Matthew 26:46 - Chishemanituu Utayimuwin: Kaa Uskaach Testament

⁴⁶ Waniskaakw, maachiitaau ekw, wesh shaash takushinuu an naapeu che wiyeshipachishtinit.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁶ ᐗᓂᔅᑳᒄ, ᒫᒌᑖᐤ ᐁᒄ, ᐌᔥ ᔖᔥ ᑕᑯᔑᓅ ᐊᓐ ᓈᐯᐤ ᒉ ᐎᔦᔑᐸᒋᔥᑎᓂᑦ᙮

Matthew 26:46 Iomraidhean Croise

Matthew 26:45

Ekw miin kaau kaa nituwaapamaat aniyuu uchischinuhamuwaakan, kaa itaat, “Eshkw aa chinipaanaawaau. Eshkw aa chitaasteyeskusinaawaau. Iitaapikw maa, shaash utihchipayuu an tipahiikan che wiyeshipachishtinaakanuut Iinuu Ukusisa anite umachihtwaauh e ihtaayich.

Matthew 26:47

Eshkw maak mekwaach e ayimit Jesus chii uhchi takushiniyuuh peyakw aniyuu kaa niishushaapuyich uchischinuhamuwaakan Judas kaa ishinihkaasuyich. Chii pechi wiicheukuyuu mihchetu aweyuuh e chii pechi itishahukutwaau kaa niikaanapitwaauh ayimiheuchimaauh kaye aniyuuh iinuuh kaa niikaanishkuwaayitwaauh. Chii pechi tahkunamuch maak nitupayuuhkumaan kaye utaamihiikanaahtikw.

Mark 14:42

Wanishkaakw. Maachiitaau. Kanawaapamaahkw maa an che wiyeshipachishtinit shaash peshunaakusuu.”

Luke 12:50

Wesh naashch taapwe kata aayiman chekwaan che ishi nachishkamaan nuwach maak nimukushkaateyihten kamaa shaash miyaaupayihch e iteyihtamaan.

Luke 22:15

Chii iteu maak Jesus, “Naashch taapwe nichii pukuseyihtamihiikuun chechii wiichimiichisuumitakuch miyaaskaacheu makushaan eshkw ekaa utihchipayihch che ishi wawiisacheyihtamihiikuyaan.

Luke 22:21

“Iitaapikw maa, awen che wiyeshipachishtinit ekut utah waatapimitihkw miichisuunaahtikuhch.

Luke 9:51

Wetaach maak chii ati peshunaakuniyuu Jesus kihchikiishikuhch che ishi utinaakanuut ekw naashch kaa iteyihtamihiikut yaaitei chechii ituhtet Jerusalemihch. Ekw maak kaa chistuhtet.

John 14:31

Mikw maak iinuuch utah aschiihch chipaa chischeyihtamuch e saachihiimach Uhtaawiimaau ekun maak muush wehchi nanihiihtuuk misiwe taan e itashumit. Aashtamukw maak chistuhtetaau.”

John 21:20

Peter chii kweschikaapuu kaa waapamaat aniyuu kutak chischinuhamuwaakan, aniyuu Jesus kaa saachihaayich. Eukun aniyuu kaa aaspichisimuyich Jesus e ihtaat mekwaach kaa miichisutwaau kaye kaa ishi kakwechimaat, “Utipeyihchikeu, awen che wiyeshipachishtinisk.”

ᐊᐸᔅᑕᓚᒡ 21:13

Mikw maak nichii itikunaan, “Chekwaan wehchi maatuuyekw, nikushikutehen e maatuuyekw. Yaapach wesh nika ituhten anite Jerusalemihch. Shaash wesin nitayeskuwiin namui mikw chechii chipahukuyaan Utipeyihchikeu Jesus utishinihkaasuwin uhchi, nitayeskuwiin kaye che wii nipahiikuwaane wiya uhchi.” Eukw uyuu kaa itikuyaahch Paul.