Matthew 27:15 - Chishemanituu Utayimuwin: Kaa Uskaach Testament

¹⁵ Eshikum pipun maak iskutak wetihchipayihch an miyaaskaacheu makushewin Pilate chii pachishtineu maanh peyakw aweyuuh e chii chipahwaakanuyich e chii wanihpisuyich uhchi. Mikw aniyuu netuweyimaayich aniyuu iinuu chechii pachishtinaakanuyich eukunh aniyuu kaa chii pachishtinaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐁᔑᑯᒻ ᐱᐳᓐ ᒫᒃ ᐃᔅᑯᑕᒃ ᐌᑎᐦᒋᐸᔨᐦᒡ ᐊᓐ ᒥᔮᔅᑳᒉᐤ ᒪᑯᔐᐎᓐ ᐹᐃᓚᑦ ᒌ ᐸᒋᔥᑎᓀᐤ ᒫᓐᐦ ᐯᔭᒄ ᐊᐌᔫᐦ ᐁ ᒌ ᒋᐸᐦᐙᑲᓄᔨᒡ ᐁ ᒌ ᐗᓂᐦᐱᓱᔨᒡ ᐅᐦᒋ᙮ ᒥᒄ ᐊᓂᔫ ᓀᑐᐌᔨᒫᔨᒡ ᐊᓂᔫ ᐄᓅ ᒉᒌ ᐸᒋᔥᑎᓈᑲᓄᔨᒡ ᐁᐅᑯᓐᐦ ᐊᓂᔫ ᑳ ᒌ ᐸᒋᔥᑎᓈᑦ᙮

Matthew 27:15 Iomraidhean Croise

Matthew 26:5

Chii iteuch maak, “Namui wii mekwaach uu makushaanuuhche chika chii maakunaanuu, wesh naanituu chika mista chishuwaasuuch iinuuch chika chii ishinaakun chihchiwe chechii machipayinaanuuhch.”

Matthew 27:16

Mekwaach maak chii ihtaau naapeu anite chipahutuukamikuhch naashch e miyu chischeyimaakanuut taan kaa ishi nanaahkuu waanihpisut, Barabbas e ishinihkaasut.

Luke 23:16

Ekw maak nika itashuwaataau chechii papasistehwaakanuut ekw maak che pachishtinak,” ekun kaa itwet Pilate.

Luke 23:17

Eshikum pipun maak iskutak wetihchipayihch miyaaskaacheu makushewin kaa ishinihkaatech, Pilate chipaa pachishtinekupane peyakw aweyuu e chii chipahwaakanuyich.

Luke 23:18

Ekw anichii iinuuch kaa ishi maamuu tepwetwaau, “Nipahaahkw Jesus. Barabbas eukw pachishtinaahkw.”

John 18:16

Peter maak wiiwiitimiskwaahch anit chii ihtaau wiya. Ekw an kutak chischinuhamuwaakan an kaa miyu chischeyimikut aniyuu chisheayimiheuchimaau kaau chii wiiwiyuu, kaa ayimihaat aniyuu ishkwesha anit ishkwaahtemihch kaa ihtaayihch kaa kakwechimaat chechii piihcheyich Peter. Ekw kaa piihtakahaat aniyuu Peter.

John 19:16

Ekw Pilate kaa pachishtinaat Jesus anite aniyuu shimaakanisha e ihtaayich chechii chiistaaskuhwaatwaau aashiteyaahtikuhch. Ekw kaa chistuhtahaatwaau.

ᐊᐸᔅᑕᓚᒡ 24:27

Niishu pipunh maak ishpish ekw kutak aweyuu kaa miiskuchishkaakut an chisheuchimaau Felix. Porcius Festus chii ishinihkaasuyuuh aniyuu kaa miiskuchishkaakut. Ekw maak Felix mikw e wii nanihiiwehaat aniyuu Jewa iinuuh ekut anit chipahutuukamikuhch kaa nakataat aniyuuh Paul.

ᐊᐸᔅᑕᓚᒡ 25:9

Ekw Festus kaa itaat aniyuu Paul, “Chipaa miyeyihten aa kaau nete Jerusalemihch chechii ituhtahiikuyin. Ekute nete yaakwaau chipaa chii nituu chischeyimitin uu taan e ishi mamishimikuyin.” Uyuu maak kaa itwet an chisheuchimaau mikw e wii nanihiiwehaat aniyuu Jewa iinuuh ekun wehchii itwet aniyuu.