Matthew 26:45 - Chishemanituu Utayimuwin: Kaa Uskaach Testament

⁴⁵ Ekw miin kaau kaa nituwaapamaat aniyuu uchischinuhamuwaakan, kaa itaat, “Eshkw aa chinipaanaawaau. Eshkw aa chitaasteyeskusinaawaau. Iitaapikw maa, shaash utihchipayuu an tipahiikan che wiyeshipachishtinaakanuut Iinuu Ukusisa anite umachihtwaauh e ihtaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁵ ᐁᒄ ᒦᓐ ᑳᐤ ᑳ ᓂᑐᐙᐸᒫᑦ ᐊᓂᔫ ᐅᒋᔅᒋᓄᐦᐊᒧᐙᑲᓐ, ᑳ ᐃᑖᑦ, ᐁᔥᒄ ᐋ ᒋᓂᐹᓈᐙᐤ᙮ ᐁᔥᒄ ᐋ ᒋᑖᔅᑌᔦᔅᑯᓯᓈᐙᐤ᙮ ᐄᑖᐱᒄ ᒫ, ᔖᔥ ᐅᑎᐦᒋᐸᔫ ᐊᓐ ᑎᐸᐦᐄᑲᓐ ᒉ ᐎᔦᔑᐸᒋᔥᑎᓈᑲᓅᑦ ᐄᓅ ᐅᑯᓯᓴ ᐊᓂᑌ ᐅᒪᒋᐦᑣᐤᐦ ᐁ ᐃᐦᑖᔨᒡ᙮

Matthew 26:45 Iomraidhean Croise

Matthew 26:18

Chii iteu maak, “Ituhtekw anite ihtaawinihch, che nituwaapamekw peyakw naapeu ekw che itekw, ‘Iteu Chischinuhamaachesuu, shaash wiipach chika utihchipayuu che nakatamaan uu aschii. Anite chiichihch nichischinuhamuwaakanich nika pechi makushenaan an miyaaskaacheu makushaan.’ ”

Matthew 26:2

“Chichischeyihtenaawaau niishu chiishikaau ishpish ekw che chihchipayihch miyaaskaacheu makushewin. Ekut maak an mekwaach ispayihche che pachishtinaakanuut Iinuu Ukusisa chechii chiistaaskuhwaakanuut.”

Matthew 26:44

Jesus kaa nikataat, miin kaa nituu ayimihaat. Ekw nishtwaau kaa peyakuhtaat aniyuu e ishi ayimihaat.

Matthew 26:46

Waniskaakw, maachiitaau ekw, wesh shaash takushinuu an naapeu che wiyeshipachishtinit.”

Mark 14:35

Nete maak ustesiish chii ituhteu Jesus, anite aschiihch kaa ishi pahchishimipayihut. Ekw kaa ayimihaat e nitutamaat chechii nihiipayiniyich ekush ekaa chechii nachishkahk taan chipaa ishi nachishkam mekwaach aniyuu tipahiikaniyuu.

Luke 22:53

Aat eshikum chiishikaau e chii ihtaayihkw chisheayimiheukamikuhch namui wiiskaat kuuhchi kuchihtaanaawaau chechii maakuniyekw. Ekw maak wetihchipayihch chechii ihtuutamekw taan waa ihtuutamekw mekwaach e suuhcheyihtaakuhch wanitipiskusiiwin.”

John 12:23

Ekw Jesus kaa itaat, “Shaash utihchipayuu Chishemanituu chechii waapahtiiwet e chisteyihtaakusiyich Iinuu Ukusisa.

John 12:27

“Naashch misimeyihtam nitahchaahkw, taan maak chechii itak Nuuhtaawii. Nika itaau aa, nuuhtaawii, ekaawii pechi pachishtin chechii nanehkaateyimuyaan. Namui, namui nika uhchi itaau uyuu wesh ekun wehchi takushiniyaan utah aschiihch chechii nanehkaateyimuyaan.

John 13:1

Eshkw ekaa uhchi utihchipayiyich Miyaaskaacheu Makushewin, shaash chii chischeyihtam Jesus e utihchipayiyich che nakatahk uyuu aschiiyuu kaye che nituwaapamaat Uhtaawiimaau. Muush chii saachiheu misiwe aniyuu kaa taapweyimikut utah aschiihch kaa ihtaayich ekw maak che utihchipayihch chechii waapahtiyaat taan e ishpish saachihaat.

John 17:1

Iskutak maak Jesus kaa chiishi ayimit, chii tastasaapuu kihchikiishikuhch ishi ekw kaa itwet, “Nuuhtaawii, ekw wetihchipayihch tipahiikan. Waapahtiiwe taan e ishpish chisteyihtaakusit Chikus ekw maak che waapahtiiwet taan e ishpish chisteyihtaakusuut chiya.