Matthew 27:24 - Chishemanituu Utayimuwin: Kaa Uskaach Testament

²⁴ Iskutak maak neshituunahk Pilate ekaa chechii shaakuuchimaat aniyuuh iinuuh kaye piskunuu e ati chihchi machipayinaanuyich chii kaasiihtahcheu uhchishkuu aniyuuh iinuuh e ihtaayich. Ekw kaa itaat, “Namui wii niya nika uhchi ataameyihtaakusin che nipahaakanuut uu naapeu. Chiyawaau uu kaa ihtiyekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᐃᔅᑯᑕᒃ ᒫᒃ ᓀᔑᑑᓇᐦᒃ ᐹᐃᓚᑦ ᐁᑳ ᒉᒌ ᔖᑰᒋᒫᑦ ᐊᓂᔫᐦ ᐄᓅᐦ ᑲᔦ ᐱᔅᑯᓅ ᐁ ᐊᑎ ᒋᐦᒋ ᒪᒋᐸᔨᓈᓄᔨᒡ ᒌ ᑳᓰᐦᑕᐦᒉᐤ ᐅᐦᒋᔥᑰ ᐊᓂᔫᐦ ᐄᓅᐦ ᐁ ᐃᐦᑖᔨᒡ᙮ ᐁᒄ ᑳ ᐃᑖᑦ, ᓇᒧᐃ ᐐ ᓂᔭ ᓂᑲ ᐅᐦᒋ ᐊᑖᒣᔨᐦᑖᑯᓯᓐ ᒉ ᓂᐸᐦᐋᑲᓅᑦ ᐆ ᓈᐯᐤ᙮ ᒋᔭᐙᐤ ᐆ ᑳ ᐃᐦᑎᔦᒄ᙮

Matthew 27:24 Iomraidhean Croise

Matthew 26:5

Chii iteuch maak, “Namui wii mekwaach uu makushaanuuhche chika chii maakunaanuu, wesh naanituu chika mista chishuwaasuuch iinuuch chika chii ishinaakun chihchiwe chechii machipayinaanuuhch.”

Matthew 27:19

Mekwaach maak Pilate e apit anite wiyaaskunicheukamikuhch wiichiskweuh chii pechi itishahweyuuh aweyuuh chechii itikut, “Ekaawii wiyesh ihtuutuu an kaa kuiskutaatisiit naapeu. Wesin naashch nimukushkaateyihtamihiikuun taan kaa ishi puwaatak tepiskaayich.”

Matthew 27:23

Ekw Pilate kaa itaat, “Chekwaayuu maak. Taan kaa ishi machituutahk.” Ekw aahch kaa aashihkwetwaau anichii iinuuch, “Chiistaaskuhwaahkw aashiteyaahtikuhch,” e ishi tepwetwaau.

Matthew 27:4

ekw kaa itaat, “Taapwe nuwach niwanituuten taan kaa ishi wiyeshipachishtinak naapeu ekaa uhchi machituutahk.” Ekw kaa itikut aniyuuh ayimiheuchimaau ekw maak aniyuu Jewa iinuuh kaa niikaanishkuwaayich, “Taapaa wiyesh nika chii ihtinaan niyaan. Chiya chikaa wii miyupayihtwaasun an.”

Matthew 27:54

An maak shimaakanishuuchimaau ekw maak aniyuuh ushimaakanishimh kaa naanaakachihaayich Jesus iskutak wiyaapahtahkwaau e kuihkuniyich ekw maak misiwe aniyuu taan kaa ispayiyich chii sechisuuch. Ekw kaa itwetwaau, “Taapwe kwaa eukw uyuuh Chishemanituu Ukusisa.”

Matthew 27:9

Ekw maak kaa tipipayiyich taan kaa itwet aniyaa Jeremiah kaa ishinihkaasut uchischiwehiichesuu kaa itwet, Chii utineuch aniyuu nishtumitanuu shuuliyaawaapiskwa taan kaa ishi niskumutwaau pasch Israel iinuuch che ishpish chiishiihkaasutwaau aniyuu kaa itachimaakanuyich.

John 13:9

Simon Peter kaa itaat, “Utipeyihchikeu, ekaawii maataan mikw nisith chishtaapautaah, chishtaapautaah kaye nistikwaan ekw maak nitihchiih.”

John 19:4

Miin kaa wiiwiit Pilate kaa itaat aniyuu Jewa iinuuh, “Miin chika pechi wiiwiihtahaakanuu uu naapeu chechii waapahtamekw ekaa miskamuch taan chechii ishi nishuuwanaachimak niya wii.”

ᐊᐸᔅᑕᓚᒡ 3:14

Yaapach chiyawaau chichii aatuweyimaawaau an kaa payehchisiit kaye kaa kuiskutaatisiit kaye e chii itweyekw kaa nipahiiwet naapeu teyakuch chechii pachishtinamaakuyekw.

2 Corinthians 5:21

Aat maak Christ ekaa wiiskaat uhchi machituutahk Chishemanituu chii ihtuutaakuu mwehch umachihtwaau chechii ishinaakusit, chiyaanuu uhchi. Ekw maak Christ wiicheuhkwe, ukuiskutaatisiiuch chika ishi kanawaapamikunuu Chishemanituu.

1 Peter 3:18

Wesh Christ peyakwaau chichii nipistamaakunuu machihtwaawinihch uhchi chechii uhchi peshiitahkw Chishemanituu e ihtaayich. An kaa kuiskutaatisiit chii nipistamuweu aniyuu ekaa kaa kuiskutaatisiyich. Taapwe kiipaa muhch chii nipahtaakanuuyuu wiiyuu mikw maak chii ihtuutawaakanuuyuu utahchaahkuwa yaapach chechii pimaatisiyich.