Matthew 26:74 - Chishemanituu Utayimuwin: Kaa Uskaach Testament

⁷⁴ Peter maak chii iteu, “Taapwe wesin, namui nichischeyimaau an naapeu. Ekush nika waweshihiikw Chishemanituu nitamukw e itwewaane.” Ekut maak anit tiiwehch kaa uhchi chistut naapeu pakahaahkwaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷⁴ ᐲᑕᕐ ᒫᒃ ᒌ ᐃᑌᐤ, ᑖᐺ ᐌᓯᓐ, ᓇᒧᐃ ᓂᒋᔅᒉᔨᒫᐤ ᐊᓐ ᓈᐯᐤ᙮ ᐁᑯᔥ ᓂᑲ ᐗᐌᔑᐦᐄᒄ ᒋᔐᒪᓂᑑ ᓂᑕᒧᒄ ᐁ ᐃᑗᐙᓀ᙮ ᐁᑯᑦ ᒫᒃ ᐊᓂᑦ ᑏᐌᐦᒡ ᑳ ᐅᐦᒋ ᒋᔅᑐᑦ ᓈᐯᐤ ᐸᑲᐦᐋᐦᒀᓐ᙮

Matthew 26:74 Iomraidhean Croise

Matthew 10:28

Ekaawii kushtaahkuch awenichii kaa nipahaatwaau aweyuuh. Chika chii nipaheuch aweyuu kaye chika chii wanaachihtaauch miiyuuyuu mikw maak namui chika chii wanaachiheuch ahchaahkwa. Chishemanituu maak eukw kushpaniishtuwaahkw an chechii wanaachihtaat miiyuuyuu kaye ahchaahkwa chechii wanaachihaat machishkutehch.

Matthew 26:34

Jesus kaa itaat aniyuu Peter, “Chihchiwe chititin. Anuhchiish uu che tipiskaach nishtwaau chika itwen ekaa chischeyimiyin eshkw ekaa chistute naape pakahaahkwaan.”

Matthew 26:73

Naanaacheshiish maak anichii iinuuch anit kaa naaniipuutwaau chii pechi nituwaapameuch aniyuu Peter kaa itaatwaau, “Mitun e cheshtinaahuyaahch kaye chiya ekut kaa wiichihiiweyin, wesh ekun mwehch e itihtaakusiyin kaye chiya e ayimiyin.”

Matthew 26:75

Ekw Peter kaa uhchi chischisit taan kaa itikut Jesus, “Eshkw ekaa chistute naapeu pakahaahkwaan anuhchiish kaa chiishikaach nishtwaau chika itwen ekaa chischeyimiyin.” Ekw maak kaa wiiwiit kaa nituu maatut, suuhk e maatut.

Matthew 27:25

Ekw anichii iinuuch kaa itwetwaau, “Ekush niyaan ekw maak nitawaashiiminaanich nika maahtakushkaakuwaanaan taan che ishi nipahaakanuut.”

Mark 14:30

Ekw Jesus kaa itaat, “Chihchiwe chititin, eshkw ekaa mechim niishwaau chistute naape pakahaahkwaan che utaakushich shaash nishtwaau chika itwen ekaa chischeyimiyin.”

Mark 14:68

Peter maak chii nanatayuu, chii iteu, “Namui nichischeyihten kaye namui ninisituhten chekwaan uu kaa aayimuutaman.” Ekw kaa pisikuut ekw anite e ishkwaahtemuuniyich aniyuu waaskaahiikaniyuu kaa ituhtet. Kaa uhchi chistuyich naapepakahaahkwaan.

Luke 22:60

Peter maak chii iteu aniyuuh naapeuh, “Namui nichischeyihten chekwaan an kaa ayimitutaman.”

John 18:27

Miin maak yaapach Peter chii nanatayuu, “Namayeu niya,” chii iteu. Tiiwehch kaa uhchi pehtaakusiyich naapepakahaahkwaan.

Romans 9:3

Chiishpin chii nihiipayikupane chechii ihtuutaakanuuhch nipaa pachishteyimisun niya eukw chechii waaweshihiit Chishemanituu kaye maak niya eukw chechii iichehtahiikuyaan Christ uhchi e ihtaat.

1 Corinthians 16:22

Awen ekaa saachihaate Utipeyihchikeu, ekush chika waweshihiikuu Chishemanituu. Takushin maa, Utipeyihchikeu.

Revelation 3:19

Wesh niwiihtamuwaauch wenipayitwaauh anichii kaa saachihiikwaau kaye nikuiskunaauch. Suuhk maak chihchiwe iteyihtamukw e taapweyimiyekw, kweskaatisiikw, nakatamukw chimachihtwaawinawaauh.