Matthew 27:19 - Chishemanituu Utayimuwin: Kaa Uskaach Testament

¹⁹ Mekwaach maak Pilate e apit anite wiyaaskunicheukamikuhch wiichiskweuh chii pechi itishahweyuuh aweyuuh chechii itikut, “Ekaawii wiyesh ihtuutuu an kaa kuiskutaatisiit naapeu. Wesin naashch nimukushkaateyihtamihiikuun taan kaa ishi puwaatak tepiskaayich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᒣᒀᒡ ᒫᒃ ᐹᐃᓚᑦ ᐁ ᐊᐱᑦ ᐊᓂᑌ ᐎᔮᔅᑯᓂᒉᐅᑲᒥᑯᐦᒡ ᐐᒋᔅᑴᐤᐦ ᒌ ᐯᒋ ᐃᑎᔕᐦᐌᔫᐦ ᐊᐌᔫᐦ ᒉᒌ ᐃᑎᑯᑦ, ᐁᑳᐐ ᐎᔦᔥ ᐃᐦᑑᑑ ᐊᓐ ᑳ ᑯᐃᔅᑯᑖᑎᓰᑦ ᓈᐯᐤ᙮ ᐌᓯᓐ ᓈᔥᒡ ᓂᒧᑯᔥᑳᑌᔨᐦᑕᒥᐦᐄᑰᓐ ᑖᓐ ᑳ ᐃᔑ ᐳᐙᑕᒃ ᑌᐱᔅᑳᔨᒡ᙮

Matthew 27:19 Iomraidhean Croise

Matthew 1:20

Mekwaach uyuu e maamituneyihtahk, iskutak maak nepaat, Utipeyihchikeu utenichilamiyuuh chii nuukushiishtaakuu upuwaamuwinihch e itikut, “Joseph, chiya aniyaa David aanische ukusisa, ekaawii kushtaach chechii wiichimat Mary wesh Kaa payehchisiyich Ahchaahkwa chii ihtuutaakuu chechii ayaawaat aniyuu awaasha.

Matthew 2:19

Iskutak maak kaa nipiyich Herod, ekw Utipeyihchikeu utenchilamiyuuh kaa nuukushiishtaakut Joseph upuwaamuwinihch. Eshkw mekwaach anite Egypt chii ihtaauch. Chii itikuu maak,

Matthew 2:22

Mikw maak iskutak Joseph piyehtahk Archelaus e chii miishkuchishkuwaakupane aniyuu uhtaawiih Herod e chisheuchimaaupinaanuyich anite Judea aschiihch, ekw kaa kushtaachit chechii wiichit anite. Ekw miin kaa wiihtamuwaakanuut taan che ihtit e puwaamut, ekw anite Galilee aschiihch ekute kaa ituhtetwaau.

Matthew 27:18

Chii chischeyimeu Pilate aniyuuh Jewa iinuuh kaa niikaanishkuwaayich e uhteyimaayich Jesus eukw aniyuu wehchi pachishtishuwaatamaakut.

Matthew 27:24

Iskutak maak neshituunahk Pilate ekaa chechii shaakuuchimaat aniyuuh iinuuh kaye piskunuu e ati chihchi machipayinaanuyich chii kaasiihtahcheu uhchishkuu aniyuuh iinuuh e ihtaayich. Ekw kaa itaat, “Namui wii niya nika uhchi ataameyihtaakusin che nipahaakanuut uu naapeu. Chiyawaau uu kaa ihtiyekw.”

Matthew 27:4

ekw kaa itaat, “Taapwe nuwach niwanituuten taan kaa ishi wiyeshipachishtinak naapeu ekaa uhchi machituutahk.” Ekw kaa itikut aniyuuh ayimiheuchimaau ekw maak aniyuu Jewa iinuuh kaa niikaanishkuwaayich, “Taapaa wiyesh nika chii ihtinaan niyaan. Chiya chikaa wii miyupayihtwaasun an.”

Luke 23:41

Chiyaanuu maak ishinaakun chechii chiistaaskuhukuyihkw taan kaa ishi machituutamuhkw. Uu maak naapeu namui uhchi machituutam.”

Luke 23:47

An maak shimaakanishuuchimaau iskutak kaa waapahtahk taan kaa ispayiyich, chii chishtaachimeu Chishemanituu kaye chii itweu, “Cheshtinaash taapwe chii kuiskutaatisiiche uu naapeu.”

John 19:13

Iskutak maak Pilate piyehtahk aniyuu kaa ishi tepuweyich aniyuu Jewa iinuuh wiiyawiitimihch chii ituhtaheu aniyuu Jesus ekw kaa waweyapit anit wiyaaskunichesuu tehtapuwinihch, anite e asiniihkaanuuniyich e chii asteyich. Hebrew e ishi ayiminaanuuhch Gabbatha ishinihkaataakanuu anit aniyuu kaa asiniihkaanuuniyich.

ᐊᐸᔅᑕᓚᒡ 12:21

Ekw Herod kaa wiyeyihtahk aniyuu e chiishikaayich che nituhtuwaat aniyuu iinuuh. Aniyuu maak kaa chiishikaayich chii chisheuchimaawaaspisuu, ekw kaa apit anit chisheuchimaau tehtapuwinihch ekw kaa ayimihaat aniyuu iinuu.

ᐊᐸᔅᑕᓚᒡ 18:12

Iskutak maak Gallio kaa Rome uchimaahkaanuut anite Achaia kaa ishinihkaateyich aschiiyuu anichii Jewa iinuuch maamuu chii nishtuwiyuuch ekw kaa maakunaatwaau Paul kaa ituhtahaatwaau anite wiyaaskunicheukamikuhch.

ᐊᐸᔅᑕᓚᒡ 18:16

Ekw Gallio kaa wiiwiitisuhwaat aniyuu iinuu kaa peshuwaayich Paul anite wiyaaskunicheukamikuhch.

ᐊᐸᔅᑕᓚᒡ 18:17

Ekw anichii iinuuch miiskuch aniyuu Sosthenes kaa maakunaatwaau, aniyuu kaa niikaanishkamiyich Jewa ayimiheukamikuyuu, ekw kaa kusiihkuwaatwaau anit wiiwiitamihch wiyaaskunicheukamikuhch. Namui mikw uhchi aapateyimeu an uchimaau Gallio aniyuu kaa ihtiyich.

ᐊᐸᔅᑕᓚᒡ 25:10

Ekw Paul kaa itwet, “Utah uu kaa niipuuyaan Caesar uwiyaaskunicheukamikuhch ekut utah nipaa wiyaaskunikuun waa wiyaaskunikuwaane. Taapaa ihtakuniyuu taan kaa ishi waanituutuukwaau uchii Jewa iinuuch. Chiya naanitam chimiyuchischeyihtenaache uu.

ᐊᐸᔅᑕᓚᒡ 25:17

Iskutak maak tekushihkwaau utah, tiiwehch nichii wii nanihiipayihtawaan chechii wiyaaskunaakanuyich Paul. An wiyaapahch nichii ituhten wiyaaskunicheukamikuhch. Iskutak maak kaa waweyapiyaan ekw kaa itashuweyaan chechii pechi piihtakahaakanuut an kaa wii wiyaaskunaakanuut, eukw uu Paul.

ᐊᐸᔅᑕᓚᒡ 25:6

Wiyesh maak yaanaaneu maak mitaahtu chiishikaau chii ishpish ihtaau miin Festus anit jerusalemihch. Ekw kaa ituhtet anite Caesareahch. Wiyaapaniyich maak, chii ati waweyapuu anite wiyaaskunicheukamikuhch iskutak misiwe kaa nishtawiyich aniyuu kaa wii wiyaaskunaayich Paul. Ekw kaa itashuwet Paul chechii pechi piihtakahaakanuyich.

1 Peter 2:22

namui wiiskaat uhchi machituutam kaye namui wiiskaat nitamukw uhchi ishi ayimuu, muush kuiskw chii ishi ayimuu.

1 John 2:1

Chimasinahamaatinaawaau nitawaashiimitikw ekaa chechii machituutamekw. E ihtaakwe maak awen e chii machituutahk Jesus Christ kaa kuiskutaatisiit eukw uu e ayimishtamaatahkw Kuuhtaawiinuuh e ihtaayich.