Matthew 26:70 - Chishemanituu Utayimuwin: Kaa Uskaach Testament

⁷⁰ Peter maak chii nanatayuu e itwet, e pehtaakut misiwe anit kaa ihtaayich, “Namui nichischeyihten chekwaan kaa aayimuutaman.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷⁰ ᐲᑕᕐ ᒫᒃ ᒌ ᓇᓇᑕᔫ ᐁ ᐃᑗᑦ, ᐁ ᐯᐦᑖᑯᑦ ᒥᓯᐌ ᐊᓂᑦ ᑳ ᐃᐦᑖᔨᒡ, ᓇᒧᐃ ᓂᒋᔅᒉᔨᐦᑌᓐ ᒉᒀᓐ ᑳ ᐋᔨᒨᑕᒪᓐ᙮

Matthew 26:70 Iomraidhean Croise

Matthew 26:51

Peyakw aniyuuh uchischinuhamuwaakan chii uhchi yayishikaapischipatimiyuu shimaakanishiyuu muuhkumaaniyuu kaa chimihtuukayehwaat chisheayimiheuchimaau utaapachihaakaniyuuh.

Matthew 26:56

Mikw maak shaakuuch misiwe tipapayuu taan kaa ishi masinahahkwaau anite Chishemanituu utayimuwiniihch aniyehkaanaanich uchischiwehiichesuuch. Iskutak maak uyuu kaa itaat ekw misiwe uchischinuhamuwaakan kaa ushimuyich e nakachipahiikut.

Matthew 26:58

Peter maak waahiyuu anite chii uhchi nuushuushkuweu aniyuu kaa maakunaayich Jesus, piihiim kaa utihtahkwaau chisheayimiheuchimaauh uwaaskaahiikanimiyuu. Anit maak wiiwiitamihch ekut kaa ihtaat wiya Peter, kaa nituu wiitapamaat aniyuu kaa naanaakachihtaayich chisheayimiheuchimaau uwaaskaahiikanimiyuu e wii waapahtahk taan che ihtinaanuyikwe.

Matthew 26:69

Mekwaach maak e maayeyimaakanuyich Jesus, Peter chii apuu anite e uhchi piihtukaanuyich aniyuuh chisheayimiheuchimaauh uwaaskaahiikaniyuu, peyakw maak aniyuu chisheayimiheuchimaau ukuuhpaaneskwemiyuuh chii pechi nituwaapamikuu kaa itikut, “Kaye chii chichii papaawiichewaau Jesus an naapeu Galilee aschiihch kaa uhchiit.”

Matthew 26:71

Ekw kaa ati wiiwiit anit e uhchi piihtukaanuyich anit aniyuu kaa ihtaanuyich. Ekw miin kutak kuuhpaaneskwesha kaa waapamikut, ekw an ishkwesh kaa itaat aniyuu naapeu anit kaa ihtaayich, “Uu naapeu kaye wiya chii papaawiicheweu Jesus, Nazareth ihtaawinihch kaa uhchiyich.”

Luke 22:57

Peter maak chii iteu e nanatayit, “Namui chitaapwen. Namui nichischeyimaau an naapeu.”

Romans 11:20

Taapwe kiipaa. Mikw maak, Chishemanituu chii iicheneu aniyuuh Jewa iinuuh wesa e chii aanuwehtaakut. Chiya maak wii, chimiyunihtaauchin anit an mistikw wesh chichii taapweyimaau Chishemanituu. Ekaawii chika uhchi nanaapeumun. Ihtakun teyakuch chechii yaakwaamiyin.

1 Corinthians 10:12

Yaakwaamiih chiya kaa iteyihtaman muush e suuhchikaapuuyin ekaa chechii pahchishiniyin machihtwaawinihch ishi.

Revelation 21:8

Ekw anichii awenichii ekaa kaa suuhchistehetwaau chechii wiihtahkwaau e taapweyimaatwaau Jesus, anichii kaa chiiwekaapuushtahkwaau taan kaa ishi taapweyimaatwaau Jesus, anichii naashch kaa machaatisiitwaau, anichii kaa nipahaatwaau aweyuu, anichii nanaahkuu kaa ishi wiinisuu pimaatisiitwaau, anichii kaa miteuwaatisiitwaau, anichii kaa nuuchiishtuwaatwaau manituuhkaan ekw maak anichii kaa wiich nanatayitwaau machi ishkuteu saakahiikanihch chika ishuwepinaakanuuch. Eukw uu niishu nipuwin.”