Matthew 26:69 - Chishemanituu Utayimuwin: Kaa Uskaach Testament

⁶⁹ Mekwaach maak e maayeyimaakanuyich Jesus, Peter chii apuu anite e uhchi piihtukaanuyich aniyuuh chisheayimiheuchimaauh uwaaskaahiikaniyuu, peyakw maak aniyuu chisheayimiheuchimaau ukuuhpaaneskwemiyuuh chii pechi nituwaapamikuu kaa itikut, “Kaye chii chichii papaawiichewaau Jesus an naapeu Galilee aschiihch kaa uhchiit.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶⁹ ᒣᒀᒡ ᒫᒃ ᐁ ᒫᔦᔨᒫᑲᓄᔨᒡ ᒌᓴᔅ, ᐲᑕᕐ ᒌ ᐊᐴ ᐊᓂᑌ ᐁ ᐅᐦᒋ ᐲᐦᑐᑳᓄᔨᒡ ᐊᓂᔫᐦ ᒋᔐᐊᔨᒥᐦᐁᐅᒋᒫᐤᐦ ᐅᐙᔅᑳᐦᐄᑲᓂᔫ, ᐯᔭᒄ ᒫᒃ ᐊᓂᔫ ᒋᔐᐊᔨᒥᐦᐁᐅᒋᒫᐤ ᐅᑰᐦᐹᓀᔅᑴᒥᔫᐦ ᒌ ᐯᒋ ᓂᑐᐙᐸᒥᑰ ᑳ ᐃᑎᑯᑦ, ᑲᔦ ᒌ ᒋᒌ ᐸᐹᐐᒉᐙᐤ ᒌᓴᔅ ᐊᓐ ᓈᐯᐤ ᑲᓕᓖ ᐊᔅᒌᐦᒡ ᑳ ᐅᐦᒌᑦ᙮

Matthew 26:69 Iomraidhean Croise

Matthew 21:11

Ekw kaa itikutwaau aniyuu iinuuh kaa wiichewaayich Jesus, “Jesus an. Eukun uu uchischiwehiichesuu anite Nazareth, Galilee aschiihch, kaa uhchiit.”

Matthew 26:3

Ekw anichii kaa niikaanapitwaau ayimiheuchimaauch ekw maak anichii kaa niikaanishkuwaatwaau iinuuh kaa nishtuwiitwaau anite chisheayimiheuchimaau Caiaphas uchisheuchimaaukamikuwiihch.

Matthew 26:58

Peter maak waahiyuu anite chii uhchi nuushuushkuweu aniyuu kaa maakunaayich Jesus, piihiim kaa utihtahkwaau chisheayimiheuchimaauh uwaaskaahiikanimiyuu. Anit maak wiiwiitamihch ekut kaa ihtaat wiya Peter, kaa nituu wiitapamaat aniyuu kaa naanaakachihtaayich chisheayimiheuchimaau uwaaskaahiikanimiyuu e wii waapahtahk taan che ihtinaanuyikwe.

Matthew 26:70

Peter maak chii nanatayuu e itwet, e pehtaakut misiwe anit kaa ihtaayich, “Namui nichischeyihten chekwaan kaa aayimuutaman.”

Matthew 26:71

Ekw kaa ati wiiwiit anit e uhchi piihtukaanuyich anit aniyuu kaa ihtaanuyich. Ekw miin kutak kuuhpaaneskwesha kaa waapamikut, ekw an ishkwesh kaa itaat aniyuu naapeu anit kaa ihtaayich, “Uu naapeu kaye wiya chii papaawiicheweu Jesus, Nazareth ihtaawinihch kaa uhchiyich.”

John 1:46

Ekw Nathanael kaa itaat, “Chika chii uhchiyuu aa awen e chisteyihtaakusit anite Nazareth.” Ekw Philip kaa itaat, “Aashtam pechi nituwaapam.”

John 7:41

Kutakach maak chii iteuch, “Eukw uu Christ.” Kutakach chii iteuch, “Namiyewiiche uu Christ, wesh namui anite Galileehch chipaa uhchi uhchiyuu an Christ.

John 7:52

Chii nishkweushiheuch maak e itaatwaau, “Kaye chiya aa Galilee aschiihch kuuhchiyin. Ayimihtaayine Chishemanituu utayimuwin chika chischeyihten ekaa wiiskaat uhchi uhchiit awen e uchischiwehiichesuut anite Galilee aschiihch.”

ᐊᐸᔅᑕᓚᒡ 5:37

Paatimaa maak Judas, an Galilee kaa uhchiit, chii takushin mekwaach kaa achimaakanuyich iinuu. Kaye wiya maak chii mihchetiyuu aweyuu kaa nuushuushkaakut, mikw maak kaye wiya chii nipahaakanuu kaye chii ascheyaamuhchaanuyuu aniyuu kaa nuushuushkaakut.