Matthew 26:42 - Chishemanituu Utayimuwin: Kaa Uskaach Testament

⁴² Ekw miin kaa nituu ayimihaat Jesus kaa itwet, “Nuuhtaawii ekaa chechii iichenikanuukwe uu che ishi wiisacheyihtamaan ekun kiipaa che ishi ihtuutamaan, chiya chititeyihtamuwin chechii ihtuutaakanuuhch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴² ᐁᒄ ᒦᓐ ᑳ ᓂᑑ ᐊᔨᒥᐦᐋᑦ ᒌᓴᔅ ᑳ ᐃᑗᑦ, ᓅᐦᑖᐐ ᐁᑳ ᒉᒌ ᐄᒉᓂᑲᓅᑴ ᐆ ᒉ ᐃᔑ ᐐᓯᒉᔨᐦᑕᒫᓐ ᐁᑯᓐ ᑮᐹ ᒉ ᐃᔑ ᐃᐦᑑᑕᒫᓐ, ᒋᔭ ᒋᑎᑌᔨᐦᑕᒧᐎᓐ ᒉᒌ ᐃᐦᑑᑖᑲᓅᐦᒡ᙮

Matthew 26:42 Iomraidhean Croise

Matthew 20:22

Ekw Jesus kaa itaat aniyuu ukusiyuu, “Namui chichischeyihtenaawaau an chekwaan kaa ishi nitutamaayekw. Chika chii ihtinaawaau aa chechii minihkweyekw taan e ishi ihtakuhch niminihkwaakanihch menihkweyaan anuhchiish. Chika chii ihtinaawaau aa chechii siikahaahtaakuyekw muyaam niya taan che ishi siikahaahtaakuyaan.” Ekw kaa itikut, “Ehe, nika chii ihtinaan.”

Matthew 26:39

Ekw anite iiche kaa ituhtet wiya, chii uchihchiihkunipuu maak, kaa ayimihaat e itwet, “Nuuhtaawii, chechii ishinaakunikwe pechi iichenamuuh uu taan che ishi wawiisacheyihtamaan, mikw maak chii chititeyihtamuwin chika ihtuutaakanuu, namui niya nititeyihtamuwin.”

Matthew 26:43

Miin kaa nituwaahaat aniyuu uchischinuhamuwaakan, chekwaayuu eshkw kaa nipaayich, wesh shaash namui uhchii ihtiyuuh ekaa chechii nipaayich.

Matthew 6:10

Nitayimihaanaan kaye chuuchimaawin che utihchipayihch, kaye chititeyihtamuwin chechii ihtuutaakanuuhch utah aschiihch muyaam e ishi ihtuutaakanuuhch anite kihchikiishikuhch.

Mark 14:36

Chii itweu, “Nuuhtaawii, namui ihtakun chekwaan ekaa chechii ihtuutaman chiya. Iichenamuu maa uu taan nipaa ishi wiisacheyihten. Mikw maak chiya chititeyihtamuwin chika ihtuutaakanuu, namui niya nititeyihtamuwin.”

Luke 22:42

Kaa itwet, “Nuuhtaa, pechi iichenamuu uu taan nipaa ishi wawiisacheyihten, mikw maak chii chititeyihtamuwin chika wii ihtuutaakanuu, namui niya nititeyihtamuwin.”

John 6:38

Wesh nichii takushin kihchikiishikuhch e uhtuhteyaan chechii ihtuutamuch Chishemanituu utiteyihtamuwin, an kaa pechi itishahuut. Namui nuuhchi takushin utah aschiihch mikw niya nititeyihtamuwin chechii ihtuutamaan.

Hebrews 4:15

Wesh an chichisheayimiheuchimaaminuu chichistimaacheyimikunuu. Tekash chichischeyimikunuu ekaa mitun suuhchikaapuuhkw iskutak e kakwechihiikuuhkw chechii machituutamuhkw. Wesh kaye wiya chii kakwechihaakanuu chechii machituutahkw muyaam chiyaanuu e ihtuutaakuyihkw, mikw maak namui uhchi machituutam wiya.