Matthew 26:38 - Chishemanituu Utayimuwin: Kaa Uskaach Testament

³⁸ Ekw kaa itaat aniyuu kaa wiichewaat, “Naashch taapwe misimeyihtam nitahchaahkw. Ekut utah ihtaakw mikw maak ekaawii wii kauhkusikw e ashuwaapamiyekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁸ ᐁᒄ ᑳ ᐃᑖᑦ ᐊᓂᔫ ᑳ ᐐᒉᐙᑦ, ᓈᔥᒡ ᑖᐺ ᒥᓯᒣᔨᐦᑕᒻ ᓂᑕᐦᒑᐦᒄ᙮ ᐁᑯᑦ ᐅᑕᐦ ᐃᐦᑖᒄ ᒥᒄ ᒫᒃ ᐁᑳᐐ ᐐ ᑲᐅᐦᑯᓯᒄ ᐁ ᐊᔓᐙᐸᒥᔦᒄ᙮

Matthew 26:38 Iomraidhean Croise

Matthew 25:13

Ekw Jesus kaa ati itwet, “Eukw maak uu uhchi kaye chiyawaau muush chipaa ayeskuwiinaawaau wesh namui chichischeyihtenaawaau taaishpish nihaau che takushinit Iinuu Ukusisa.”

Mark 14:34

Ekw kaa itaat, “Naashch taapwe misimeyihtam nitahchaahkw. Ekut utah ihtaakw mikw maak ekaawii wii kauhkusikw e ashuwaapiyekw.”

John 12:27

“Naashch misimeyihtam nitahchaahkw, taan maak chechii itak Nuuhtaawii. Nika itaau aa, nuuhtaawii, ekaawii pechi pachishtin chechii nanehkaateyimuyaan. Namui, namui nika uhchi itaau uyuu wesh ekun wehchi takushiniyaan utah aschiihch chechii nanehkaateyimuyaan.

Romans 8:32

Namui waawaach Ukusisa chuuhchi manaatinamaakunuu. Chii pachishtineu chechii nipistamaakuuhkw. Aniyuu maak waawaach tipiiwe Ukusisa e chii pachishtinaat chechii nipahaakanuyich chiyaanuu uhchi ekut che uhchi cheshtinaahuyihkw mikw che ishi miikuyihkw kutak chekwaayuuh.

2 Corinthians 5:21

Aat maak Christ ekaa wiiskaat uhchi machituutahk Chishemanituu chii ihtuutaakuu mwehch umachihtwaau chechii ishinaakusit, chiyaanuu uhchi. Ekw maak Christ wiicheuhkwe, ukuiskutaatisiiuch chika ishi kanawaapamikunuu Chishemanituu.

Galatians 3:13

Christ chichii naatamaakunuu taan kaa ishi nishuuwanaachimikuyihkw wiishuwewinihch uhchi ekw wii miiskuch kaa nishuuwanaachimaakanuut. Wesh itashteu Chishemanituu utayimuwinihch, Misiwe awen mistikuhch kaa akuyaakanuut nishuuwanaachimikuu Chishemanituu.

1 Peter 2:24

Wiya tipiiwe wiiyuuhch chii ishi utinam chimachihtwaawinuuh kaa chiistaaskuhwaakanuut aashiteyaahtikuhch, miiskuch chiyaanuu ekaa chechii piihchishkaakuyihkw machihtwaawin. Chii ihtuutam chimachihtwaawinuuh chechii ati ishinaakusuuhkw muyaam e nipiikw machihtwaawinihch ishi ekw maak kuiskutaatisiiwinihch chechii ishi pimaatisiyuuhkw. Aniyuu taan kaa ishi papasistehwaakanuut ekut kaa uhchi miinuwaatisiyuuhkw.

1 Peter 3:18

Wesh Christ peyakwaau chichii nipistamaakunuu machihtwaawinihch uhchi chechii uhchi peshiitahkw Chishemanituu e ihtaayich. An kaa kuiskutaatisiit chii nipistamuweu aniyuu ekaa kaa kuiskutaatisiyich. Taapwe kiipaa muhch chii nipahtaakanuuyuu wiiyuu mikw maak chii ihtuutawaakanuuyuu utahchaahkuwa yaapach chechii pimaatisiyich.

1 Peter 4:7

Shaash peshunaakun misiwe chekwaan che iskwaapayihch. Chinituweyihtaakusinaawaau chechii ishi nanaakatuweyihtamekw taan e ihtiyekw kaye ashuwaapikw e ayimihaayekw.