Pilate kaa itaat, “Chekw machituutamuwiniyuu maak kaa ihtuutahk uu naapeu aniyuu che uhchi nipahaakanuukupane. Nika itashuwaataau chechii papasistehwaakanuut ekw che pachishtinak.”

Luke 23:41

Chiyaanuu maak ishinaakun chechii chiistaaskuhukuyihkw taan kaa ishi machituutamuhkw. Uu maak naapeu namui uhchi machituutam.”

Luke 23:47

An maak shimaakanishuuchimaau iskutak kaa waapahtahk taan kaa ispayiyich, chii chishtaachimeu Chishemanituu kaye chii itweu, “Cheshtinaash taapwe chii kuiskutaatisiiche uu naapeu.”

John 19:7

Ekw anichii Jewa iinuuch kaa nishkweushihaatwaau Pilate e itaatwaau, “Nitayaanaan wiishuwewin, itashteu anit niwiishuwewinaahch chechii itashuwaanuyich chechii nipahaakanuut aniyuu e chii itwet wiya e aawit Chishemanituuh Ukusisa.”

ᐊᐸᔅᑕᓚᒡ 13:28

Ekw anichii iinuuch kaa itaatwaau aniyuu Pilate chechii nipahaakanuyich Jesus, chii chischeyihtamuch maak ekaa uhchi machituutamiyich mikw maak yaapach chii iteuch che nipahaakanuyich.

Romans 3:19

Chichischeyihtenaanuu anichii kaa miyaakanuutwaau uyuu wiishuwewiniyuu chipaa nanihiihtamuch misiwe taan e itashuwemakaniyich. Eukw maak uu che uhchi ekaa mitun chii itwet awen ekaa uhchi chischeyihtahk e chii machituutahk kaye maak ekun wehchi misiwe awen utah aschiihch ishinaakuniyich chechii wiyaaskunikut Chishemanituuh.

1 Timothy 4:2

Ekw maak aniyuu che ishi wawiyesimuwetwaau uchii nitamukw e ishi chiskutamaachetwaau ekut che uhchi papehtaakuhkwaau uyuu machi chiskutamaachewinh. Uchii maak che papaawiyesimuwetwaau chek namui mitun wiyesh chika uhchi iteyihtamihiikuuch taan e ishi machi chiskutamaachetwaau che ishpish ekaa chischeyihtahkwaau taaniyuu eukw taapwewiniyuu kaye taaniyuu eukw wiyeshimuwewiniyuu. Namui mitun katauhchi papaameyihtamuch taan e ishi machi chiskutamaachetwaau.

Titus 1:16

Itweuch e chischeyimaatwaau Chishemanituuh mikw maak aniyuu e itaatisiitwaau nuukuniyuu ekaa taapwe chischeyimaatwaau Chishemanituu wesh naashch machaatisiyuuch. Namui mitun nanihiihtuweuch Chishemanituu kaye namui mitun iteyihtaakusuuch chechii miyutuutahkwaau.

Hebrews 7:26

Jesus eukw chisheayimiheuchimaaut chihchiwe chechii wiichihiitahkw. Namui wiiskaat machituutam. Mitun tekash kuiskutaatisiyuu kaye payehchisiyuu. Namui mitun iteyihtaakusuu taan e iteyihtaakusuuhkw chiyaanuu e machaatisiihkw. Namui mitun ihtakuniyuu chekwaayuu chechii ishi ataameyihtaakusit. Chishemanituuh chii wiyaapamikuu kaye chii ahiikuu anite maauch e ispeyihtaakuniyich anite kihchikiishikuhch.

1 Peter 1:19

Christ umihkw maauch kaa chisteyihtaakuhch chekwaan eukuu kaa wiihkuchihiikuyekw. Wesh aniyuu kaa wiihkuchihiitaakw Christ tekash chii pachishtinam upimaatisiiwin mwehch maanishchaanish ekaa mitun wiyesh ishinaakusit, naashch e miyuushit, ekun kaa ishinaakusit Christ uyuu kaa ihtuutamaataakw.

1 John 3:12

Namui chipaa uhchi naspituwaanuu Cain. Machimanituuh chii tipeyimikuu aniyuu kaa nipahaat wiichishaan. Chekwaayuu maak wehchii nipahaat. Chii maayaataniyuu aniyuu taan kaa ihtit wiya, chii kuiskunaakuniyuu maak wii aniyuu taan kaa ihtiyich wiichishaan.

Revelation 11:10

Anichii maak awenich aschiihch kaa ihtaatwaau chika miyeyihtamuch e chii nipahaakanuyich aniyuuh kaa niishiyich. Chika miywaatamuch kaye chika maamiituuch miiwewinh e chii nipahaakanuyich aniyuuh kaa niishiyich kaa ihtuutamiyich chechii nanehkaateyimunaanuyich utah aschiihch.