Matthew 26:40 - Chishemanituu Utayimuwin: Kaa Uskaach Testament

⁴⁰ Chii pisikuu maak kaa chiishi ayimihaat, kaau kaa nituwaapamaat aniyuu uchischinuhamuwaakan kaa ashuwaapamikut, wetihtaat maak chekwaayuu kaa nipaayich, ekw kaa itaat aniyuu Peter, “Taan e ihtiyekw wehchi ekaa waawaach peyakw tipahiikan uhchii ishpish ashuwaapamiyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁰ ᒌ ᐱᓯᑰ ᒫᒃ ᑳ ᒌᔑ ᐊᔨᒥᐦᐋᑦ, ᑳᐤ ᑳ ᓂᑐᐙᐸᒫᑦ ᐊᓂᔫ ᐅᒋᔅᒋᓄᐦᐊᒧᐙᑲᓐ ᑳ ᐊᔓᐙᐸᒥᑯᑦ, ᐌᑎᐦᑖᑦ ᒫᒃ ᒉᒀᔫ ᑳ ᓂᐹᔨᒡ, ᐁᒄ ᑳ ᐃᑖᑦ ᐊᓂᔫ ᐲᑕᕐ, ᑖᓐ ᐁ ᐃᐦᑎᔦᒄ ᐌᐦᒋ ᐁᑳ ᐙᐙᒡ ᐯᔭᒄ ᑎᐸᐦᐄᑲᓐ ᐅᐦᒌ ᐃᔥᐱᔥ ᐊᔓᐙᐸᒥᔦᒄ᙮

Matthew 26:40 Iomraidhean Croise

Matthew 25:5

Namui maak tiiwehch uhchi takushinuu an uschinaapewaan. Chek kaa chisihkusitwaau anichii ishkweshach, ekw chek kaa kauhkusitwaau.”

Matthew 26:35

Peter maak chii iteu, “Aat kaye niya wii nipahiikuyaane iskutak nipahiikuyine namui yaapach nika uhchi itwen ekaa chischeyimitaan.” Ekw anichii kutakach chischinuhamuwaakanich ekun kaye wiyawaau kaa itwetwaau aniyuu kaa itweyich Peter.

Matthew 26:38

Ekw kaa itaat aniyuu kaa wiichewaat, “Naashch taapwe misimeyihtam nitahchaahkw. Ekut utah ihtaakw mikw maak ekaawii wii kauhkusikw e ashuwaapamiyekw.”

Matthew 26:41

Yaakwaamiikw kaye ayimihaakw ekaa chechii shaakuuchihiikuyekw kakwechihiiwewin. Wesh chitahchaahkuwaahch naashch taapwe kuiskw chiwii ihtinaawaau mikw maak chiyaasiwaahch namui mitun chisaapisiinaawaau.”

Matthew 26:43

Miin kaa nituwaahaat aniyuu uchischinuhamuwaakan, chekwaayuu eshkw kaa nipaayich, wesh shaash namui uhchii ihtiyuuh ekaa chechii nipaayich.

Mark 14:37

Iskutak kaa chiishi ayimihaat kaau chii naateu aniyuuh kaa nishtiyich uchischinuhamuwaakanh, misiwe maak chii nipaayuuh. Chii iteu aniyuuh Peter, “Simon, chinipaan aa. Namui aa mechim kuuhchii ihtin peyakw tipahiikan ekaa chechii nipaayin.”

Luke 22:45

Chii pisikuu maak iskutak kaa chiishi ayimihaat. Miin kaau kaa naataat aniyuu uchischinuhamuwaakanh, chekwaayuu kaa nipaayich mitun e chii ishpishihiikuyich umisimeyihtamuwiniyuu.

Luke 9:32

Peter ekw maak anichii kutakach awenichii Jesus kaa chii wiichewaatwaau chii kuuhkushiwaakupanenich. Chii pekupayuuch iskutak maak wespaaweyihtahkwaau chii waapahtamuch waashtewiniyuu waaskaa Jesus e ihtaayich kaye chii waapameuch aniyuu niishu naapeu e wiichikaapuushtaakuyich.