Matthew 26:67 - Chishemanituu Utayimuwin: Kaa Uskaach Testament

⁶⁷ Chii sihkwaateuch utaashtamihkuyich eyuu chii utaamuhweuch kaye chii utitaamuhkwehweuch,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶⁷ ᒌ ᓯᐦᒀᑌᐅᒡ ᐅᑖᔥᑕᒥᐦᑯᔨᒡ ᐁᔫ ᒌ ᐅᑖᒧᐦᐌᐅᒡ ᑲᔦ ᒌ ᐅᑎᑖᒧᐦᑴᐦᐌᐅᒡ,

Matthew 26:67 Iomraidhean Croise

Matthew 26:68

Chii maayeyimeuch e itaatwaau, “Christ, chischiwehiiche maa, wiihtamuunaan maa awen kaa utaamuhuusk.”

Matthew 27:30

Chii sihkwaateuch maak. Ekw kaa utataamistikwaanehwaatwaau aniyuu mistikuyuu kaa tahkunamiyich.

Matthew 5:39

Mikw maak niya chititinaawaau, ekaawii taapishtaah awen e chii machituutaask. Awen utaamihkwehuuske chitaamihkanihch, mii ekush anite kweshtehche kaye chechii utaamihkwehuusk.

Mark 10:34

Eukw uchii che maayeyimaatwaau kaye che sihkwaataatwaau, kaye che pasistehwaatwaau, ekw maak che nipahaatwaau. Nishtu chiishikaau maak chii utihchipayiyiche kaau che wanishkaat.”

Mark 14:65

Pasch maak chii shihkwaateuch kaye chii akunaahkwehweuch ekw kaa wautaamuhkwehwaatwaau e itaatwaau, “Awen kaa utaamuhuusk chititeyihten.” Mechim aniyuuh kaa maakunawesiyich kaa naanaakachihtaayich aniyuu waaskaahiikaniyuu chii utataamuhukuu aniyuu e ati chistuhtahiikut.

Mark 15:19

Ekw kaa utaamistikwaanehwaatwaau mistikw e aapachihtaatwaau. Chii shihkwaateuch kaye chii uchihchiihkunapayihuuch uhchishkuu e ihtaayich muyaam e chisteyimaatwaau e ihtitwaau.

John 18:22

Iskutak maak Jesus kaa itwet uyuu, peyakw aniyuu kaa maakunawesiyich chii utaamuhkwehukuu e itikut, “Namui chika chii ishi ayimihaau chisheayimiheuchimaau.”

John 19:3

Chii maayeyimeuch mwehch e maamihchimaatwaau e itaatwaau, “Eukw chiya Jewa iinuuch uchisheuchimaamuwaauh.” Kaye chii utaamihkwehweuch utihchiiwaau e aapachihtaatwaau.

1 Corinthians 4:13

E maayeyimiyamihtwaau awenich e atushkaamachiht Christ, pehkaach nitayimihaanaanich e nishkweuhiichihtwaauh. Kaye maak anuhchiish mekwaach mwehch wepinaasun ekun e ihtuutaakuyaahch, niyaan maauch namui chekwaan nititeyimikunaanich awenich utah aschiihch.

Hebrews 12:2

Kaye kanawaapamaataau Jesus, an kaa ihtuutaatahkw chechii taapwehtamuhkw. Wiya chiwiichihiikunuu wetaach chechii suuhchikaapuuyihkw chitaapwehtamuwinaahch paatish tekash chii nanihiiwehiihkwe Chishemanituu. Chii shaapushkam nipuwiniyuu asiteyaahtikuhch kaye namui mechim uhchi aapateyihtamihiikuu aat e chii maayeyimaakanuut kaye e chii nenehkaateyimuhaakanuut wesh mikw aniyuu taan che ishpish muuchicheyihtahk iskutak miyaaupayiche anit e nanehkaateyimut ekun aniyuu kaa maamituneyihtamihiikut. Ekw maak anuhchiish, wiya chuuchisheuchimaaminaanuu anite maak apuu Chishemanituu unihiiwiniihch iitehche.