Matthew 27:2 - Chishemanituu Utayimuwin: Kaa Uskaach Testament2 Iskutak maak kaa mamechimaapihkaatamuwaatwaauh utihchiiyuuh, ekw kaa chistuhtahaatwaau. Anite maak aniyuu Rome chisheuchimaau aapachihaakan Pilate kaa ishinihkaasuyich e ihtaayich ekute kaa ituhtahaatwaau. Faic an caibideilᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ2 ᐃᔅᑯᑕᒃ ᒫᒃ ᑳ ᒪᒣᒋᒫᐱᐦᑳᑕᒧᐙᑣᐤᐦ ᐅᑎᐦᒌᔫᐦ, ᐁᒄ ᑳ ᒋᔅᑐᐦᑕᐦᐋᑣᐤ᙮ ᐊᓂᑌ ᒫᒃ ᐊᓂᔫ ᕎᒻ ᒋᔐᐅᒋᒫᐤ ᐋᐸᒋᐦᐋᑲᓐ ᐹᐃᓚᑦ ᑳ ᐃᔑᓂᐦᑳᓱᔨᒡ ᐁ ᐃᐦᑖᔨᒡ ᐁᑯᑌ ᑳ ᐃᑐᐦᑕᐦᐋᑣᐤ᙮ Faic an caibideil |
An maak mekwaach chii ihtaauch anit iinuuch e chii wiihtamuwaatwaau Jesus taan kaa ihtuutawaakanuyich pasch iinuu Galilee aschiihch kaa uhchiyich. Chisheuchimaaukuuhpaaneu Pilate e ishinihkaasut e chii nipahaayich aniyuu iinuuh mekwaach e chii wii machishtawehamuwaatwaau Chishemanituu anichii iinuuch aniyuu awesiisa kaa nipahaatwaau.
Ekw mikw kaa naanaakachihtaatwaau che ishpish miyupayich chechii maakunaatwaau. Chii itishahweuch maak naapeuh anite Jesus e ihtaayich memehch chechii ishi kakwechimaatwaau, e wii naanituu pisiiwiyaatwaau chechii itweyich chekwaayuu chechii uhchi maakunaatwaau. Ekw maak chii maakunaatwaawenich ekw anite chipaa ituhtaheuch Rome chisheuchimaau e ihtaayich, aniyuu chipaa wiyaaskunikuyuu.
Aniyuu pepuniyich niyaayinushaap pipunh kaa ishpish chisheuchimaaut Tiberius kaa ishinihkaasut, Pontius Pilate mekwaach chii niikaanishkaacheu anite Judea aschiihch ekw Herod anite Galilee aschiihch kaa niikaanishkaachet ekw wiichishaan Herod, Philip kaa ishinihkaasuyich anite chii niikaanishkaacheyuu Iturea kaye Trachonitis kaa ishinihkaatekwaauh aschii. Ekw Lysanias kaa niikaanishkaachet anite Abilene kaa ishinihkaateyich aschiiyuu.
Wiipach aniyuu kaa chechishepaayaayich anit Caiaphas e ihtaayich chii uhchi chistuhtahaakanuu Jesus, anite chisheuchimaaukuuhpaaneu wiichihch kaa ituhtahaakanuut. Pilate chii ishinihkaasuu an chisheuchimaaukuuhpaaneu. Anichii maak Jewa iinuuch namui uhchi wii piihcheuch wiyawaau anite wesh chii itashteyuu uchuuwa wiishuwewiniwaahch ekaa chechii piihchetwaau wiichiihch aweyuu ekaa Jewa itiskaanesiyich. Kaye namui chipaa uhchi miichuuch miyaaskacheu makushaaniyuu chii piicheuwaakupanenich anite chisheuchimaaukuuhpaaneu wiichiihch.
Aniyuu maak maahchishtai tepiskaayich che ihtaat Peter anite chipahutuukamikuhch chistuuch niishu shimaakanisha e ihtaayich chii nipaau. Aniyuu maak waapaniyiche ekw chipaa wiyaaskunaakanuu. Niishwaapech maak upuuchishiyaapii chii maahkupitaakanuu. Kaye chii ihtaayuuh shimaakanisha e kanuushkuwaahtaweyich.
Piyehtahkwaau maak uyuu e itweyich Paul anichii kaa wii nituu chischeyimaatwaau taan kaa ishi wanituutamiyich chii ati ashaakaapuuch. Ekw an nitupayuuchimaau kaa sasechisit iskutak chescheyimaat Paul taapwe Rome e itasinaasuyich, kaye maak aniyuu e chii maahkupitaat upuuchishiyaapiih e aapachihtaat.
Aniyuuh Chishemanituuh kaa atushkuwaatwaau aniyehkaanaanich, Abraham, Isaac kaye Jacob kaye utaahch kuuhtaawiinuuch chisteyihtaakuheu aniyuu utaapachihaakanh, eukw uyuuh Jesus. Chiyawaau maak chichii ihtuutuwaawaau chechii pachishtinaakanuut anite Rome Chisheuchimaau e ihtaayich. E chii aatuwaahekw uhchishkuu Pilate e ihtaayich, aat iskutak Pilate kaa wii pachishtinaat.
kaa nitutamuwaat chechii miikut masinahiikaniyuu chechii waapahtiyaat aniyuu kaa niikaanishkuwaayich Jewa ayimiheuchimaau anit Damascus kaa ihtaayich e wiihtaakuniyich anit e miyaakanuut chechii maakunaat iskweu kaye naapeu kaa taapweyimaayich Jesus, kaye kaau chechii chiiwehtahaat anite Jerusalemihch.
Maamituneyimaahkuch anichii awenichii chipahutuukamikuhch kaa ihtaatwaau. Muyaam kaye chiyawaau e ihtaayekw anite aniyuu kaa ihtaatwaau chechii ishi maamituneyihtamekw. Maamituneyimaahkuch kaye anichii kaa nanehkaachihaakanuutwaau muyaam kaye chiyawaau e nanehkaachiihiikuyekw mwehch wiyawaau e ishi nanehkaachihaakanuutwaau chechii iteyihtamekw.