Matthew 27:29 - Chishemanituu Utayimuwin: Kaa Uskaach Testament

²⁹ Ekw kaa ushihtamuwaatwaau chisheuchimaau astutaniyuu, kaa kaasuutewaayikwaauh niipisiyaahtikw e chii aapachihtaawaatwaau. Eukw aniyuu kaa utastutinahaatwaau. Kaye chii miyeuch mistikuyuu chechii tahkunamiyich. Ekw kaa niipaskuupuwaatwaau uhchishkuu anit e ihtaayich. Chii maayeyimeuch mwehch e maamihchimaatwaau e itaatwaau, “Eukw chiya Jewa iinuuch uchisheuchimaamuwaauh.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁹ ᐁᒄ ᑳ ᐅᔑᐦᑕᒧᐙᑣᐤ ᒋᔐᐅᒋᒫᐤ ᐊᔅᑐᑕᓂᔫ, ᑳ ᑳᓲᑌᐙᔨᒀᐤᐦ ᓃᐱᓯᔮᐦᑎᒄ ᐁ ᒌ ᐋᐸᒋᐦᑖᐙᑣᐤ᙮ ᐁᐅᒄ ᐊᓂᔫ ᑳ ᐅᑕᔅᑐᑎᓇᐦᐋᑣᐤ᙮ ᑲᔦ ᒌ ᒥᔦᐅᒡ ᒥᔅᑎᑯᔫ ᒉᒌ ᑕᐦᑯᓇᒥᔨᒡ᙮ ᐁᒄ ᑳ ᓃᐸᔅᑰᐳᐙᑣᐤ ᐅᐦᒋᔥᑰ ᐊᓂᑦ ᐁ ᐃᐦᑖᔨᒡ᙮ ᒌ ᒫᔦᔨᒣᐅᒡ ᒬᐦᒡ ᐁ ᒫᒥᐦᒋᒫᑣᐤ ᐁ ᐃᑖᑣᐤ, ᐁᐅᒄ ᒋᔭ ᒎᐗ ᐄᓅᒡ ᐅᒋᔐᐅᒋᒫᒧᐙᐤᐦ᙮

Matthew 27:29 Iomraidhean Croise

Matthew 20:19

Ekw maak miin anite aniyuu ekaa Jewa kaa itiskaanesiyich e ihtaayich che ituhtahaatwaau chechii maayeyimaakanuyich kaye chechii pishishtehwaakanuyich kaye chechii chiistaaskuhwaakanuyich. Mikw maak chii nishtu chiishikaayiche kaau chika wanishkaau.”

Matthew 26:49

Judas maak kuiskw chii nituwaapameu aniyuu Jesus, ekw kaa itaat, “Kwei, chischinuhamaachesuu.” Ekw kaa uchemaat.

Matthew 27:37

Ishpimiishiish maak anit ustikwaanihch chii akuhtakahiikanuuyuu e masinaateyich taan kaa ishi ataameyimaakanuut. Chii itashteyuu, “Eukw uu Jesus, Jewa iinuuch uchisheuchimaamuwaauh.”

Mark 15:17

Ekw kaa pushchishkamutiyaatwaau akuhpiyuu e mihkwekaniyich kaye chii ushihtaauch chisheuchimaau astutiniyuu e kaasutewaayikwaau niipisiyaahtikw e aapachihtaatwaau. Eukw uyuu kaa pushchashtutinahaatwaau.

Mark 15:18

Ekw aayaahch kaa ihtuutawaatwaau muyaam e chisteyimaatwaau e ihtuutawaatwaau. Chii maayeyimeuch mwehch e maamihchimaatwaau e itaatwaau, “Eukw chiya Jewa iinuuch uchisheuchimaamuwaauh.”